Génesis 33:9 - Qullan Arunaca

⁹ —Janiw, munat jilata, nayanjja uywanacajj utjasquituwa. Cunatejj jumancqui ucajj jumancascacpan —sasaw Esaú jilapajj saraquïna.

Aymar Bibliia 1986

⁹ —Janiw, munat jilata, nayanjja uywanacajj utjasquituwa. Cunatejj jumancqui ucajj jumancascacpan —sasaw Esaú jilapajj saraquïna.

Qullan Arunaka DC

⁹ Esaú chachasti sänwa: —Janiw munat jilata, uywanakax nayan utjaskituwa. Kunatix jumankki ukax jumankaskakpan —sasa.

Génesis 33:9 Jak'a apnaqawi uñst'ayäwi

Génesis 27:39

Isaacasti saraquïnwa: “Suma orakenacatjja jayan jacäta, uqhamarac alajjpachat jutir jallutsa.

Génesis 27:40

Espadamampiw sayt'asiraquïta, jilaman sirviriparaquïyätawa; ucampisa cunapachatejj ch'amanëjjäta, ucapachasti jupatjja khespjjaraquïtawa” sasa.

Génesis 27:41

Ucat ucsarusti Esaojja Jacoborojj uñisïnwa, awquipajj bendición churatapata, saraquïnwa: “Awquejjajj niya jiwjjani, uca khepatsti, Jacob jilajjarojj jiwayäwa” sasaw amtascäna.

Génesis 33:10

Ucampisa Jacobojj sascaquïnwa: —Janiw uqhamäcaspati. Nayajj achict'assmawa, juman nayrakatamantejj qhuyapayasiñam jicjjatsta ucapachajj catoketay aca wajjt'äwjja, jumar uñjatajjasti Diosarus uñjquirista uqhamawa, niyaquejjay jumajj wali suma catokchistajja.

Génesis 4:9

Ucatsti Tatitojj Cainarojj jisct'änwa: —¿Cawquinquis Abel jilamajja? —sasa. Cainasti saraquïnwa: —Janiw yatctti. ¿Nayasti jilajjan uñjiripätti? —sasa.

Proverbios 16:7

Cunapachatï jaken sarnakäwipajj Tatitutac sumäqui ucqhajja, uñisiripampisa Tatitojj juparojj sumancayiwa.

Proverbios 30:15

Sanguijuela sat animalajj pä kalluniwa, ucanacasti mayiñacwa yatipjje. Utjaraquiwa quimsa uqhamarus pusiraqui, ucanacasti janipuniw sisthapipquiti:

Eclesiastés 4:8

Mä sapa chacha, jan amigoni, jan wawanacani, jan jilanacani, janirac cunapachas mä juc'sa samart'quiti, kamir cancañapa uñjañsa karjascaraquiti, jisct'ascaraquisa: “¿Qhititaquis take acanac lurtjja? ¿Cunataquis cusisiñajjsa imt'astjja?” sasajja. Ucampis take acanacajj inamayaquiwa, mä jathi k'epïcaspas uqhama.

Hechos 21:20

Ucanac ist'asinsti jupanacajj Diosaruw wal yuspagarapjjäna. Pablorusti sapjjaraquïnwa: —Waliquiw jilata, ucampis jumajj yattawa judionacatjja walja warank jakenacan iyawsapjjatapa. Take jupanacasti, ‘Moisesan leyinacapajj phokhañapapuniwa’ sapjjänwa.

Hechos 9:17

Ucspachaw Ananiasajj saräna cawqhanccäntejj Saulojj uca utaru. Mantasinsti, amparapwa jupjjar lokjjati saraquiwa: —Saulo jilata, thaquin uñstctamjja uca Jesusaw qhitanitu, juman wasitat uñj-jjañamataqui, uqhamarac Kollan Ajayun phokt'atäñamataqui —sasa.

Filemón 1:16

janiw mä esclavjamati jan ucasti mä esclavot sipansa juc'amp suma, mä munat jilarjama. Nayajj wal juparojj munasta, ucampis jumajj juc'ampwa juparojj munaspachäta; janiw mä jakerjamaquiti jan ucasti Tatitunjja mä jilarjama.

Filemón 1:7

Uqhamasti jilata, wali cusisitätwa, ch'amañcht'ataraquïtwa, juman munasiñama utjatapata, uqhamarac juma toke chuymacht'atächi iyawsirinacan chuymapajj uca laycu.

Jueces 20:23

Diosan arsutaparjamajja israelitanacajj ch'amañcht'asipjjänwa wastatampi nuwasiri mistsuñataqui cawqhantejj nayrïr urunjja nuwasipcäna ucqharu.