Génesis 34:21 - Qullan Arunaca

²¹ —Aca jakenacajj jiwasanacan amigosawa, aca marcanwa jacapjjani, negocionacsa lurasipjjaraquini, orakejj jupanacataqui wali utjascatap laycu. Jiwasanacajj phuchanacapampi casarasiñjja puedisctanwa, jupanacas uqhamarac phuchanacasampejja casarasisipcaraquiniwa.

Aymar Bibliia 1986

²¹ —Aca jakenacajj jiwasanacan amigosawa, aca marcanwa jacapjjani, negocionacsa lurasipjjaraquini, orakejj jupanacataqui wali utjascatap laycu. Jiwasanacajj phuchanacapampi casarasiñjja puedisctanwa, jupanacas uqhamarac phuchanacasampejja casarasisipcaraquiniwa.

Qullan Arunaka DC

²¹ —Aka jaqinakax jiwasanakan masinakasawa, aka markan jakapxani, alakipanaksa lurapxarakini, uraqix jupanakatak waliw utjaski; ukhamat jiwasanakax phuchhanakapampi jaqichasiñäni, jupanakas phuchhanakasampi jaqichasirakini.

Génesis 34:21 Jak'a apnaqawi uñst'ayäwi

Génesis 34:10

Nanacampi jumanacajj jacasipjjam. Aca marcasti jumanacanquiwa, ucan jacasipjjam, negocionac lurapjjam, orakenacsa alasipjjam —sasa.

Génesis 34:20

ucatsti jupampi, awquipampejj marca mantaña puncuruw sarapjjäna, cawqhatejj parljañanaca lurañäcänjja uca chekaru, ucatsti jakenacarojj sapjjaraquïnwa:

Génesis 34:22

Ucampisa mä sapa marcaquïñasataquisti, jupanacajj jiwasanacampi jacañataquejj may mayipjje: Ucasti take jiwasanac taypinquiri chachanacasti circuncidatäpjjpan, cunjämatï jupanacajj circuncidatäpqui uqhama.

Génesis 42:34

Ucampisa sullca jilamarojj irpanipjjam, uqhamatwa nayajj yatï jumanacan cheka jakenacäpjjatama, janiraqui uñakäpjjatama; ucapachasti jilamarojj antutjjaraquïwa, jumanacas librequiraquiw aca oraken sarnakasisipcäta’ sasa.