Génesis 33:18 - Qullan Arunaca

¹⁸ Cunapachatejj Jacobojj Padan-aramat cuttanjjän ucqhajj Canaán orakerojj c'umaraw purinïna, ucatsti Siquem marca uñcatasiruw puriraquïnjja.

Aymar Bibliia 1986

¹⁸ Cunapachatejj Jacobojj Padan-aramat cuttanjjän ucqhajj Canaán orakerojj c'umaraw purinïna, ucatsti Siquem marca uñcatasiruw puriraquïnjja.

Qullan Arunaka DC

¹⁸ Kunapachatix Jacobux Padán-aram chiqat kuttankän ukkhaxa, k'umaraw Canaán uraqir purïna, ukatsti Siquem sat marka uñkatasin utjnuqtäna.

Génesis 33:18 Jak'a apnaqawi uñst'ayäwi

Génesis 12:6

ucqhasti Abramajj take ucsa orakenacsa pasascaquïnwa, Siquem sisqui uca chekar puriñcama, cawqhanccäntejj encina kollan kokajj More sat chekana. Uca orakenacansti cananeo jakenacaw jacapjjaraquïna.

Génesis 25:20

Isaacasti pusi tunca maranïnwa cunapachatejj Rebecampi casarascän ucapachajja, ucasti Betuelan phuchapänwa, Labanan cullacaparaqui, cawquïri arameo jakenacatï Padan-aram sisqui ucsa tokenacan jaccäna ucanaca.

Génesis 28:2

Padan-aram sata oraker sarjjam Betuel achachilaman utaparu, ucansti Labán tioman mä phuchapampi casarasim.

Génesis 31:25

Labanasti Jacoborojj Galaad kollunacanwa jicjjatäna, cawqharutejj carpapa sayt'aycatayna uca chekaru. Labanasti uca chekaruraquiw familianacapampejj carpapa sayt'ayasïna.

Génesis 35:9

Cunapachatejj Jacobojj Padan-aram toket cuttanjjän ucqhajj Diosajj juparojj wasitatwa uñstäna, ucatsti,

Génesis 37:13

Ucatwa Israelajj Josearojj saraquïna: —Jilanacamajj Siquem token ovejanac awatisipqui. Sart'asman uñjt'iri —sasa. —Waliquiwa, cun janejj sart'äjja —sasaw Joseajj saraquïna.

Génesis 46:15

Acanacasti Jacobompina Leampina wawanacapänwa, uqhamarac Dina satäqui ucas wawaparaquïnwa, aca wawanacasti nacipjjänwa cunapachatejj Jacobojj Padan-aram sisqui ucsan utjcän ucapacha. Take wawanacapasti chacha, warmi jacthapitajja quimsa tunca quimsani jakenacänwa.

Génesis 48:7

Cunapachatejj nayajj Padan-aram sisqui ucsa toket cuttanjjayäta ucqhasti Raquelajj Canaán orakenwa jiwjjäna, ucampisa janïra Efrata sisqui uca chekar purincasa, ucatsti uca Efrata thaqui jac'aruw imt'jjaracta, jichhasti Belén sataraquiwa.

Salmos 60:6

Diosajj kollan utapan sänwa: “cusisisaw Siquem orak jalanokjjä, Sucot pampa orak laquinokjjaraquï;

Jeremías 41:5

ucapachasti Siquem, Silo, Samaria tokenacatjja quimsakallk tunca jakenacaw purintanipjjäna, sunqhanacapasa mururata, isinacapasa ch'iyanokataraqui, uqhamaraqui janchinacapasa k'ala chhojjriñchjataraqui uqhämsti jupanacpachaw lurasipjjatayna. Uqhamarus granonaca, inciensonaca apanipjjäna Tatituru loktañataqui templona.

Juan 3:23

Uca pachparaquiwa Bautisiri Juanajj Enón sat chekan bautisascäna, Salim sat jac'ana, ucawjan walja uma utjatap laycu, jakenacasti puriniritcamaw bautisatäna.

Juan 4:5

Samaria chek pascasinjja Sicar sat marcaruw puri, Jacobojj José yokaparu herencia orake churcatayna uca chekaru.

Hechos 7:16

Jacobon ch'aqhanacapasti jaya maranac khepatjja Siquem sat oraker apatajjänwa. Abrahamajj Hamur sat jaken wawanacapat alcataynasa, uca sepulturaruw uchjjapjjaraquïna.

Josué 24:1

Josué chachasti take Israelan tribunacaparuw Siquem oraken tantachthapïna. Jawsayänwa awquinacaru, uqhamaraqui jilïri jakenacaru, juezanacaru, kellkerinacaru, ucatsti Diosan nayrakataparuw uñstapjjäna.

Jueces 9:1

Jerobaal satan Abimelec yokapasti, Siquem sat marcaruw saräna taycapan familianacapampi parliri aqham sasa: