Génesis 28:16 - Qullan Arunaca

¹⁶ Cunapachatejj Jacobojj samcat sartjjän ucqhasti, amuyaraquïnwa: “Chekpachapuniw Tatitojj aca chekancascpacha, nayasti janiw ucjja yatcayätti” sasa.

Aymar Bibliia 1986

¹⁶ Cunapachatejj Jacobojj samcat sartjjän ucqhasti, amuyaraquïnwa: “Chekpachapuniw Tatitojj aca chekancascpacha, nayasti janiw ucjja yatcayätti” sasa.

Qullan Arunaka DC

¹⁶ Samkat sartxasinsti, Jacobux wali mulljataw sarakïna: “Chiqpachapuniw Tatitux akawjankaski, janiw nayax uk yatkayätti” sasa.

Génesis 28:16 Jak'a apnaqawi uñst'ayäwi

1 Reyes 3:15

Salomonajj iquita sartasinjja amuyasïnwa mä samcätapa. Ucatsti cunapachatï Jerusalenaru purïna ucqhajja, saränwa Tatituna sumar mantaña arcapa nayrakataru, ucatsti loktänwa nact'at sacrificionaca, uqhamarac sumancthapiñataqui sacrificionaca. Ucatsti take yanapirinacaparuwa jach'a mank'añanaca mank'ayaraquïna.

Job 33:14

Diosajj cunaymanitwa jiwasarojj parlistu, ucampisa janiw amuyasctanti.

Job 9:11

Diosatejj naya jac'sa pasaspajja, janiw juparojj uñjquiristti, pasascaniwa, nayasti janiw amuycäti.

Salmos 139:7

Ajayum jac'atsti ¿cawquirurac sarästi? nayrakatamatsti ¿cawquirurac jaltästi?,

Salmos 68:35

Diosajj kollan utapan muspharcayapuniwa; jupaw Israelan Diosapajja, jupaw marcaparojj ch'am churi, ¡Diosajj jach'añchatäpan!

Éxodo 15:11

Dios Tata, ¡janiw qhiti diosas jumampejj chicachascaspati! ¡Janiw qhitisa, jumjama Santo, uqhamarac jach'ajj utjquiti! Jumasti cunayman muspharcañanaca, uqhamarac ajjsarcañanacwa lurtajja. ¡Uca laycusti asquïtawa yupaychatäñataquejja!

Éxodo 3:4

Tatitusti Moisesar jutir uñjasinjja zarza sat ch'aphinac taypitwa jawsäna: —¡Moisés, Moisés! —sasa. Ucatsti Moisesajj: —¡Acäsctwa nayajja —sasaw saraquïna!.

Éxodo 3:5

Ucat Tatitojj saraquïna: —Jan jac'achanimti, wisqhuma cayumat apsusim cawqhanctatejj uca orakejja kollanawa.

Isaías 8:13

Take ch'amani Dios Tatitu saparuquiw ajjsarañajja, jupajj Kollana Diosawa, jupan nayrakatapan ajjsarañasajja.

Jeremías 31:26

Uqhamatwa nayajj uñatatta, sartaracta. Samcajjasti wali sumänwa nayataquejja.

Números 12:6

Tatitusti jupanacarojj sänwa: “Ist'apjjam cuntejj sapcäma uca arunaca. Jumanac taypintejj mä profetajj nayat parliri utjani ucqhajj nayaw jupampi parlasï; visionanac toke, uqhamarac samcanac toke jupampejj parlasiraquï.

Josué 5:13

Mä urojj Josué chachajj Jericó marca jac'ancasina, jupan nayräjjaparojj mä jakew uñstäna mä espada ayt'ata. Josué chachasti uc uñjasajj mäquiw uca jake jac'aru maqhatäna aqham jisct'asa: —¿Jumasti nanac castätati jan ucajj timajjätacha? —sasa.

Josué 5:15

Diosan ejercitopan jilïripasti aqham sänwa: —Wisqhum cayumat apsusim, cawqha chekarutï tact'cta ucqhajj kollanawa —sasa. Ucatsti Josué chachajj uqhamwa luräna.