Génesis 29:1 - Qullan Arunaca

¹ Jacobojj thaquinjam sarascaquïnwa, ucatsti inti jalsu token utjir jakenacan orakeparuw sarjjäna.

Aymar Bibliia 1986

¹ Jacobojj thaquinjam sarascaquïnwa, ucatsti inti jalsu token utjir jakenacan orakeparuw sarjjäna.

Qullan Arunaka DC

¹ Jacobux thakhinjam saraskakïnwa, ukatsti inti jalsu tuqinkir jaqinakan uraqiparuw sarxäna.

Génesis 29:1 Jak'a apnaqawi uñst'ayäwi

Génesis 24:10

Ucatsti cawquïrinacatejj Abrahamanjja suma yänacapajj utjcän ucanac taypitjja suma regalonacwa ajlliwayi, tunca camellompi cunaw Nacoran marcaparojj sari, ucasti Mesopotamia tokencänwa.

Génesis 25:20

Isaacasti pusi tunca maranïnwa cunapachatejj Rebecampi casarascän ucapachajja, ucasti Betuelan phuchapänwa, Labanan cullacaparaqui, cawquïri arameo jakenacatï Padan-aram sisqui ucsa tokenacan jaccäna ucanaca.

Génesis 25:6

Khepa warminacapan wawanacaparusti Abrahamajj regalonacacwa churäna, jaccasinsti uca wawanacjja Isaac wawapatjja yakhacharaquïnwa, inti jalsu tokenacar qhitasa.

Génesis 35:1

Diosasti Jacoborojj sänwa: “Sartasim, ucatsti Betel chekaru jacasir sarjjam. Ucanwa mä altar luräta, cawquïri Diosatejj, Esaú jilamat jaltcayäta, ucqhajj uñstctam uca Diosaru” sasa.

Génesis 35:7

Ucanwa mä altar sayt'ayäna, uca chekarusti El-Betel sasaw suticharaquïna, cunapachatejj jupajj jilapat jaltcäna ucqha, Diosajj uca chekan uñstatap laycu.

1 Reyes 4:30

Salomonan yatiñ cancañapasti jilt'atänwa Egiptonquirinacata sipana, uqhamarac inti jalsu tokenquirinacata sipansa.

Salmos 119:32

Arsutanacam phokhañataquiw jalascta, chuymajjar cusisiñamp phokt'atam laycu.

Salmos 119:60

Janc'aquiw sartasta, jan suyasaraquiw arsutanacam phokta.

Eclesiastés 9:7

Uqhamasti jichhajj cusisiñampi t'ant'am mank'asim, uqhamarac vinomsa umasim, juman luratanacamajj Diosataquejj asquïtap laycu.

Oseas 12:12

Jacobosti Aram tokenacaruw jaltjjäna, ucansti warmi jicjjatañataquejj ovej awatïna.

Números 23:7

Ucapachaw Balaamajj aca arunac arsüna: “Inti jalsu toke kollunacata, Aram sat chekatpachwa Balac sat Moab reyejj jutayitu. ‘Jutam, Israelar ñankhacharapita’ saraquituwa, ‘Jacobon marcapataquisti jan walinac mayiraquim’ sasa.

Jueces 6:3

Ucampis cunapachatejj israelitanacajj cunsa yapuchasipcäna ucqhajja madianitanacasa, amalecitanacasa, uqhamarac inti jalsu toket jutiri jakenacasa nuwantapjjänwa.

Jueces 6:33

Ucatsti take madianitanacampi, amalecitanacampi, inti jalsu tokenquirinacampejja mayaqui tantacht'asisawa Jordán jawira maqhatcatanipjjäna. Ucatsti Jezreel sat valleru kamnokapjjäna.

Jueces 7:12

Ucampis madianitanaca, amalecitanaca, uqhamarac inti jalsu toket jutir jakenacasa valle chekanjja t'ijut'iju lak'onacjamaw aywitatapjjatayna. Jupanacan camellonacapasti waljapunïnwa, kota thiya ch'allaru uñtata.

Jueces 8:10

Zeba, Zalmuna sat reyinacasti Carcor sat marcancasipcänwa tunca pheskan waranka jakenacampi. Jupanacasti inti jalsu toket ejercitojj jutqui ucat jilt'iriquïnwa. Ucampis jupanacatjja patac pä tuncan waranka jakenacaw jiwarapjjäna.