Génesis 38:24 - Qullan Arunaca

²⁴ Ucat quimsa phajjsi pasatatsti jakenacajj Judá chachar yatiyiriw jutapjjäna: —Yojjch'amajj yakha chachanacampiw sarnakatayna, jichhasti usuriraquiwa —sasa. Ucatsti Judá chachajj jach'atwa arsu: —¡Irpsunisin ninampi phichhantapjjam! —sasa.

Aymar Bibliia 1986

²⁴ Ucat quimsa phajjsi pasatatsti jakenacajj Judá chachar yatiyiriw jutapjjäna: —Yojjch'amajj yakha chachanacampiw sarnakatayna, jichhasti usuriraquiwa —sasa. Ucatsti Judá chachajj jach'atwa arsu: —¡Irpsunisin ninampi phichhantapjjam! —sasa.

Qullan Arunaka DC

²⁴ Niya kimsa phaxsi qhipatsti, mayniw Judá chachar yatiyir jutäna akham sasa: —Tamar yuxch'amax yaqha chachanakamp sarnaqatapawa, jichhax usurirakisä —sasa. Ukat Judá chachax jach'at arsüna: —¡Uka warmir jaqunukupxam, ninampi phichhantapxarakim! —sasa.

Génesis 38:24 Jak'a apnaqawi uñst'ayäwi

Génesis 20:3

ucampisa uca arumajj Abimelec chachajj mä samca samcasïna, Diosasti uca samcanjja sänwa: “Jichhajj jiwätawa, cawquïri warmtejj irptayasincta uca warmejj casada warmïtap laycu” sasa.

Génesis 20:7

Ucampisa jichhajj uca warmjja chachapar irpjjaruyjjam, jupasti profetawa, juman jacañam laycusa achict'araquispawa, ucampisa janitejj chachaparu irpjjaruycjjätajja, chekpachansa jumampi, familianacamampejja jiwarapjjätawa” sasa.

Génesis 20:9

Ucatsti Abimelec chachajj Abrahamaruw jawsayani, saraquïnwa: —¿Cuns aca lurista? ¿Cuna jan walsa jumar lursma, uqhamat aca jach'a jucha apaniñamataqui nayjjaru, uqhamarac jakenacajj-jjaru? Uqham lurañajj janiw waquisquiti.

Génesis 34:31

Ucampisa, jupanacajj sapjjaraquïnwa: —Uqhamajj, ¿jupanacajj cullacajjarojj cunjämarutejj munapjje uqhamar lurasipcaquisapänti? —sasa.

Génesis 38:23

Judästi saraquïnwa: —Cunanactejj jaytancäyät ucanacjja catusiscpan, jan qhitis uqham jiwasat sawcasiñapataqui; ucampisa nayajj cabritjja apaysmawa, jumasti janiw jicjjatancaractati —sasa.

2 Samuel 12:5

Davidasti uca jake contrajj walpun colerasïna, Natanarusti saraquïnwa: —¡Diosan sutipjjaruw arsta, cawquïri jaketejj uc lurqui ucajj jiwañapawa!

2 Samuel 12:7

Natanasti saraquïnwa: —¡Jumätaw uca jakejja! Ucwa khanañchi Israelan Tatitu Diosapajja: ‘Nayaw jumarojj Israelan reyipat ajllissma, uqhamaraqui Saúl reyin amparapatsa khespiyaracsma;

Eclesiastés 7:26

Jiwañat sipansa juc'amp jan wali jicjjataracta, ucasti cawquïri warmitejj chuymapampejj mä sipitampjama sallkjqui, amparanacapampisa catuntcaraqui ucawa. Qhititejj Diosataqui asquïqui ucajja, uca warmitjja jaltaniwa, ucampis jucharar jakejj uca sipitaruw jalantani.

Jeremías 2:20

“Nayratpachwa nayataquejj sayt'astajja, nayarusti janiw jayscaraquistati. ‘Janiw sirviñ muncti’ saractawa. Take alto kollunac patana, uqhamaraqui jach'a kokanac c'uchunacanwa, yakhampi jucha lurasa sarnaktajja.

Jeremías 3:1

Tatitojj siwa: “Mä jaketejj warmipampi jaljti ucapachasti, warmejj uca chachampi jaljtasajj yakhampiw casarasjje, nayra chachapasti janiw uca warmirojj jac'jjaniti. Wasitattejj chicjjapjjaspan ucasti, ¡marcataquejj janiw ucajj walïcaspati! Ucampisa, jumajj Israel, walja chachanacampiw sarnaktajja, ¡jichhasti nayan ucaruw cuttanjjañ munaractajja! Naya Tatituw, ucjja arsta, sasa.

Jeremías 3:6

Josías reyin urunacapansti, Tatitojj saraquituwa: “¿Uñjtati cuntejj nayataqui sayt'asiri Israelajj lurqui ucjja? Nayar apanucusinjja kollu patanacaruw sari, ucansti jach'a kokanac c'uchunwa yakhanacampi jucha luraraqui.

