Génesis 19:17 - Qullan Arunaca

¹⁷ Cunapachatejj marca ankäjjancjjapjjän ucqhasti, mä angelaw saraquïna: —¡Jaltjjam, khespiñamataqui! Janipun kheparojj uñtanipjjamti, janirac sayt'apjjamsa aca vallenjja. Kollu tokenacar jaltjjapjjam khespiña munsta ucapachajja —sasa.

Aymar Bibliia 1986

¹⁷ Cunapachatejj marca ankäjjancjjapjjän ucqhasti, mä angelaw saraquïna: —¡Jaltjjam, khespiñamataqui! Janipun kheparojj uñtanipjjamti, janirac sayt'apjjamsa aca vallenjja. Kollu tokenacar jaltjjapjjam khespiña munsta ucapachajja —sasa.

Qullan Arunaka DC

¹⁷ Kunapachatix marka anqäxankxapxän ukkhasti, maynïr angelaw säna: —¡Jiwañ jan munapksta ukax jaltapxam! Janipun qhiparux uñtanipxamti, janirak qhirwa chiqa sarkasas sayt'apxamti. Qhispitäñ munapxsta ukaxa, qullunakar jaltxapxam —sasa.

Génesis 19:17 Jak'a apnaqawi uñst'ayäwi

Génesis 13:10

Lot chachasti take Jordán jawira tokenquir vallenacwa uñatatäna, Zoar sisqui uca jisc'a marcacama, uca vallesti wali umanïnwa, mä jardinjamaraquïnwa. Egiptor uñtasitjamaraquïnwa. (Ucasti uqhamänwa janïra Tatitojj Sodoma, uqhamarac Gomorra sat marcanac t'unjcän ucapacha).

Génesis 14:10

Take uca Sidim valle tokensti walja asfalto phuch'unacaw utjäna, cunapachatejj Sodoma, Gomorra marcan reyinacapajj nuwasïwit jaltjjañ munapjjän ucapachasti uca asfalto phuch'unacaruw jalantapjjäna. Mayni reyinacasti kollunacaruw jaltjjapjjaraquïna.

Génesis 18:22

Uca jakenacat paninisti Sodoma tokerupuniw sarjjapjjänjja, ucampis Abrahamajj Tatitun nayrakataparuw kheparascäna.

Génesis 19:18

Ucampis Lot chachajj sänwa: —¡Janiw tatanaca, achict'asipjjsmawa!

Génesis 19:22

ucampisa ¡saram! uca marcar jaltjjam, janiraquiw cunsa lurcäti uca marcar puriñamcamajja —sasa. Ucatwa uca marcajj Zoar sasa sutichatajja.

Génesis 19:26

Ucampisa Lot chachan warmipajja khepatwa jutascäna, ucatsti jupajj khepa uñtäna, ucatsti uca pachparuw jayu kala tucjjaraquïna.

Génesis 19:30

Uca khepatsti Lot chachajj Zoar marcan kheparañjja ajjsarayasjjänwa, ucatsti pä phuchapa irpjjarusiwayasinjja kollu tokenacaruw sarjjäna, ucanwa quimsanpacha mä putun jacapjjäna.

1 Reyes 1:12

Jichhasti jutam, mä ewjja churäma, uqhamata jumajj jacañamsa, Salomón yokaman jacañapsa khespiyañamataqui.

1 Reyes 19:3

Eliasajj amuyasïnwa jan walt'añancatapa, ucatsti jacañapa khespiyasiñataquejja jaltjjänwa Beerseba chekaru, ucasti Judá orakenquiwa, ucanaracwa uywataparojj jaytawayjjaraquïna.

Salmos 121:1

Nayranacajjampiw kollunac uñatatta: “¿cawquitarac yanapast nayatac jutani?” sasa.

Jeremías 48:6

¡Jaltjjapjjam! ¡Qhitis ch'amani ucajj jaltjjapjjpan! ¡Wasaranquiri ch'aphirar alinacjamäpjjaraquim!

Números 16:26

Ucatsti marcpacharuw säna: —Jithektapjjam uca juchan ñankha jakenacan carpanacapatjja, janiraqui llamct'apjjamti cunatejj jupanacancqui ucanacjja, jan jumanacasa juchanacapat jiwapjjañamataqui.

Mateo 3:7

Cunapachatejj Bautisiri Juanajj uñjcäna fariseonacaru, uqhamarac saduceonacarusa ucqhajj sänwa: “¡Jumanacajj catari casta jakenacäpjjtawa! ¿Qhitiraqui jumanacarusti yatichapjjtamsti Diosan jach'a colerasiñapat jaltañsti?

Lucas 12:23

Jacañajj mank'at sipans juc'amp munatawa, uqhamaraqui janchisti isit sipansa.

Lucas 9:62

Jesusasti juparojj sänwa: —Qhititejj arado catt'atäcasin khepar uñtqui ucajja, janiw Diosan reinopataquejj asquiquïti —sasa.

Hebreos 2:3

¿Cunjämrac jaltañänisti, jiwasatejj uca jach'a khespiyasiñjj jan yäkcañäni ucasti? Pachpa Tatituw nayrakatajj yatiyäna aca khespiyasiñatjja, ucjjarusti qhitinacatejj ist'apcäna ucanacaraquiw uca arjj sum yatjjatapjjaraquïna, ucatsti jiwasaruw churanistu.

1 Samuel 19:11

Ucatsti janc'aquiw Saúl reyejj sirvirinacaparojj Davidan utaparu qhitäna, suyt'asina khepärmanthi alwa jiwayapjjañapataqui. Ucampisa Davidan Mical sat warmipajj take ucanacjja amuyaraquïnwa. Ucatsti yatiyaraquïnwa, aqham sasa: “Janitejj jichhärmpacha imantascäta ucapachajj arumanthi alwajj jiwayatäjjätawa” sasa.