Génesis 33:15 - Qullan Arunaca

¹⁵ —Waliquiwa —sasaw Esaú jilapajj saraqui—. Mä kawkha jakenaca, nayampi chica jutapquis ucanaca jaytawayäma —sasa. Jacobosti saraquïnwa: —Janicucha, achict'assmawa. Jan jumajj ucatjja llaquiscamti, waliquïscaniwa —sasa.

Aymar Bibliia 1986

¹⁵ —Waliquiwa —sasaw Esaú jilapajj saraqui—. Mä kawkha jakenaca, nayampi chica jutapquis ucanaca jaytawayäma —sasa. Jacobosti saraquïnwa: —Janicucha, achict'assmawa. Jan jumajj ucatjja llaquiscamti, waliquïscaniwa —sasa.

Qullan Arunaka DC

¹⁵ Esaú jilapasti sänwa: —Walikiwa, jaqinakaxat mä qawqhani jaytawayäma —sasa. Ukampis Jacobux ukxaruw sarakïna: —Janikuchaki. Jumax jan ukat llakiskamti, walikïskaniwa —sasa.

Génesis 33:15 Jak'a apnaqawi uñst'ayäwi

Génesis 32:6

Cunapachatejj qhitanacajj cuttjjapjjäna ucqhasti Jacoborojj sapjjänwa: —Esaú jilamar uñjirejj sarapjjtwa, jichhasti jupa quipcaw juti jumar catokañataqui, pusi pataca jakenacampi compañt'ata cuna —sasa.

Génesis 33:16

Esaú jilapasti uca urpacharaquiw Seir sisqui uca chekar cuttanjjäna.

Génesis 34:11

Ucjjarusti Siquem waynajj Dinan awquiparusa, jilanacaparusa, saraquïnwa: —Achict'asipjjsmawa, janiquiya ‘Janiw’ sapjjamtejja. Cuntejj mayipjjetäta ucwa churapjjäma.

Génesis 47:25

Jupanacasti sapjjaraquïnwa: —Jumajj wali suma jakëtaw nanacataquejja, jacañanacajjsa khespiyapjjaraquistawa. ¡Faraonan esclavopäpjjayäwa! —sasa.

2 Samuel 16:4

—Waliquiwa, jichhasti take cunatejj Mefi-bosetanccäna ucanacasti jumancjjaraquiwa —sasaw reyejj saraquïna. —¡Nayatjja, jach'a rey, qhuyapt'ayasipunistawa! —sasaw Sibajj reyin nayrakatapan alt'asiraquïna.

Rut 2:13

Jupasti Booz chacharojj saraquïnwa: —Jumasti wali suma jakëtawa nayataquejja arunacamasti ch'amañchituwa, nayarojj munasiñ arumpiw parlista, nayasti janiw mä uywatamjamäctsa —sasa.

1 Samuel 1:18

—Waliquiw, tatay, yuspagarsmawa —sasaw Anajj säna. Ucatsti Anajj cawqhattejj jutcän ucqharuw cuttanjjäna, mank'asiriw sarjjaraqui, janiraquiw mayamps llaquiscjjänti.

1 Samuel 25:8

Ucanacsti jisct'araquismawa uywatanacamaru, jupanacasti take ucanacwa khanañchapjjaraquïtam. Ucatwa jichhajj achict'assma jumajj sumaqui uñjañamataqui uca waynanacaru. Asqui horasan jupanacajj purinipjje. Ucatsti churapjjaraquita, jupanacarusa, nayarusa, cunatejj utjctam ucanaca, nayasti juman wawamjamaraquïtwa” sasa.