Jeremías 3:8

nayan Israel marcar nayataqui sayt'asitapat apanucutajjsa uñjaraquiwa, jupampisti jaljtaractwa yakhampi sarnakatap laycu. Ucampisa, Israelan Judá cullacapasti janiw cunsa ajjsarcaraquiti, jan ucasti jupajj sarasinjja yakhampejj sarnakaraquiquiwa.

Ezequiel 16:15

“Ucampisa uqham wali muncaña tucutamampisti, take marcanacansa wali uñt'atätamampisti, jan wali sarnaker warmiruw tucuwaytajja, janchimsa qhititejj uca cheka pascän ucanacarus catuyasiquïyätawa.

Ezequiel 16:25

Take thaqui tucuyanacaruw uca yupaychañanacjja lurasiractajja, uqham suma warmïtamsti mä ajjtascañaruw tucuyaractajja, qhitinacatejj uca cheka pasapqui ucanacarus k'añu lurañanacataqui catuyastajja.

Ezequiel 16:26

Pachpa uta jac'anacamampiw k'añu luräwinac luraractajja, uca k'añu juch luriri egipcio jakenacampiw sarnakaractajja, uqham k'añu luratanacamampiw colerjayaraquista.

Ezequiel 16:28

Uqham catokcasasa, asirio jakenacampiraquiw k'añu lurañanacan sarnakaractajja; janiraquiw ucanacampis sisthapctati.

Ezequiel 16:41

Utanacamsti ninampiw phichcatapjjaraquini, ucatsti jumarojj take warminac nayräjjanwa juchañchapjjaraquïtam. Jichhajj uca jucha lurañanacamjja tucusiyjjäwa, janiraquiw juc'ampi uca k'añu luratanacamatjja waynanacamarojj pagcjjätati.

Ezequiel 23:19

Ucampisa jupajj juc'ampi juc'ampwa jucha lurañanacaru catuyasjjänjja, tawako urunacapa amtasisa, cunapachatejj Egipton jan wali sarnakascän uqhama.

Ezequiel 23:44

Ahola ucaru uqhamaraqui Aholiban ucaruw jutapjje, uca warminacasti munañanacaparu sarnaker warminacawa, uca jucha lurir warminacan ucaruw sarapjjejja.’

Ezequiel 23:5

Ahola satacän ucasti, janiw nayataquejj asquicänti, jan ucasti munirinacapataquiw wali chuymapa cawcst'ayasjjaraquïnjja, ucanacasti Asiria marcanquir nuwasiri jakenacäpjjewa,

Oseas 2:5

Taycapajj yakha chachanacampiw sarnake; honrapsa k'al apt'asiraqui, aqham sasa: ‘Munirinacajj thaker sarä, qhitinacatejj churapquitu t'ant'sa, umsa, t'arwsa, linsa, aceitsa, umañanacsa ucanacaru’ sasa.

Oseas 3:3

Saractwa: “Jichhajj jaya maranacaw nayataquiyäta; janiraqui yakha chachanacampisa sarnakamti, ni yakha chacharus catuyascamti, nayasti jumataquiquiw jacaraquï” sasa.

Oseas 4:15

“Jumatejj Israel marca wachoka jucha lurañan sarnakätajja, Judá marcaquisay jan juchjja lurcpati. ¡Jan jumanacajj Gilgal chekaru sarapjjamti ni Bet-avén kollurus maqhatapjjamti, Janiraqui Tatit laycusa juramento lurapjjamti!

Levítico 20:10

“Maynitejj jake masipan warmipampi wachoka jucha lurasa sarnakchejja, ucasti jiwayatäñataqui juchañchatäñapawa, uca quipcaraqui uca wachoka jucha lurir warmisa.

Levítico 21:9

“Mä sacerdoten phuchapatejj jan wali sarnakani, ucatsti walja chachanacampi sarnakeri warmi tucjjaraquini ucasti pachpa awquiparuw ñankhachasqui, uca warmejj jacquirpacha naqhantayatäñapawa.

Romanos 14:22

Cunjämäquitejj juman iyawsañamajj ucjja juma quipcaw Dios nayrakatanjja imañama. Cusisiñaniwa qhitinacatejj mä cunsa waliwa saspajja chuymapan jan juchañchata ucajja.

Deuteronomio 24:16

“Awquinacasti janiw wawanacapan juchanacap laycu jiwayatäñ puedquiti, ni wawanacas awquinacan jucha luratanacap laycojj jiwayatäcaspati, jan ucasti sapakat mayniw quipca juchapatjja jiwani.

Jueces 19:2

Uca uñt'atapasti jupampi tokesiwayasinjja Belenanquir awquipan ucaruw jaquir sarjjäna. Pusi phajjsi ucan jacjjasinsti,