Génesis 37:34 - Qullan Arunaca

³⁴ Ucatsti Jacobojj isipa ch'iyanokasisajja, lutt'asïnwa; jaya tiemporaquiw wawapatjja jachäna.

Aymar Bibliia 1986

³⁴ Ucatsti Jacobojj isipa ch'iyanokasisajja, lutt'asïnwa; jaya tiemporaquiw wawapatjja jachäna.

Qullan Arunaka DC

³⁴ Ukatsti Jacobux llakisiñat isip ch'iyanuqasïna, llaki isimpiw uchasïna, jupasti jaya urunakaw wawapan jiwatapat jachäna.

Génesis 37:34 Jak'a apnaqawi uñst'ayäwi

Génesis 37:29

Rubenajj phuch'ur cuttanjjän ucqhasti janiw Josearojj ucan jicjjatcjjänti, ucat isipa ch'iyanokasïna llaquisitap uñacht'ayañataqui.

Génesis 42:38

Jacobosti saraquïnwa: —Wawajjajj janiw jumanacampi sarcaniti. José jilapajj jiwjjewa, jichhasti jupa sapaquiw jacjjaraquejja. Cuna jan walt'añasa thaquin utjaspajja, jumanacaw juchanïpjjasma aca awquin llaquisiñat jiwañapataquejja —sasa.

Génesis 44:13

Ucatsti jupanacajj isinacapwa ch'iyarasipjjäna, llaquinacap uñacht'ayañataqui. Ucatsti sapa mayniw carganacapjja asnopar qhumjjatasin marcar cuttanipjjäna.

2 Samuel 1:11

Uqhamasti Davidajj, jupampïpcäna uca jakenacasa isinacapwa llaquisiñatjja ch'iyanokasipjjäna.

2 Samuel 3:31

Ucatsti Davidajj Joab jakempiru uqhamaraqui qhitinacatejj jupampi chekäpcäna ucanacarusti saraquïnwa: “Jichhajj isinacam ch'iyarasipjjam, ucatsti chhanqha isinacampi isthapisipjjaraquim, Abneran jiwatapatsti lutt'asipjjaraquim” sasa. David reyisti, Abnerar imañataqui callasipcäna uca khepäjjwa sararaquïna.

1 Reyes 20:31

Ucatsti oficialanacapajj juparojj sapjjänwa: “Nanacajj yatipjjtwa Israelan reyinacapajj suma amtäwir mantasinjja phokherïpjjatapa; uqhamasti chhanqha isinaca uchasiñäni, cuncarusti mä lazoraqui, ucatsti Israelan reyipa nayrakataparu sarañäni, inach jan jiwayquistani” sasa.

1 Reyes 21:27

Cunapachatï Acab reyejj take uca arunaca ist'äna ucqhajja, isipjja ch'iyanokasïnwa, ucatsti chhanqha isinacwa uchasïna, uqhamarac ayunaraquïna. Uca isimpiraquiw iquiraquïna, wali llaquitaw sarnakaraquïna.

2 Reyes 19:1

Cunapachatï Ezequías reyejj ucanaca ist'äna ucqhajja, isinacapwa ch'iyanokasïna, ucatsti llaquisiñapa uñacht'ayañataquejja chhanqha isimpi isthapisiwayasawa Tatitun temploparu saräna.

2 Reyes 2:12

Uqham uñjasinsti Eliseojj art'änwa: “¡Awquejja, awquejja, jumajj Israel marcataquejj mä wali ch'aman ejercitjamäyätawa! ” sasa. Uca pasatatsti Eliasarojj janiw mayampis uñjcjjänti. Ucatsti Eliseojj isipa catusinjja payaruw ch'iyjäna.

2 Reyes 22:11

Ucat reyejj ley librojj cuntï siscäna ucanac ist'asinjja, isipwa ch'iyanokasïna.

1 Crónicas 21:16

Davidasti Tatitun angelaparu uñtasinjja uñjänwa sayt'atäsquiri alajjpachampi, aca orakempi taypina amparaparusti espadapa apt'atäsquiri, uqhamaraqui Jerusalén toker ayt'asquiriraqui. Ucatsti Davidampi chuyman awquinacampejja luto isimpi isthapitcamaquïpjjänwa, orakeru ajanupsa puriyañcamaw liwirtapjjäna,

1 Crónicas 7:22

Efraín awquipasti jaya pachanacawa jupanacata lutt'asïna, ucatsti familianacapajja chuymachiriw jupan ucaru jutapjjäna.

Nehemías 9:1

Uca pachpa phajjsïri pä tunca pusini urunaca sarakataru ucqhajja, israelit jakenacajja tantachasipjjänwa ayunañataqui; jupanacasti isthapisipjjänwa chhanqha isinacampi, uqhamarac p'eke patanacaparusa lak'ampiwa willjjatasipjjäna.

