Génesis 18:21 - Qullan Arunaca

²¹ Jichhajj nayajj uñjiriw sarä chekpachapuniti jucha luratanacapajj sintïpacha janicha uc yatiñataqui, uqhamatwa yatiraquëjja.

Aymar Bibliia 1986

²¹ Jichhajj nayajj uñjiriw sarä chekpachapuniti jucha luratanacapajj sintïpacha janicha uc yatiñataqui, uqhamatwa yatiraquëjja.

Qullan Arunaka DC

²¹ jichhax nayax khayar uñjiriw sarä, kunjämtix sapkitäna uka jucha luratanakapax chiqpachapunit sintïpacha janich uk yatiri. Ukhamat yatirakï —sasa.

Génesis 18:21 Jak'a apnaqawi uñst'ayäwi

Génesis 11:5

Ucampisa Tatitu Diosajj uca marca, uqhamarac cuna torrtejj lurasipcän uca uñjiriw sarakanïna,

Génesis 11:7

Parlanacap mayjt'ayir jichhajj sarakañäni, uqhamat jan jupanaccama cuna parlatanacapsa amuyasipjjañapataqui” sasa.

Génesis 18:17

Ucatsti Tatitojj saraquïnwa: “Abrahamarusti siristwa cuntejj lurcä ucjja,

Génesis 6:12

take jakenacasti jan walëjjapjjapunïnwa. Diosasti uca take ñankha lurañanacajj aca oraker phokhantatäp uñjasinsti,

Job 34:22

Janiwa juc'ampi ch'iyara ch'amacajj ñankha jaker imantañataquejj utjquiti.

Salmos 14:2

Tatitojj alajjpachatpach jakenacarojj uñtani, inach qhitis amuyt'asirejj utjaspa, inach qhitis Diosar thaktirejj utjaspa.

Salmos 90:8

Jucha luratanacajjajj nayrakataman uñsti, jamasat luratanacajjsti khanaruw mistuytajja.

Éxodo 3:8

Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Éxodo 33:5

Tatitusti Moisesarojj sataynawa: —Aqham yatiyam israelitanacarojja: ‘Jumanacajj naya contra tucuri jakenacäpjjtawa. ¡Nayatejj jumanacampi sarirista ucajja, mäquiw tucjapjjerismajja! Jichhasti jumanacajj suma yänacamjja apakasipjjamaya, ucatsti nayaw yatï jumanacampi cunjämaru lurañsa’ —sasa.

Jeremías 17:1

“Judá marca, juchamajj hierro cincelampi kellkatawa, diamante puntampi kellkatawa, kala chuymamjjaru, altaranacaman wajjranacaparusa.

Jeremías 17:10

Naya Tatituwa, jaken chuymapjja uñjta, chuyma mankhapan amtatanacapsa yatiractwa; sapa maynirusa waquisitaparjamaw churaractjja, luratanacaparjamaraqui.”

Jonás 1:2

“Sartam, Nínive jach'a marcaru sararaquim, ucatsti yatiyanim, nayasti k'alwa tucjä ñankha luratanacapajj nayrakatajjaruw purinitu uca laycu” sasa.

Miqueas 1:3

Tatitojj cawqhantejj utjqui ucqhatpachwa mistunini, ucatsti kollu patanacwa jutani.

Sofonías 1:12

“Uca urunacanjja mä lamparampiw Jerusalén marcarojj uñaquiparaquï. Ucatsti mutuyaraquïwa cawquïri jakenacatï juchanacapan chhaktata inaqui kamasipqui, chuymanacapansti sapjjaraqui: ‘¡Janiw Diosajj walsa jan walsa lurcaniti!’ sasa.

Lucas 16:15

Jesusasti jupanacarojj saraquïnwa: “Jumanacasti jakenac nayrakatanjja asquit uñt'ayasipjjtajja, ucampis Diosajj chuymanacamjja sumwa uñt'apjjtamjja. Cunatejj jakenacataqui asquïqui ucajj Diosataquejj janiw walïquiti.

Juan 6:38

Nayasti janiw alajjpachat munañajj lurasir jutcti, jan ucasti qhitanquitu ucan munañap luririw jutta.

2 Corintios 11:11

¿Cunatsa aqham parltjja? ¿Janich jan ucajj jumanacar munapcpachäsmajja? Diosajj yatisquiw walpun munapcsma ucjja.

Deuteronomio 13:3

ucqhajj jan jumanacajj jupanacaru ist'apjjamti; Tatitu Diosamasti jumanacaruwa yant'añ munapjjtam, take chuymampiti, uqhamaraqui take jacañamampiti juparu munapjjta janicha ucanacata.

Deuteronomio 8:2

Ucatsti amtasipjjaraquim cawquïri thaquinjamtï Tatitu Diosamajj irpanipjjtam wasarana pusi tunca maranaca sarnakayasa jumanacar yant'añataqui, uqhamaraqui yatichañataqui, uqhamata amtäwinacam uñt'añataqui, camachi arunacajj phokherjamäpjjtati jan ucajj janicha uc yatiñataqui.

1 Tesalonicenses 4:16

Tatit pachpawa alajjpachat sarakanini, arcangelan art'ataparu, Diosan trompetap phust'ataparu. Cristor iyawsasa jiwirinacajja nayrakatwa jactapjjani;

Hebreos 4:13

Janiw cunas Diosan luratanacapatjja jupat imantascaspati, take cunaw khanstayata, uqhamarac jist'arata qhitirutejj jaqhuta churcañäni ucan nayrakatapanjja.

Josué 22:22

—Diosanacansa Diosapa Tatituw nanacar yatipjjetu, aca altar lurapjjta ucajj janiw jupampi mayjt'asiñataquïquiti ni jupata sarakañataquïquisa; Diosaw yati, juparaquiw Israel marcarojj yatiyani, nanacan amtäwinacajjatejj Dios conträchi ucapachajja, jupajj nanacar jichhpach jiwarayapjjetpan.