Génesis 19:38 - Qullan Arunaca

³⁸ Sullca phuchasti mä yokall wawa wawachasiraquïna, ucatsti Ben-amí sasaw suticharaquïna, ucasti jichhajj amonitanacan awquipäjjewa.

Aymar Bibliia 1986

³⁸ Sullca phuchasti mä yokall wawa wawachasiraquïna, ucatsti Ben-amí sasaw suticharaquïna, ucasti jichhajj amonitanacan awquipäjjewa.

Qullan Arunaka DC

³⁸ Sullka phuchhasti mä yuqall wawa wawachasirakïna, juparusti Ben-amí sutimpiw uchäna, jupasti amonitanakan awkiparakiwa.

Génesis 19:38 Jak'a apnaqawi uñst'ayäwi

Génesis 20:1

Abrahamasti cawqhanccäntejj ucatjja mistuwayjjänwa, Néguev tokenacaruw sarjjaraquïna, Gerar marcanwa jacaraquïna, ucasti Cades, uqhamarac Shur taypinquiwa.

Salmos 83:9

Madián jakenacarjam jupanacarojj uñjam, Sísara jakenacarjam luram, Cisón jawira jac'anquir Jabín jakenacarjama:

Isaías 11:14

Panpachaniraquiw inti jalanta toker sarapjjani ucatsti filisteonacar khepäjjat liwinucupjjaraquini; inti jalsu tokenquir marcanacarusti panpachaniw kamir cancañapjja aparapjjani. Jupanacan ch'amanacapasti Edom, uqhamaraqui Moab sisqui ucacamaw purini, amonitanacarusti jupanacaw apnakapjjaraquini.

Sofonías 2:8

Acanacwa arsu Israel marcan jach'a ch'aman Diosapajja: “Nayajj ist'twa Moab sat marcan jan wali parläwinacapjja, uqhamaraqui Amón marcan ñankha arunacapsa. Jupanacasti marcajjarojj jisc'achapjjewa, uqhamaraqui orakenacapsa jach'aptayasipjjewa marcajjan orakenacapampejja.

Sofonías 2:9

Ucatwa naya jacquiri Diosajj arsta: Moab marcasti Sodoma marcjamaw tucuni, Amón marcasti Gomorra marcjamaraquiw tucuni, orakenacapansa ch'aphinacaquiw jiljjani, jayu orakeruraquiw tucuyaraquï, wasararuw wiñayatac tucuyaraquï. Ucatsti marcajjat jilt'ir jakenacaw saqueyapjjani, orakenacapsa catuntasipjjaraquini.

Deuteronomio 2:19

Ucampis, cunapachatï amonita jakenacampi jiquisïta, cawquïritï Lot chachan wawanacapäcaraqui ucqhajj, jan jumanacajj cunsa lurapjjamti ni nuwantapjjamsa, janiraquiwa uca oraketjja cunsa churapcämati, nayaw jupanacar uca orakjja churjjta’ sasa.

Deuteronomio 2:9

Ucatsti Tatitu Diosajj saraquitänwa: ‘Jan moabitanacarojj nuwantamti ni nuwasimsa, jupanacajj Lot chachan wawanacapawa, uca laycu; nayasti janiraquiw ni mä jisc'a oraksa uca marcat churcämati. Nayaw jupanacar churta uca Ar sutin orakenaca’ sasa.

Deuteronomio 23:3

“Amonitanaca, moabitanacasa janiw Diosan tantachasïwipanjja catokatäcaspati wawanacapan wawanacapcama, tunquïri wawanacäcchini ucasa.

Jueces 10:6

Israelitanacasti wastatampiw Dios nayrakatana jan walinac lurjjapjjaraquiquïna cunayman Baal Astarté sat c'ari diosanacar yupaychasina. Uqhamarac Siria, Sidón, Moab, Amón uca marcanquirinacan diosanacaparu, filisteonacan diosanacapar yupaychasinjja Diosaru take chuyma yupaychañjja apanucjjapjjänwa.

1 Samuel 14:47

Uqhamawa Saúl reyejj Israel marca apnakasajja atipjäna take chekanwa uñisirinacapampejj nuwasiraquïna ucanacasti acanacänwa: Moab, Amón, Edom, Soban uqhamarac filisteonacan reyipa. Cawquirutejj sarcäna ucanacarojj atipjaquipunïnwa.