Génesis 36:6 - Qullan Arunaca

⁶ Esaú chachasti warminacapa, wawanacapa, take qhitinacatejj jupampi jaccän ucanac irpjjarusiwayasinsti yakha chekaruw sarjjäna, Jacob jilapat jithektjjañataqui. Take uywanacapwa anaquisjjäna, uqhamaraqui cunanactejj Canaán oraken jicjjatascatayna ucanacsa k'alwa apasjjäna.

Aymar Bibliia 1986

⁶ Esaú chachasti warminacapa, wawanacapa, take qhitinacatejj jupampi jaccän ucanac irpjjarusiwayasinsti yakha chekaruw sarjjäna, Jacob jilapat jithektjjañataqui. Take uywanacapwa anaquisjjäna, uqhamaraqui cunanactejj Canaán oraken jicjjatascatayna ucanacsa k'alwa apasjjäna.

Qullan Arunaka DC

⁶ Esaú chachasti warminakapa, wawanakapa, taqi khitinakatix jupamp jakkäna ukanak irpxarusiwayasin yaqha chiqaruw sarxäna, Jacob jilapat jayankañataki. Jupasti taqi uywanakap anakisxäna, ukhamarak kunanaktix Canaán uraqin jikxatkatayna ukanaksa apasxänwa.

Génesis 36:6 Jak'a apnaqawi uñst'ayäwi

Génesis 12:5

Jupampi chicsti irpasjjaraquïnwa Sarai warmiparu, Lot sobrinopar cuna, take yänacapampi, uqhamarac kawkha jakenactejj Harán chekan jicjjatcatayna uca jakenacampi cuna. Cunapachatejj Canaán oraker puripcän,

Génesis 13:11

Lot chachasti take uca Jordán tokenquir vallenacwa ajllisïna, cawqhanccäntejj ucatjja inti jalsu tokeruw sarawayjjaraquïna. Uqhamwa Abramampi Lot sobrinopampejj jaljtjjapjjäna.

Génesis 13:6

ucampis cawqhancapcäntejj uca orakejj pisïnwa uca walja uywanacataquejja. Janiw juntu jacañjja puedcjjapjjänti.

Génesis 17:8

Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.

Génesis 25:23

Tatitusti saraquïnwa: “Puracamanjja pä marcaw ucancasqui, jupanac pura ch'ajjwir pä marca; janïra nascasina. Maynïristi, maynit sipansa jila ch'amanïniwa, jilïristi sullcaruw jaysaraquini” sasa.

Génesis 28:4

Cuntejj Abraham awquisaru arsuwaycän uca bendicionanacsa jumaru, uqhamarac wawanacamaru churpan, aca orakena, cawqhantejj jichhajj sarir jakjama jacasctan ucat dueñöpjjañapataqui, Dios quipcaraquiw uqham sasajj Abrahamarojj arsuwayi” sasa.

Génesis 32:3

Jacobosti mä qhitanacwa Seir sat orakeru qhiti, ucasti Edom tokenquiwa, Esaú jilapar jutascatapa yatiyañataqui,

Génesis 36:5

Aholibama warmisti: Jeús, Jaalam, Coré ucanacwa wawachasiraquïnjja. Ucanacänwa Esaú chachan wawanacapajja, cunapachatejj jupajj Canaán oraken jaccän ucapachajja.

Ezequiel 27:13

Uqhamaraqui Grecia, Tubal, Mesec marcanacas jumampejj alaquipa lurapjjaraquïna, pago lantjja esclavonaca, broncet lurat yänaca churawayapjjaractamjja.

Apocalipsis 18:13

Apanipjjaraquïnwa canela, suma k'apquiri kollanaca, incienso, mirra, perfumenaca, vino, aceite, suma jac'u, trigo, uqhamarac qhumt'ir uywanaca, ovejanaca, caballonaca, caballomp katatiñ carronaca, apanipjjaraquïnwa esclavonacsa.