Génesis 4:2 - Qullan Arunaca

² Ucjjarusti Evajj wawachasiraquïnwa Abel sat wawaparu, jupasti Cainan jilapänwa. Abelasti ovej uywirïnwa, Cainasti yapu yapuchiriraqui.

Aymar Bibliia 1986

² Ucjjarusti Evajj wawachasiraquïnwa Abel sat wawaparu, jupasti Cainan jilapänwa. Abelasti ovej uywirïnwa, Cainasti yapu yapuchiriraqui.

Qullan Arunaka DC

² Ukxarusti Evax Abel sat wawaparuw wawachasïna, jupasti Cainan jilapänwa. Abelax ovejanak uywirïnwa, Cainasti yapu yapuchiriraki.

Génesis 4:2 Jak'a apnaqawi uñst'ayäwi

Génesis 3:23

Ucatwa Dios Tatitojj jakerojj Edén huertotjja apsüna, ucatsti cuna lak'at luratäcäntejj uca orake irnakañapataquiw uscüna.

Génesis 37:13

Ucatwa Israelajj Josearojj saraquïna: —Jilanacamajj Siquem token ovejanac awatisipqui. Sart'asman uñjt'iri —sasa. —Waliquiwa, cun janejj sart'äjja —sasaw Joseajj saraquïna.

Génesis 4:1

Chachasti Eva warmipampiw mayachasjjäna. Warmisti usur jakeptjjaraquïnwa, Caín wawapwa wawachasjjaraquïna, ucatsti saraquïnwa: “Jichhajj mä yokall wawanëjjtwa, Tatituw churaraquitu” sasa.

Génesis 4:3

Mä kawkha tiempo pasjjatatjja, mä urojj Cainajj yapupat achunacwa apanïna Diosar ofrenda churañataqui.

Génesis 47:3

Ucatsti faraonajj Josean jilanacaparojj jisct'änwa: —¿Cunan irnakerïpjjtas jumanacajja? —sasa. Jupanacasti sapjjaraquïnwa: —Nanaca juman sirvirimajja oveja awatirïpjjtwa nayra tiempo awquinacajjatpacha.

Génesis 9:20

Noejj yapu jakënwa, juparaquiw uva yapuchañjja uñstayäna.

Salmos 127:3

Yurirapquistu uca wawanacajj, Tatitun asqui churäwinacapawa.

Éxodo 3:1

Moisesasti Jetro sat awcch'ipan ovejanacapwa awatïna, uca awcch'ipasti Madián sat chekanjja sacerdotënwa. Ucampis mä urojja ovejanacwa wali jayaru wasaranjama anaquïna, Horeb sat Diosan kolluparu puriñcama.

Amós 7:15

Ucampis, Tatituw uywa taman khepap sarasquirit jawsitu, ucatsti saraquituwa: ‘Saram, parlanim sutejjana Israel marcajjaru’ sasa.

Lucas 11:50

Ucampis Diosajj jichha jakenacarojj mayiniwa take profetanacajj jiwayatäpqui ucanaca churapjjañapa, aca orake kalltatpacha,

Lucas 11:51

Abel chachan jiwatapat Zacariasan jiwatapcama. Zacariasarusti templompi altarampi jaljqui ucqhanwa jiwayapjjäna. Uqhamajj sapjjsmawa, Diosajj mayiniwa aca jakenacarojj ucanacan jiwatapatjja.

Juan 8:44

Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.

1 Juan 3:10

Uqhamatwa yatisi qhitinacas Diosan wawanacapajja, qhitinacaraquis Supayan wawanacapäcaraquis ucajja. Cawquïritejj jan asqui lurquejja, uqhamarac jan jilaparus munasqui ucajja, janiw Diosancquiti.

1 Juan 3:12

Janiw Cainjamäñasäquiti, jupajj Supayanquirïnwa ucatwa jilaparu jiwayi. ¿Cunats jiwayänjja? Cainan luratapajj janiw walïcänti, jilapan luratapasti asquiraquïnwa.

1 Juan 3:15

Take qhititejj jake masipar uñisqui ucajj jake jiwayiriwa. Jumanacajj yatipjjaractawa janiw qhiti jake jiwayirinsa wiñay jacañapajj utjcaspati.