Génesis 25:22 - Qullan Arunaca

²² Ucampisa cunjämatejj ispa wawanacajj purac mankhan nuwasipjjänjja, ucatsti Rebecajj lup'iraquïnwa: “Acatejj uqhamäscanejja, ¿cunataquirac jacästi?” sasa. Ucatsti Tatituruw jisct'asïna.

Aymar Bibliia 1986

²² Ucampisa cunjämatejj ispa wawanacajj purac mankhan nuwasipjjänjja, ucatsti Rebecajj lup'iraquïnwa: “Acatejj uqhamäscanejja, ¿cunataquirac jacästi?” sasa. Ucatsti Tatituruw jisct'asïna.

Qullan Arunaka DC

²² Jupasti ispa wawanïñ amuyasïna, purak manqhan wawanakan nuwasipxatapata. Ukat jupax lup'irakïna: “Akatix ukhamäskanixa, ¿kunatakirak jakästi?” sasa. Ukatsti Tatituruw jiskt'asïna,

Génesis 25:22 Jak'a apnaqawi uñst'ayäwi

Ezequiel 20:31

Jumanacan wawanacama sacrificiot loktasa ninampi naqhantayasinjja, uqhamarac ofrendanac churasinsa jumanacajj uca yakha diosanacampejj k'añuchasisipcactawa. ¿Jichhasti israelitanaca, uqhamäcasinti nayar jisct'asiri jutapjjaracta? Naya Tatituw jacañajj laycu juramentompi arsta, janipuniw jumanacampejj jisct'ayascäti.

Ezequiel 36:37

Tatitusti aqham sascaquiwa: “Mä juc'ampi lurascaquïwa. Cuntejj Israel marcajj mayquitani jupanac laycu lurañajj-jja ucanacsti phokharaquïwa; jakenacapsti mä jach'a tamaruw tucuyjjaraquëjja.

1 Samuel 10:22

Ucatwa wasitat Tatituru jisct'apjjäna, Saúl waynajj ucanti jicjjatasi janicha uc yatiñataqui. Tatitusti Saúl waynan ucancascatapjja yatiyänwa, k'epinaca mankhan imantasiscatapa uñacht'ayaraquïna.

1 Samuel 22:15

¿Jichhaquiti nayajj Diosaru Davidjjatsti jisct'aststi? Janiw cunas uca toketjja utjquiti. Uca laycu jach'a munañan reyejja jan cunsa aca sirvirip contrajj lurpati, ni familianacapa contrasa, sirvirimajj janiw cunsa aca tokenacatjja ni juc'sa, ni waljsa yatquiti uca laycu.

1 Samuel 28:6

Ucatwa Tatituru jisct'asïna, ucampisa Tatitojj juparojj janiw ist'cänti ni samcansa, ni urim toksa, ni profetanaca toksa.

1 Samuel 30:8

Davidasti Tatituruw jisct'asiraquïna: —¿Uca lunthata jakenacarojj arctañajjati? ¿Jupanacarojj jicjjatiristti? —sasa. Tatitusti saraquïnwa: —Arctascaquim, jicjjatätawa, ucatsti preso apata jakenacsa aparanjjaraquïtawa —sasa.

1 Samuel 9:9

(Nayrapachanacanjja mä israelita jakejj cunsa Diosar jisct'asiñ munirïna ucapachajj sapjjerïnwa: “Uñjirin ucar sarañäni” sasa. Jichhajj qhititejj “profeta” satäqui ucajj nayrajj “uñjiri” satänwa.)