Génesis 38:9 - Qullan Arunaca

⁹ Ucampis Onán chachajj amuyasïnwa wawanac nazcaspän ucanacajj janiw jupan wawapa satäcasapänti. Ucatwa sapa cuti jilapan viudapampi iquintcän ucqhajj janiw usuriptayañ muncänti, jan ucasti orakeruquiw waranucünjja, uqhamat jilapajj jan jupa toke wawanïñapataqui.

Aymar Bibliia 1986

⁹ Ucampis Onán chachajj amuyasïnwa wawanac nazcaspän ucanacajj janiw jupan wawapa satäcasapänti. Ucatwa sapa cuti jilapan viudapampi iquintcän ucqhajj janiw usuriptayañ muncänti, jan ucasti orakeruquiw waranucünjja, uqhamat jilapajj jan jupa toke wawanïñapataqui.

Qullan Arunaka DC

⁹ Ukampis Onán chachax amuyasïnwa kawkïr wawanakatix jilapan ijmapampi wawanïkasapän ukanakaxa, janiw jupan wawapa satäkasapänti. Ukat sapa kuti jilapan ijmapampi mayachaskän ukkhax janiw usuriptayañ munkänti, ukhamat jilapan jan jupa tuqi wawanïñapataki.

Génesis 38:9 Jak'a apnaqawi uñst'ayäwi

Génesis 38:10

Tatitusti Onán chachan uqham luratapatjj wal colerasïna, ucatwa juparus jiwayaraquïnjja.

Job 5:2

Chuyma usuyasiñasa, uqhamaraqui uñisisiñasa jakerojj jiwañaruquiw apjje.

Proverbios 27:4

Colerasiñajj jan wali tucjiriwa, ucampis envidiasiñajja ucat sipansa juc'amp jan waliwa.

Deuteronomio 25:5

“Cunapachatejj pä jilanacajj mayana jacapjjani, ucatsti maynejj jan wawani jiwjjani, ucapachasti uca ijma warmejj janiw casarasiñ puedquiti yakha jakempejja; jan ucasti chachapan jilapaw ijmarojj warmipat uñt'asjjañapa uqhamat uca warmimpejj familiachasjjani.

Deuteronomio 25:6

Cawquïri tayna wawatejj jupat nacini, ucajj jiwir jilapan sutipwa aparaquini, uqhamat sutipajj jan Israel marcan chhakhañapataqui.

Tito 3:3

Jiwasajj nayrajj uqham jan amuyt'anïpjjaraquïyätanwa, Diosar jan jaysiri, chhaktata, uqhamarac cunayman jan wali munañanacan esclavopäyätanwa. Ñankha lurañanacana, envidiasiñanacana jacascaraquïyätan uñisita, uqhamaraqui jiwascam uñisisisa.

Santiago 3:14

Ucampis jumanacatejj chuymanacamjja envidiasiñanacampi c'allc'u tucuyapjjtajja, ucatsti mä cuna laycuqui cunsa lurasipctajja, uqhamajja janiw jach'a jach'a tucupjjañamäquiti uca yatiñanacamatjja, uc lurasinjja jumanacpachaw c'arintasisipcta, ucatsti cunatejj chekäqui uc apanucusipcaractajja.

Santiago 3:16

Cawqhantejj envidiasiñas, jiwasataquic munañas utjqui ucqhanjja, pejjtusiñanacampi jan walt'añanacampiquiw utji.

Santiago 4:5

Ucatpï Diosan arupajj sejja: “Cuna ajaytï Diosajj jiwasan jacayqui ucajj wali munistu” sasa.

Rut 1:11

Noemí warmejj jupanacarojj sascaquïnwa: —Cuttjjapjjam, wawanacajja, ¿cunataquiraqui nayamp chica sarañ munapjjta? Janiw nayajj juc'ampi wawanïcjjäti jumanacampi casarasiñapataquejja.

Rut 4:10

Uqhamaraquiw jumanacajj arsüpjjäta, nayana Rut ijmaru warmejjat catokjjañajjataqui, uqhamat orakepajj jiwiri Mahlón chachapan sutipancascañapataqui. Uqhamatsti janiw Mahlón chachan sutipajj chhaktcaniti jupanac taypinjja, ni aca marcansa armatäcaniti —sasa.