Génesis 25:26 - Qullan Arunaca

²⁶ Ucjjarusti jilaparaquiw nacïna, Esaú jilapan cayupat catt'ata, ucatwa Jacob sasa sutichapjjäna. Isaacasti sojjta tunca maranïnwa cunapachatejj Rebeca warmipajj wawachascän ucapachajja.

Aymar Bibliia 1986

²⁶ Ucjjarusti jilaparaquiw nacïna, Esaú jilapan cayupat catt'ata, ucatwa Jacob sasa sutichapjjäna. Isaacasti sojjta tunca maranïnwa cunapachatejj Rebeca warmipajj wawachascän ucapachajja.

Qullan Arunaka DC

²⁶ Ukxarusti jilapaw yurirakïna, Esaú jilapan kayu wintupat katt'ata, ukat uka wawarux Jacob suti uchapxarakïna. Isaacax suxta tunka maranïnwa kunapachatix Rebeca warmipax ispa wawanak wawachaskäna ukkhaxa.

Génesis 25:26 Jak'a apnaqawi uñst'ayäwi

Génesis 21:5

Cunapachatejj Isaacajj nascän ucqhasti, Abrahamajj patac maranïnwa.

Génesis 25:20

Isaacasti pusi tunca maranïnwa cunapachatejj Rebecampi casarascän ucapachajja, ucasti Betuelan phuchapänwa, Labanan cullacaparaqui, cawquïri arameo jakenacatï Padan-aram sisqui ucsa tokenacan jaccäna ucanaca.

Génesis 27:36

Ucjjarusti Esaú yokapajj saraquïnwa: —¡Ucatpï “Jacob” sasa sutichapjjtajja! Acajj niya pä cutiw engañjjetu. Nayrakatajj jilïri cancañajjwa apaketu, jichhasti cuna bendicionatejj wact'quitän uca apasjjaraqui. ¿Janit jichhasti cuna bendicionsa imarapquista? —sasaw Esaú yokapajj saraquïna.

Génesis 35:28

Cunapachatejj jiwjjän ucqhasti Isaacajj pataca quimsakallko tuncani maranëjjänwa.

1 Crónicas 1:34

Abrahamaw Isaacan awquipänjja. Isaacan wawanacapasti acanacänwa: Esaú, Israel ucanaca.

Oseas 12:3

Jacobojj, janïra nascasapuniw jilaparojj ñankha luränjja, chachäjjän ucqhasti Diosampiw nuwasiraquïna.

Oseas 12:4

Mä angelampiw nuwasïna, ucatsti atipjaraquïnwa; jacht'asisaraquiwa, bendicionsa mayisïnjja. Diosasti juparojj Betel chekanwa jicjjataraquïnjja, ucanracwa jupampejj parlänjja.

Malaquías 1:2

“Nayasti jumanacarojj munapjjsmawa” siw Diosajja. Ucatsti jumanacajj sapjjestawa: ‘¿Cunjämatsa yatipjjerista juman nanacaru munatamjja?’ Diosasti ucjjarojj siwa: “Uca quipcaraquiw nayajj jumanacar munapjjsma. Cunjämatejj Esaumpi, Jacobompejj jila puränjja, ucampis nayajj Jacoboruw munayäta Esaurusti uñisiraquïyätwa, uca quipcaraquiw nayajj jumanacarojj munapjjsma. Esaun kollu orakenacapsti wasararuw tucuyaractjja, yapunacapsti monte animalanacataquiw tucuyaractjja” sasa.

Números 20:14

Moisesasti Cades sat chekatwa, jakenacaru qhitäna Edom marcan reyiparu, aqham sañapataqui: “Israelita jilanacamajj aqham sañataquiw qhitanipjjetu: ‘Jumasti sum yattajja wali ch'ama tucutanacajj-jja.

Hechos 7:8

Diosajj Abrahamampejj mä arust'äwi luri, circuncisión churasina, uca arust'äwit amtasiñataqui. Ucatwa Isaac wawap nacipanjja, Abrahamajj quimsakallko urutjja circuncidäna. Isaacasti uca quicparacwa Jacob wawapampejj luräna. Jacobosti uqhamaraquiw wawanacapampejj luraraquïna. Ucanacasti Israelan tunca payan marcan awquinacapänwa.

Deuteronomio 23:8

Ucatsti wawanacapan wawanacapatjja quimsïri wawäcjje ucanacajj Diosan tantachasïwipan catokatäñjja puedjjaraquiwa.

Josué 24:4

Isaacarusti pani wawanac churta, Jacob, maynisti Esaú sutini. Esaú chacharojj Seir sat kollunac churta, ucampis Jacobompi wawanacapampejj Egipto marcaruw sarjjapjjäna.