Génesis 29:13 - Qullan Arunaca

¹³ Labanasti, cullacapan Jacob yokapat ist'asinsti catokeriw jalsuniraqui, jamp'att'asaw khomantaraqui, ucatsti utaparuw irpjje. Jacobosti take cunatejj pascatayna ucanacwa avist'araquïna.

Aymar Bibliia 1986

¹³ Labanasti, cullacapan Jacob yokapat ist'asinsti catokeriw jalsuniraqui, jamp'att'asaw khomantaraqui, ucatsti utaparuw irpjje. Jacobosti take cunatejj pascatayna ucanacwa avist'araquïna.

Qullan Arunaka DC

¹³ Labanasti, kullakapan Jacob yuqapat parlir ist'asinxa, katuqiriw jalsuwayäna, jamp'att'asaw qhumantarakïna, ukatsti utaparuw irpäna. Jacobusti taqi kunatix luraskatayna ukanak yatiyäna.

Génesis 29:13 Jak'a apnaqawi uñst'ayäwi

Génesis 24:29

Jupasti mä jilaniraquïnwa Labán sata, ucasti uma phuch'ururaquiw jalacama jalanïna, uca jaquir jicjjatañataqui,

Génesis 24:31

ucatsti saraquïnwa: —Jutam, Diosan bendicit tata. ¡Cunjämarac jumasti aca ankan kheparätasti, nayajj jumataquejj utajjan mä cheka waquichta, uqhamaraqui camellonacamataquisa! —sasa.

Génesis 24:32

Uqhamasti sirvirejj utaruw saräna, ucanwa Labanajj camellonacat carganacapa apakäna, ucatsti mank'a churaraquïna, uma aptaniraqui sirvirina, uqhamarac jupamp chica sarapcän uca jakenacan cayunacap jarekasipjjañapataqui.

Génesis 33:4

Ucampis Esaú jilapajj jicjjatiriw jaläna, khomantasinsti jamp'att'araquïnwa. Panpachaniw jachapjjaraquïna.

Génesis 45:15

Ucjjarusti Joseajj take jilanacaparuw khomantäna, jacht'asisaw jamp'att'araquïna takpachaniru. Ucatwa jilanacapajj parlañ kalltapjjäna.

2 Samuel 19:39

Take jakenacaraquiw Jordán jawirjja maqhatanjjapjjäna. Cunapachatejj reyejj maqhatanjjaraquïn ucapachajja Barzilai jakerojj jamp'att'asaw qhitanucjjäna. Uqhamasti Barzilai jakejj cawqhantejj jacascän uca chekaruw cuttawayjjäna.

Éxodo 18:7

Moisesasti awcch'ipar catoker mistsunisinjja p'ekepa alt'asinwa aruntäna, jamp'att'araquïnwa. Ucatsti aruntasa catokasinsti carpaparuw mantapjjäna.

Éxodo 4:27

Ucañcamasti Tatitojj Aaronaruraquiw saraquïna: “Wasararu saram Moisés jilamar catokañataqui” sasa. Aaronasti iyaw sasawa saräna Diosan kolluparu puriñcama, ucansti Moisés jilapar jicjjatasinjja jamp'att'asinwa aruntäna.

Lucas 7:45

Janiw jumajj jamp'at'quistati, ucampis aca warmejj janiw karjasquiti cayunacajj jamp'att'añjja mantancta ucqhatpacha.

Hechos 20:37

Takeniraquiw jacht'asisa Pablorojj khomantapjjäna jamp'att'apjjaraquïna.

Romanos 16:16

Jumanac purasti mä suma aruntt'asipjjaraquim jamp'att'asisa. Take iglesianacaw aruntanipjjtam.

Colosenses 4:5

Qhitinacatejj jan iyawsirïpqui ucanacampejj suma amuyt'ampi sarnakapjjam, take horasanacansa asquinac lurapjjam.