Génesis 25:6 - Qullan Arunaca

⁶ Khepa warminacapan wawanacaparusti Abrahamajj regalonacacwa churäna, jaccasinsti uca wawanacjja Isaac wawapatjja yakhacharaquïnwa, inti jalsu tokenacar qhitasa.

Aymar Bibliia 1986

⁶ Khepa warminacapan wawanacaparusti Abrahamajj regalonacacwa churäna, jaccasinsti uca wawanacjja Isaac wawapatjja yakhacharaquïnwa, inti jalsu tokenacar qhitasa.

Qullan Arunaka DC

⁶ Qhipa warminakapan wawanakaparusti, Abrahamax waxt'äwinak churäna, jakkasinsti uka wawanakxa Isaac wawapat yaqhachänwa, inti jalsu tuqinakar khithanukusa.

Génesis 25:6 Jak'a apnaqawi uñst'ayäwi

Génesis 16:3

Ucatsti Sarai warmejj Egiptonquir Agar esclavaparusti Abramaruw irpcatäna warmipäñapataqui, ucasti lurasïnwa cunapachatejj jupanacajj Canaán oraken niya tunca mara jacjjapjjän ucapacha.

Génesis 21:14

Khepärmanthisti Abrahamajj wali alwatwa Agar warmirojj t'ant'a churäna, mä umani lip'ichi wayakampi cuna, take ucanacsti k'epjjaruyawayaraquïnwa. Ismael wawaparu irpjjaruyasinsti esclavaparojj qhitanucjjänwa. Jupasti mistuwayjjasinjja Beerseba wasaranwa sarnakascäna, janiraquiw cawcsar sarañsa puedcänti.

Génesis 25:1

Abrahamasti khepa warminëjjaraquïnwa, ucasti Cetura sataraquïnwa.

Génesis 29:1

Jacobojj thaquinjam sarascaquïnwa, ucatsti inti jalsu token utjir jakenacan orakeparuw sarjjäna.

Génesis 30:4

Uqhamwa Raquelajj Bilha esclavaparojj Jacobor warmipat churäna. Jacobosti Bilha warmimpiw mayachasïna,

Génesis 30:9

Lea warmisti jan juc'ampi wawanïñ puedjjasasti, Zilpa esclavapwa Jacob chachaparojj warmipat irpjjaruyaraquïna.

Génesis 32:22

Uca arumpachaw Jacobojj sartasisin pä warmipa, pä sirvientanacapa, tunca mayani wawanacapa, Jaboc sat jawir pata chekanjam maqhatayäna,

Génesis 35:22

Mä uru Israelajj uca chekan jaccäna ucqhajja, Rubenajj Bilha warmin ucaruw saratayna, ucatsti ucampiw iquintatayna, uca warmisti awquipan uñt'atapänwa. Uc yatisinsti Jacob awquipajj walpun colerasïna. Jacobon wawanacapajj tunca payanïnwa.

2 Crónicas 11:21

Roboamajja tunca quimsakallkoni warminacanïnwa, uqhamarac sojjta tunca uñt'atanacaniraqui, ucampis take warminacapat sipansa Maaca warmiparuw sinti munasïna. Jupasti pä tunca quimsakallkon yokanacanïnwa, uqhamarac sojjta tunca phuchanacani.

Job 1:1

Uz sat chekan mä chachaw utjäna Job sutini. Jupasti asqui, cheka jakënwa, Diosarus ajjsartiriraqui; ñankha lurañatsa jithektataraqui.

Job 1:3

Jupajj pakallko waranka ovejanacanïnwa, quimsa waranka camellonacani, pheska pataca yunta vacanacani, pheska pataca asnonacani, walja uywatanacaniraquïnwa. Jupasti inti jalsu tokenquir jakenacatjja wali kamirïnwa.

Mateo 5:45

Uqhamatwa jumanacajj alajjpachanquir Awquiman wawanacapäpjjätajja. Jupasti takenitaquiw intsa jalsuyani, uqhamarac asqui jakenacataquisa, jan asqui jakenacataquisa jallsa puriyaniraqui.

Hechos 14:17

Ucampis Diosajj jupanacarojj yatiyänwa jupan jacatapa, jakenacar asqui luratap toke. Jupajjay jallsa, suma cosechanacsa churchistojja, uqhamarac walja mank'añanacsa jiwasanacan cusisiñasataqui —sasa.

Jueces 19:4

Awquipajj cusisitaraquiw catokäna; jupanacampi chicäñapataquiraquiw kheparayäna. Levitampi, uywatapampejj quimsa uruwa uñt'atapan awquipan ucarojj kheparapjjäna; ucanwa mank'apjjäna, umapjjänsa, iquipjjaraquïnsa.

Jueces 6:3

Ucampis cunapachatejj israelitanacajj cunsa yapuchasipcäna ucqhajja madianitanacasa, amalecitanacasa, uqhamarac inti jalsu toket jutiri jakenacasa nuwantapjjänwa.