Génesis 40:19 - Qullan Arunaca

¹⁹ Acat quimsa ururusti faraonajj wasitatwa uñjjatani juman acancatamjja, ucatsti mä kokaruw warccatayaraquïtam, jamach'inacaraquiw jutasin aychamjja mank'apjjani.

Aymar Bibliia 1986

¹⁹ Acat quimsa ururusti faraonajj wasitatwa uñjjatani juman acancatamjja, ucatsti mä kokaruw warccatayaraquïtam, jamach'inacaraquiw jutasin aychamjja mank'apjjani.

Qullan Arunaka DC

¹⁹ Akat kimsa ururusti, faraonax luratam uñjani, ukatsti mä quqaruw warkkatayätam, siwiq'aranakaw jutasin janchim manq'ani —sasa.

Génesis 40:19 Jak'a apnaqawi uñst'ayäwi

Génesis 40:13

Acat quimsa ururusti faraonajj wasitatwa uñjani juman acancatamjja, ucatsti nayra irnakäwimaruw wasitat uchjjätam, jumasti wastatampiw faraonarojj copjja loktjjäta, cunjämtejj nayrajj lurirïctas uqhama.

Génesis 40:17

Amstanquiri canastillosti cunayman t'ant'anacanïnwa faraonataquejja, ucampisa jamach'inacaw jutasin uca p'ekejj patanccän uca canastillon t'ant'jja mank'suwayjjapjje —sasa.

Génesis 40:18

Ucatsti Joseajj saraquïnwa: —Samcamajj aqham sañ muni: Uca quimsa canastillonacajj quimsa uruwa.

Génesis 40:20

Quimsa uru pasatatsti faraonan urupänwa, ucatsti jupajj mä jach'a fiesta luräna jakenacapataquejja. Jawsayata jakenac nayrakatatwa faraonajj coperonacan jilïriparojj carcelat irpsuyanjjäna, uqhamarac panaderonacan jilïriparusa.

Génesis 40:22

ucampisa panaderorojj warccatayänwa cunjämtejj Joseajj siscatayna uqhama.

Génesis 41:13

¡Take cunas cunjämtï jupajj sapquitäna uqhamarupuniw phokhasiraqui! Nayajj wasitatwa lurañanakajar cuttanjjta, maynisti jaychcatataraquiw uñjasi —sasa.

2 Samuel 21:10

Uqhamasti Rizpa sat warmejja, cawquïritejj Ajan phuchapäcän ucasti chhanqha isinacampiw ist'asïna, lutt'asitapa uñacht'ayañataqui, mä karka pataruw wincutataraquïna. Ucaruw khepararaquïna cebada apthapiña kalltcän ucata, jallupachan puriniñapcama, janiraquiw jach'a jamach'inacarojj jac'aycänti urunacajja, ni monte animalanacarus jac'ayancaraquïnti arumanacajja, jiwat amayanacarojja.

2 Samuel 21:6

uca jaken wawanacapatjja pakallkoni nanacar catuyapjjeta, nanacasti ucanacarojj Gabaa chekanwa, pachpa Saúl reyin marcapana, Tatitu nayrakatan warccatapjjä —sasa. Reyisti —Waliquiwa —saraquïnwa,

Proverbios 30:17

Qhititejj awquiparu jisc'achqui, uqhamarac chuyman taycapatsa sawcasqui ucajja, waquisiwa cuervo sat jamach'impi jupan nayranacapajj apsutäñapa, janchipas siwek'aranacan mank'antatäñapa.

Ezequiel 39:4

Jumasti, ejercitomampi uqhamaraqui cawquïri marcanacatejj jumampi chica sarqui ucanacamppachaw Israel kollunacan jiwarata liwirtapjjäta. Ucanwa nayajj jumanacan janchimjja alajjpach jamach'inacaru, monte animalanacaru mank'antapjjañapataqui catuyäjja.

Hechos 20:27

Nayasti jumanacarojj yatiyapjjsmawa takpach Diosan thaquipatjja, jan cuns imt'asa.

Gálatas 3:13

Cristojj leyin maldicionapatwa khespiyistu, jupajj juchanacas laycu maldicitaraquïnwa, Kellkatanjja aqham siwa: “Maldicitäpan take qhititejj mä lawaru warccatatäqui ucajja” sasa.

Josué 10:26

Uc arsusinsti Josué chachajj jiwayänwa uca reyinacarojja, ucatjja pheska kokanacaruw warccatayaraquïna jayp'ucama.

Josué 8:29

Hai marcan reyiparusti mä kokaruw cuncata warccatayäna jayp'ucama, cunapachatejj intejj jalantjjän ucapachaw amayapjja kokat apakayanïna, marca mantañar uchasinjja kalanacampiw amayap patjjaru uchayäna. Uca kala montonajj jichhürcamaw ucancasqui.

1 Samuel 17:44

Uqhamarus saraquïnwa: —¡Jutam acaru, nayajj janchimjja alajjpach jamach'inacan mank'añapataqui, pampanquir animalanacan mank'añapataquiraquiw churä! —sasa.

1 Samuel 17:46

Jichhajj Tatitojj jumarojj amparajjaruw catuyitani, ucatsti jichhpachaw jiwt'ayäma, p'ekemsa apakaraquïmawa. Uqhamarac filisteonacan janchipsa alajjpach jamach'inacaruw mank'añanacapataqui churä, pampanquir animalanacaw mank'apjjaraquini. Uqhamatwa take jakenacajj yatipjjani, Israelanjja mä Diosajj utjatapa.