Génesis 19:24 - Qullan Arunaca

²⁴ Tatitusti ninampi, azufrempwa Sodoma, uqhamarac Gomorra marcanacjjarojj puriyanïna,

Aymar Bibliia 1986

²⁴ Tatitusti ninampi, azufrempwa Sodoma, uqhamarac Gomorra marcanacjjarojj puriyanïna,

Qullan Arunaka DC

²⁴ Tatitux Sodoma, Gomorra markanakxarux aqkir azufrempiw jallur uñtat purintayäna;

Génesis 19:24 Jak'a apnaqawi uñst'ayäwi

Génesis 13:10

Lot chachasti take Jordán jawira tokenquir vallenacwa uñatatäna, Zoar sisqui uca jisc'a marcacama, uca vallesti wali umanïnwa, mä jardinjamaraquïnwa. Egiptor uñtasitjamaraquïnwa. (Ucasti uqhamänwa janïra Tatitojj Sodoma, uqhamarac Gomorra sat marcanac t'unjcän ucapacha).

Génesis 13:12

Abramasti Canaán orakeruw kheparjjäna, Lot chachasti valle tokenquir marcanacar jaquiriw sarjjaraquïna, Sodoma marca jac'aru,

Génesis 18:17

Ucatsti Tatitojj saraquïnwa: “Abrahamarusti siristwa cuntejj lurcä ucjja,

Génesis 19:23

Cunapachatejj khanjtanjjäna, uqhamarac Lot chachas Zoar marcar purjjaraquïna ucqhajja,

Job 1:16

Uca jakejja uqham parlañjja janïraw tucuycänti, uqhamaruw maynejja puriniraquiquïnwa aqham sasa: —Khejjokhejjonacawa jiwarayi awatirinacaru, uqhamarac ovejanacarusa. Ucampis naya sapaquiw jaltanjjta jumaru yatiyañataqui — sasa.

Job 18:15

Utaparusti ninampiw wiyantasi, yänacapasti azufrempi ch'ajjchsutaraquiwa.

Salmos 11:6

Tatitojj ñankha lurir jakenacjjarojj nina sanc'ampi, asufremp jalluyanini; ch'aman thayampiw jupanacarojj naqhantayani. ¡Tatitojj lurataparjamaw mutuyani!

Éxodo 9:23

Ucampis Moisesajj thujrup ayjjarusinwa alajjpachar loktäna, ucatsti Tatitojj purintayänwa wali khejjokhejjonaca, llijullijunaca, chhijchhinaca uqhama take Egipto marcpacharu chhijchsuñapataqui.

Isaías 1:9

Take ch'amani Tatitutejj mä kawkhani jiwasanacat jan jilt'aycasapänjja, jichhajj Sodoma, uqhamaraqui Gomorra marcar uñtatäsänwa.

Isaías 13:19

Marcanacataqui mä perlasjamäqui uca Babiloniasti, caldeo jakenacataqui korir uñtatäcaraqui uca marcajja, Sodoma, uqhamaraqui Gomorra marcjamaw tucusini, cunapachatejj nayajj uca marcanacar t'unjcäyätjja uqhama.

Isaías 30:33

Nayrapachatpacha Asiriataquejja, reyipataquisa, t'akhesiyañ chekajj waquichatawa, ancho uqhamaraqui mankharaquiwa, ninasti ucanjja wal naqharaqui. Tatitun phust'atapaw aktayani, mä jach'a azufre jawiräcaspas uqhama.

Jeremías 20:16

¡Uca jakesti, cawquïri marcanactejj Diosajj wiñayataqui t'unjqui uqhamäpan! Alwanacasti usutat warariña arnakasiñanaca ist'pan, chica ururusti guerran nuwasiñanaca arnakasiñanaca ist'aracpan,

Jeremías 23:14

Jerusalenanquir profetanacarusti nayaw uñjta, ajjtascañ luräwinaca lurasipquiri: Wachok juchanac lurapjje, lunthatapjjaraqui, janiraquiw maynis ñankha lurañanacapjja apanucquiti. Jupanacasa, marcan jaquirinacasa, nayataquejj Sodoma, Gomorra marcanacjamäpjjewa.

