Génesis 18:11 - Qullan Arunaca

¹¹ Abrahamampi, Sara warmipampisti wali chuymanëjjapjjänwa, uqhamarus Saran phajjsi wilapas chhaktjjaraquïnwa.

Aymar Bibliia 1986

¹¹ Abrahamampi, Sara warmipampisti wali chuymanëjjapjjänwa, uqhamarus Saran phajjsi wilapas chhaktjjaraquïnwa.

Qullan Arunaka DC

¹¹ Abrahamampi, Sara warmipampisti wali chuymanïxapxänwa, ukhamarus Saran phaxsi wilapas chhaqtatäxänwa.

Génesis 18:11 Jak'a apnaqawi uñst'ayäwi

Génesis 17:17

Abrahamasti oraker p'ekep puriyañcamaw alt'asïna, larusiraquïnwa, aqham sasa: “¿Patac maran jakesti wawaniraquïspati? ¿Sarasti llätunc tunca maranirusti wawaniraquïspati?” sasa.

Génesis 17:24

Abrahamasti llätunc tunca llätuncani maranïnwa, Ismaelasti tunca quimsani maraniraqui, cunapachatejj chhojjorasiñapan janchipajj qharekatacän ucapachajja.

Génesis 21:7

¿Qhitis sasapänjja nayan Abrahamatac wawanïñajj-jja? Ucampis jichhajj jupataquejj mä yokall wawanïtwa, jupajj sinti chuymanïcjjchi ucasa” sasa.

Génesis 24:1

Abrahamajj sinti chuymani jakëjjänwa, Tatitusti take cunana waliracwa juparojj bendicitayna.

Génesis 24:36

Uqhamarus Sara warmipajj mä yokall wawa wawachasiraqui cunapachatejj jupajj chuymanëjjän ucapacha, uywirejjasti wawaparuraquiw take cun jaytawayjje.

Génesis 31:35

Raquelasti saraquïnwa: —Awquejja, janiw colerasïtati, nayan jan sartatajjatjja, phajjsi wilanïscatajj laycu —sasa. Labanasti diosanacap thakascäna, ucampis janiw jicjjatcänti.

Levítico 15:19

“Mayni warmitejj phajjsi wilapampïscani ucasti pakallko uruwa k'añut uñt'atäni. Cawquïritejj uca warmiru llamct'ani ucasti k'añut uñt'atäniwa, jayp'thapiñapcama.

Lucas 1:18

Zacariasasti angelarojj jisct'änwa: —¿Cunjämats uqham phokhasiñap yatiristjja? Nayajj niya chuymanëjjtwa, warmejjas chuymanëjjaraquiwa —sasa.

Lucas 1:36

Uqhamaraquiw Elisabet familiamajj niya chuymanëjjasinsa, mä wawa wawachasini. Juparusti jakejj sapjjaraquïnwa: ‘Janiw wawanïcjjaspati’ sasa, ucampis niya sojjta phajjsëjjewa usur jakëjjatapajja.

Lucas 1:7

Janiraquiw wawanïpcänti, Elisabetasti janiw wawachasirïcänti. Uqhamarus jupanacajj wali chuymanëjjapjjänwa.

Hebreos 11:19

Abrahamajj yatïnwa Diosajj jiwatanac jactayañataquis ch'amanïtapa, ucasti mä arunjja aqhamäspawa: Abrahamajj wastatsa wawapjja jiwatanac taypit catokaspa uqhamawa.

Josué 13:1

Cunapachatejj Josué chachajj chuymanëjjän ucqhajj, Dios Tatitojj juparojj sänwa: “Jumasti wali chuymanëjjtawa, walja maranacaniraqui, ucampis walja orakenacaw utjasqui jumanacan catuntapjjañamataquejja.