Job 1:20

Ucatsti Job chachajja sartasinjja wali llaquin phokt'ataw isinacapa ch'iyanokasïna, ñic'utapsa mururasisaw quillt'asisa yupaycharaquïna.

Job 16:15

“Llaquin phokhantataw chhanqha isinacampi isthapista, p'ekejjsa lak'aruw mokentaracta.

Job 2:12

Purisinsti Job chacharojj jan uñt'caya jicjjatapjjäna; uqham jan wali uñjasinsti wararipjjänwa, jachapjjaraquïnwa, uqhamaraqui isinacapsa ch'iyanokasipjjäna, p'ekenacaparusa lak'ampiw willjjatasipjjaraquïna.

Salmos 69:11

llaqui isimp uchascta ucapachasti, nayat sawcasipjjetu;

Isaías 32:11

Jumanaca, qhitinacatejj jan cunat llact'asisa sarnakapcta ucanaca, qhathatipjjam, qhitinacatejj jumanac pachparu alcatasipcta ucanacajj ajjsarthapipjjam, uca isinacam isirasipjjam, ucatsti chhanqha isinacampi isthapisipjjam, t'akhesipjjatanacam uñacht'ayañataqui.

Isaías 36:22

Ucapachaw Eliaquim qhititejj palacion yänac uñjirïcän ucajja; Sebna kellkerisa, Joa reyin secretariopasa, llact'asisinjja isinacap ch'iyarasipjjäna, ucatsti Ezequiasar uñstiriw sarapjjäna, cuntejj asirio oficialajj siscatayna ucanac yatiyañataqui.

Jeremías 36:24

Janiraquiw reyisa, ni uca jach'a jilïrinacasa, uca arunaca ist'asinjja ajjsartapcänti, janiraquiw llaquisitanacapsa uñacht'ayapcänti.

Jeremías 48:37

P'eke ñic'utanacapasa mururatcamaquiwa, sunqhanacas mururatawa; takeniw amparanacapa qharirasipjjatayna, chhanqha isinacampi isthapitcamaquïpjjaraquiwa.

Joel 2:13

¡Jumanacasti Tatitu Diosamar cuttjjapjjam, isinacama ch'iyanokcamayjja, chuymanacamaya ch'iyanokapjjamjja! Tatitojj munasiriwa, qhuyapayasiriraquiwa, paciencia chuymaniwa, munasiñapas jach'araquiwa; cuna mutuyäwetejj utjqui ucsa, jiwasatjja jayar apanucjjañataquisa.

Mateo 11:21

“¡Llaccañätaw jumajj, Corazín marca! ¡Camachcaquït jumajj, Betsaida marca! Tirompina Sidonampintejj take aca milagronacajj lurasispäna ucajja, ucspachaw jupanacajj take jan wali luräwinacapat arrepientisisinjja nayan ucar jutjjapjjasapäna, llaquisiñ luto isinacamp isthapita.

Mateo 26:65

Sacerdotenacan jilïripasti mayjt'asiñatjja isip ch'iyanokasïna, saraquïnwa: —Aca jakejj Diosaruw jisc'achi uca arsutapampejja. ¿Cunat juc'amps jupat yakha testigonacajj khanañchaspa? Jumanacajj ist'apjjtawa uca ñankha arunacjja.

Hechos 14:14

Bernabeampi Pablompisti, jakenacan uqham lurañ amtatap amuyasinjja, isinacap ch'iyanokasiñ kalltapjjäna. Jupanac taypir jalantasinsti jach'at arsusinwa sapjjaraquïna:

Josué 7:6

Ucatsti Josué chachampi jach'a amuyt'an israelit jakenacampejj isinacap wiqhanokasipjjäna, uqhamaraqui khellampis p'eketa willjjatasipjjäna, wali chuymanacapan mayjt'ata, ucatsti p'ekenacap alt'apjjäna Diosan arcap thiyaru wali jayp'untañcama.

Apocalipsis 11:3

Nayasti pani testigojj qhitasinï nayjjat parlapjjañapataqui. Jupanacasti waranka pä pataca sojjta tuncani uruw parlapjjani, luto isimpi isthapita.”

Jueces 11:35

Jefté chachasti phuchapa jutir uñjasinjja llaquisiñatjja isipa ch'iyanokasisajj sänwa: —¡Ay, imill wawajja, wali llacthapisiyista! ¡Jumapunïtatisti nayan jan waliru puriñajjataquisti! ¡Nayasti mä arsüwi Diosarojj lurta, jichhasti phokhañajjaw waquisi! —sasa.