Jeremías 50:40

Cunjämatejj Sodoma, Gomorra, uqhamaraqui uca jac'anquiri marcanacasa t'unjata uñjasipjjänjja, uqhamaraquiw jichhajj Babiloniajj uñjasini. Janipuniw ucanjja qhitis jaccjjaniti, ni pascamayasa. Naya Tatituw ucjja arsta.

Lamentaciones 4:6

Orakejjanquiri marcan juchapasti Sodoma marcan juchapat sipansa juc'ampiwa, uca marcasti janc'aqui t'unjataquëjjänwa, jan qhitin nuwata t'unjataquiraquïnwa.

Oseas 11:8

“¿Cunjämarac apanuct'asïmasti, Efraín? ¿Cunjämarac jaytanucümasti, Israel? ¿Adma marca tucjctjja uqhamti tucjaraquirisma, jan ucajj Zeboimarojj cuntejj lurcta uqhamraccha luririsma? ¡Chuymajjaw ch'alljjtitu, jumataquisti qhuyapayasiñan phokt'ataraquïtwa!

Amós 4:11

“Sodoma marcampiru Gomorra marcampiru tucjcäyätjja uqhamaracwa jumanacarojj tucjapjjaracsmajja, ninat apsut mä sanc'ar uñtataraquiw kheparapjjtajja, ¡ucampis jumanacajj janiw nayarojj cutt'anipctati!” Uqham siw Tatitojja.

Sofonías 2:9

Ucatwa naya jacquiri Diosajj arsta: Moab marcasti Sodoma marcjamaw tucuni, Amón marcasti Gomorra marcjamaraquiw tucuni, orakenacapansa ch'aphinacaquiw jiljjani, jayu orakeruraquiw tucuyaraquï, wasararuw wiñayatac tucuyaraquï. Ucatsti marcajjat jilt'ir jakenacaw saqueyapjjani, orakenacapsa catuntasipjjaraquini.

Lucas 10:12

Sapjjsmawa, taripäwi urun mutuña catokañapajj aca marcanjja Sodoma marcanquir jakenacat sipansa juc'amp jach'äniwa.

Deuteronomio 28:24

Diosasti juma patjjarojj lak'ampi ch'allampi jallu lantjja puriyanini, juman t'unjatäñamcama,

Deuteronomio 29:22

Cawquïri wawanacatï jumanacan khepamat jutcani, uqhamarac yakha marcat jutir jakenacas purincani, take ucanacaw plaganaca, usunaca, Diosajj aca oraker apayanqui ucanacjja uñjapjjani.

Deuteronomio 29:23

Ucatsti uñjapjjaraquiniw take orakejj azufreru, jayuru, naqhantat lak'aru tucutätapa. Janiraquiw cunsa uca orakerojj satañ puedipcaniti, ni cunas achcaniti; janiraquiwa mä jisc'a koras jilcaraquiniti, cunjämatï t'unjasïnjja Sodoma, Gomorra, Adma, Zeboim sat marcanacajja, cawquïrtï Diosajj t'unjäna jach'a ajjsarcañ colerasiñapampi uqhama.

2 Pedro 2:6

Diosajj ninampiraquiw Sodoma, uqhamarac Gomorra sat marcanacarojj naqhantayänjja khellar tucuyasa, khepa urunacan jaquir jan wali jakenacan amuyt'asipjjañapataqui.

Judas 1:7

Uqhamaraqui Sodomampi Gomorrampi uca jac'a marcanacampejja, uca angelanacjamaraquiw wachoka jucha lurañar catuyasipjjäna. Ucatsti cunayman jan amuyt'cañ vicionacampi apayasisa, ucatsti taken amuyt'asiñapataqui uchatäpjjewa, wiñay akquir ninan t'akhesisa.

Apocalipsis 14:10

Diosat jutcani uca jach'a mutüwi catokani, Diosan uca colerasiñapasti waquichatawa; asufrempi ninampi t'akhesiyatäpjjaniwa, Diosan angelanacapana, uqhamarac Corderon nayrakatapan t'akhesiyatäpjjaniwa.