Génesis 27:43 - Qullan Arunaca

⁴³ Ucatpï, wawa, sum ist'ita. Jichpach Labán jilajjan utapar sarjjam, jupasti Harán tokenwa jacaraqui.

Aymar Bibliia 1986

⁴³ Ucatpï, wawa, sum ist'ita. Jichpach Labán jilajjan utapar sarjjam, jupasti Harán tokenwa jacaraqui.

Qullan Arunaka DC

⁴³ Wawaxay, ist'ita; jichhpach Harán chiqar jaltxam, Labán jilaxan utaparu.

Génesis 27:43 Jak'a apnaqawi uñst'ayäwi

Génesis 11:31

Taré chachasti Ur de los Caldeos sat oraketjja, Canaán orakeruw sarjjäna, jupampi chicsti Abram wawaparuw irpasjjaraquïnjja, Lot allchhipampi, Sarai yojjch'apampi cuna. Ucatsti jupanacajj Harán sat marcar purisinjja, ucan jacañataquiw kheparjjapjjäna.

Génesis 24:29

Jupasti mä jilaniraquïnwa Labán sata, ucasti uma phuch'ururaquiw jalacama jalanïna, uca jaquir jicjjatañataqui,

Génesis 25:20

Isaacasti pusi tunca maranïnwa cunapachatejj Rebecampi casarascän ucapachajja, ucasti Betuelan phuchapänwa, Labanan cullacaparaqui, cawquïri arameo jakenacatï Padan-aram sisqui ucsa tokenacan jaccäna ucanaca.

Génesis 27:13

Taycapasti sascaquïnwa: —Wawa, uca maldicionajj nayjjaruw puriscani. Jichhasti saram ucatsti uca cabritonac aptanim.

Génesis 27:42

Cunapachatejj Rebecajj Esaú yokapan uqham amtascatap yatïn ucqhasti, Jacob wawaparuw jawsayani, saraquïnwa: —Esaú jilamajj jiwayañ amttam, uqhamat cuntejj lurcta uc phoksusiñataqui.

Génesis 27:8

Uqhamajj jichhajj, wawa, sum ist'ita cuntejj siscäma uca arunacjja.

Génesis 28:10

Jacobojj Beerseba chekat mistuwayasinjja Harán toker sarquis uca thaquinjamwa sarjjäna.

Génesis 28:5

Uqhamasti Isaacajj Jacoborojj Padan-aram tokeruw qhitjjäna. Jacobosti Labanan utaparuw purïna, jupasti Betuel jaken yokapänwa, arameo jake, Rebecan jilapa, cawquïritejj Jacobompina, Esaumpina taycapäcaraqui ucana.

Génesis 28:7

Jacobosti cunjämtejj awquipan, taycapan qhitata Padan-aram uca tokeru sarjjän ucsa sumwa amuyänjja.

Génesis 35:1

Diosasti Jacoborojj sänwa: “Sartasim, ucatsti Betel chekaru jacasir sarjjam. Ucanwa mä altar luräta, cawquïri Diosatejj, Esaú jilamat jaltcayäta, ucqhajj uñstctam uca Diosaru” sasa.

Proverbios 30:17

Qhititejj awquiparu jisc'achqui, uqhamarac chuyman taycapatsa sawcasqui ucajja, waquisiwa cuervo sat jamach'impi jupan nayranacapajj apsutäñapa, janchipas siwek'aranacan mank'antatäñapa.

Jeremías 35:14

Recab jaken Jonadab sat wawapan wawanacapajj cuntejj awquipajj jaytawaycatayna uca arunacjja phokhapjjewa, jupanacarusti ‘Janipuniw vino umapjjätati’ satänwa, ucatsti jichhürcama janiw umapquiti, nayra awquipan arunacaparu phokhasa, uqhamaraqui uca arunaca ist'apjjatap laycu. Nayasti uca quipcaraquiw jumanacarojj ewjjanaca mayampi, mayampi churapjjsma ucampis jumanacajj janiw nayarojj ist'apquistati.

Hechos 5:29

Ucjjarusti Pedrompi apostolonacampejj arsupjjänwa: —Nanacanjja Diosar nayrakat ist'apjjañajjaw waquisi, jakenacar sipansa