Génesis 30:20 - Qullan Arunaca

²⁰ ucatsti saraquïnwa: “Diosaw nayarojj mä suma wajjt'äwi churitu, jichhajj chachajjajj juc'ampwa munasitani, jupataquisti sojjtani wawacharapiractjja uca laycu. Ucatwa aca wawajj Zabulón satäni” sasa.

Aymar Bibliia 1986

²⁰ ucatsti saraquïnwa: “Diosaw nayarojj mä suma wajjt'äwi churitu, jichhajj chachajjajj juc'ampwa munasitani, jupataquisti sojjtani wawacharapiractjja uca laycu. Ucatwa aca wawajj Zabulón satäni” sasa.

Qullan Arunaka DC

²⁰ ukat sarakïna: “Tatit Diosaw nayarux mä suma waxt'äwi churitu, jichhasti chachaxax juk'amp munasitani, jupatakisti suxtani wawacharapta. Ukat aka wawax Zabulón satäni” sasa.

Génesis 30:20 Jak'a apnaqawi uñst'ayäwi

Génesis 29:34

Ucatsti yakha wawampi wawachasiraquiquïnwa, ucarusti Leví sasaw sutichäna, saraquïnwa: “Jichhajj chachajjajj juc'ampwa nayar jach'achasitani, quimsa wawa jupatac wawachasjjatajj laycu” sasa.

Génesis 30:15

Leasti ucatjja saraquïnwa: —¿Chacha irpakquista ucat juc'ampsa munascactati? ¿Jichhajj cuntejj wawajjajj apanqui uca frutamppachti aparañ munista? —sasa. Ucjjarusti Raquelajj saraquïnwa: —Wawaman mandrágoras sat frutanacam churatamatsti Jacobojj jichhärmajj jumampiw iquiscani —sasa.

Génesis 30:19

Uca khepatsti Leajj Jacobotaquejj wawaniquïscänwa, ucampejj sojjta wawanëjjänwa,

Génesis 30:21

Kheparusti Leajj mä imill wawa wawachasiraquïna, ucarusti Dina sasaw suticharaquïna.

Génesis 34:12

Janiw cunäcanisa cunja jach'a pago jupat mayipjjetäta ucasa, cuna regalonacsa churasipcaquïmawa, ucampisa cullacamampejj casarasiquëjjaya —sasaw saraquïna.

Génesis 35:23

Leampi wawanacanïpcän ucanacasti acanacänwa: Rubén, jilïri yokapa; Simeón, Leví, Judá, Isacar, Zabulón ucanaca.

Génesis 46:14

Zabulonan wawanacapasti: Sered, Elón, Jahleel ucanacänwa.

Génesis 49:13

“Zabulonasti kota thiyanacanwa jacani, cawqhantejj barconacataqui puertonacajj utjcani ucqhana. Korpanacapasti Sidón orakcamaw puriraquini.

Salmos 68:27

Jupanacan nayrakatap sullquïr Benjaminajj sarantasqui, Judá marcanquir jilïrinacamp chicaw saranti, Zabulón, Neftalí marcanacan jilïrinacapamp chicaw sarantaraqui.

Éxodo 22:17

Ucampis tawakon awquipatejj jan uca waynampi casarasiñapa muncchini ucajja waquisiwa uca waynajj pagañapa kawkhtejj jan chacha uñt'iri tawakorojj pagañajj waquisqui uqhamarjama.

Mateo 4:13

Janiraquiw Nazaretar kheparcänti, jan ucasti Capernaum marcaruw sarjjäna; uca marcasti kota thiyancänwa, Zabulón, uqhamarac Neftalí sisqui uca chekana.

Deuteronomio 27:13

Ucatsti Rubén, Gad, Aser, Zabulón, Dan, Neftalí, uca tribunacajj Ebal kollu pataruw sayt'asipjjaraquïta marcaru maldiciñataqui.

Jueces 4:10

Cedes sat marcansti, Barac sat chachajja Zabulón, Neftalí uca tribunquir tunca waranka chachanac tantacht'asajja mä jach'a ejército sayt'ayäna jupan irpata. Ucampis Débora sat warmejja jupampi chicaraquiw sararaquïna.

Jueces 5:14

Efraín satan yakhep jakenacapasti valle chekaruw sarakanipjjäna, jupanacan khepapsti Benjaminanquir tamaraquiw sarapjjaraquïna, Maquir sat chekatsti jilïrinacapajj sarakanipjjänwa, Zabulonanquiritsti jilïr apnakerinacaparaquiw sarakanipjjäna.

1 Samuel 18:25

Ucatsti Saúl reyejj filisteonacan amparaparu Davidan catutäñapa munasinsti, saraquïnwa: —Davidarojj sapjjam, ‘Cunatejj mä warmitjja churañäqui, uca lantjja, filisteonacan chhojjorasiñapata, pataca lip'ichinaca apanpan, uqhamat uñisirinacajjat phoksusiñajjataqui; ucsti naya reyiw arojjampi arsta’ sasa Davidarojj sapjjam —sasaw saraquïna.