Génesis 18:16 - Qullan Arunaca

¹⁶ Uca khepatsti uca visitanacajj sayt'asjjapjjänwa, ucatsti Sodoma marca tokeruw sarjjarupjjaraquïna. Abrahamasti jupanac chicaraquiw sartäna qhitanucjjañataqui.

Aymar Bibliia 1986

¹⁶ Uca khepatsti uca visitanacajj sayt'asjjapjjänwa, ucatsti Sodoma marca tokeruw sarjjarupjjaraquïna. Abrahamasti jupanac chicaraquiw sartäna qhitanucjjañataqui.

Qullan Arunaka DC

¹⁶ Ukxarusti uka jaqinakax sayt'asxapxänwa, ukatsti Sodoma marka tuqiruw sarxarupxarakïna. Abrahamasti jupanakamp chikaw khithanukxañatak sartäna.

Génesis 18:16 Jak'a apnaqawi uñst'ayäwi

Génesis 18:15

Uc ist'asinsti, Sarajj ajjsarthapïnwa, ucatsti c'arisiñ munäna, aqham sasa: —Janiw nayajj laruscti —sasa. Ucampisa Tatitojj juparojj saraquïnwa: —Jïsa, larustawa —sasa.

Génesis 18:2

Abrahamasti uñatatasinjja quimsa jakenacaruw jupa nayräjjan sayt'atäsquir uñjäna. Uñjasinsti mäqhiw sarthapi uca jakenacar catokañataqui, uqhamarac p'ekepsa oraker puriñcamaw alt'asiraquïna,

Génesis 18:22

Uca jakenacat paninisti Sodoma tokerupuniw sarjjapjjänjja, ucampis Abrahamajj Tatitun nayrakataparuw kheparascäna.

Génesis 19:1

Cunapachatejj uca pä angelanacajj Sodoma marcaru puripcän ucapachajj niya ch'amacthapjjänwa, Lot chachasti marcar mantañ puncun kont'atäscänwa, cawqhantejj jakenacajj tantachasipjjerïna ucqhana. Uca pani angelar uñjasasti catokañataquiw sayt'asi, ucatsti orakcamaw alt'asi,

Hechos 15:3

Jupanacarusti Antioquianquir iglesiaw qhitäna. Jerusalenar sarcasinsti, jupanacajj Fenicia tokenacwa pasapjjäna, uqhamarac Samaria tokenaca. Ucawjanacansti yatiyapjjänwa cunjämtï jan judiöpquis ucanacajj nayra iyawsäwinacap apanucusin Diosar arcjjapjjäna uca. Uc ist'asinsti take jilatanacajj wal cusisipjjäna.

Hechos 20:38

Jupanacasti wali llact'atäpjjänwa Pablon aqham satap laycu: ‘Janiw nayarojj mayampsa uñcatjjapjjetätati’ sasa. Ucatsti barcocamaw jupamp chicajj sarapjjäna.

Hechos 21:5

Ucat pakallk uru pasjjepanwa, mistuwayjjapjjta. Take jilatanacasti warminacapampi, wawanacapamppachaw nanac chicaraqui marca ankäjjcam sarapjjta. Kota thiyar purisinsti quillt'asisaw Tatitut mayisipjjta.

Romanos 15:24

jichhajja muntwa jumanacar tumpt'aña cunapachatï Españaru sarcä ucapacha. Ucat jumanacar uñjasinjja munaraquïwa jumanacan nayaru saräwejjan yanapt'apjjañama.

3 Juan 1:6

Iglesianjja jupanacajj parlapjjewa juman wali munasiñanïtamata. Nayajj achict'smaw yanapt'aquimay sarañanacapana, cunjämtï Diosarojj cusisiyqui uqhamarjama.