Génesis 23:19 - Qullan Arunaca

¹⁹ Uca pasatatsti Abrahamajj Sara warmiparojj Macpela oraken cuna pututejj utjcän ucaruw imjjäna, Mamret inti jalsu tokeru, cawqhatejj Hebrón satäcaraqui uca chekaru, ucasti Canaán orakenquiwa.

Aymar Bibliia 1986

¹⁹ Uca pasatatsti Abrahamajj Sara warmiparojj Macpela oraken cuna pututejj utjcän ucaruw imjjäna, Mamret inti jalsu tokeru, cawqhatejj Hebrón satäcaraqui uca chekaru, ucasti Canaán orakenquiwa.

Qullan Arunaka DC

¹⁹ Uka qhipatsti Abrahamax Macpelá uraqinkir puturuw Sara warmipan jiwat amayap imt'xäna, Mamré ch'umit inti jalsu tuqiru, Hebrón satäkaraki uka chiqaru, ukasti Canaán uraqinkiwa.

Génesis 23:19 Jak'a apnaqawi uñst'ayäwi

Génesis 23:18

Abrahaman orakepäjjänwa. Ucatsti hitita jakenacajj testigönwa, uqhamarac marcar mantaña cheka pasasquir jakenacasa.

Génesis 23:20

Uqhamaw jupajj uca oraketa, uqhamarac uca pututsa dueñöjjaraquïna cawquïrtejj hitita jakenacajj sepulturatac aljcatayna ucata.

Génesis 3:19

Sapüru mank'añamsti jump'imampiraquiw jicjjatäta, cuna lak'ata luratäctatejj ucar cutt'añamcama, lak'ätawa, lak'aruraquiw cuttäta —sasa.

Génesis 37:14

—Uqhamajj saram, ucatsti uñjt'anim cunjämäsquis jilanacamajja, uqhamarac ovejanacasa ucanaca, ucatsti janc'aqui nayar yatiyiri cuttanim —sasaw awquipajj saraquïna. Israelasti Josearojj Hebrón valletwa qhitatayna, Joseasti Siquem chekaru purisinsti,

Génesis 47:30

Cunapachatejj nayajj nayra awquinacajjampi samarir sarjjä ucqhasti, Egiptot apsusinjja, awquinacajjan sepulturaparu imayjjeta —sasa. —Waliquiwa, uqham lurä —sasaw Joseajj saraquïna.

Génesis 50:13

Canaán orakeruw apjjapjjaraquïna, Macpela sisqui uca puturuw imantjjapjjaraquïna, ucasti Abrahaman alatänwa Efrón sata hitita jaketa, familiapan sepulturapäñapataqui. Aca orakesa, uqhamaraqui uca putusa, Mamretjja inti jalsu tokenquiwa.

Génesis 50:25

Ucatsti Israelan wawanacaparojj mä juramento lurayi, saraquïnwa: “Chekpachansa Diosaw jumanacar yanapir jutani. Uca urusti jumanacajj nayan ch'aqhanacajj-jja apasjjapjjätaw acatjja” sasa.

Job 30:23

Yatiractwa jumajj nayarojj jiwañaru apañ munatama, cawqharutejj take jakejj puriñapäqui ucaru.

Eclesiastés 12:5

kollu patanacasti ajjsarayaniwa, ucatsti thaquinjja jan walt'añanacaw utjani. Almendrojj pankarañ kalltani, t'ijut'ijusti jathiw tucjjani, alcaparrasti janiw cunataquis asquïcjjaniti. Ucampis jakejj wiñay utjasïwiparuw sarjjani, callenjja niyaw jiwatat jachatanacajja ist'asjje.

Eclesiastés 12:7

Uca pasatatsti lak'acäna ucajj lak'aruw cuttjjani, cunjämäcäntejj nayrajj uqhama, ajayusti Diosan ucaruraquiw cutt'jjaraquini, qhititejj churcäna ucaru.

Eclesiastés 6:3

Mä chachajj patac wawanïscaspawa, ucatsti walja maranacas jacascaraquispawa; ucampis walja jaccasinsa, janitejj yänacapampi cusiscani, ucatsti janiraqui sepulturarus sum imt'atäcaspa ucajja, nayajj sistwa uca chachat sipansa mä sullunucuta wawaw juc'amp asquïsquejja.