Génesis 22:20 - Qullan Arunaca

²⁰ Take acanac pasatatsti Abrahamajj yatiraquïnwa Nacor jilapan Milca warmipajj wawanacanïtaparaqui.

Aymar Bibliia 1986

²⁰ Take acanac pasatatsti Abrahamajj yatiraquïnwa Nacor jilapan Milca warmipajj wawanacanïtaparaqui.

Qullan Arunaka DC

²⁰ Mä qawqha pachatsti, Abrahamaruw yatiyapxäna, Nahor jilapan Milcá warmipan kimsaqallqu wawanïtapa.

Génesis 22:20 Jak'a apnaqawi uñst'ayäwi

Génesis 11:26

Taresti pakallk tunca maranïnwa cunapachatejj Abram, Nacor, uqhamarac Harán wawanacapajj nascän ucapachajja.

Génesis 11:27

Acanacaw Taré chachan wawanacapajja, jupasti Abram, Nacor, uqhamarac Harán ucanacan awquipänwa. Lot chachan Harán awquipasti,

Génesis 11:29

Abramasti Sarai sat warmimpiw casarasiraquïna, Nacorasti Milcampiw casarasiraquïna, ucasti Haranan phuchapänwa, Iscana cullacapa.

Génesis 15:1

Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

Génesis 22:21

Jilïri wawapasti Uz satänwa, ucjjaru jilapasti Buz sataraqui, ucjjarusti Kemuel sataraqui, ucasti Araman awquipänwa.

Génesis 24:10

Ucatsti cawquïrinacatejj Abrahamanjja suma yänacapajj utjcän ucanac taypitjja suma regalonacwa ajlliwayi, tunca camellompi cunaw Nacoran marcaparojj sari, ucasti Mesopotamia tokencänwa.

Génesis 24:15

Sirvirejj janïraw Diosat mayisiñsa tucuycänti ucqhaw mä tawakor callachipjjar uma waculla apt'at jutasquir uñji. Ucasti Betuel chachan Rebeca phuchapänwa. Betuelasti Milcampina, Abrahaman jilapa, Nacorampin wawapänwa.

Génesis 24:24

Tawakosti saraquïnwa: —Betuelan phuchapätwa, ucasti Milcampina Nacorampin wawaparaquiwa.

Génesis 31:53

Jichhajj Abraham achachilaman, uqhamarac Nacor achachilajjan Diosapay uñjpan —sasa. Jacobosti uqhamajj cawquïri Diosarutejj Isaac awquipajj yupaychcäna ucan sutipjjaruw juramento luräna.

Proverbios 25:25

Cunjämatejj umat pharjat jaketaquejj thaya umajj sumäquejja, uqhamaraquiw jakerojj cusisiyi jaya toket catokata suma yatiyäwinacajja.