Génesis 12:15 - Qullan Arunaca

¹⁵ Egipto marcan reyipa faraonan yanapirinacapasti Sarai warmin suma uñnakt'anïtapjja uñjapjjaraquïnwa, ucatsti uca warmin wali suma uñnakt'anïtap yatiyiriw sarapjjäna. Ucatsti faraonan palacioparuw irpapjjaraquïna.

Aymar Bibliia 1986

¹⁵ Egipto marcan reyipa faraonan yanapirinacapasti Sarai warmin suma uñnakt'anïtapjja uñjapjjaraquïnwa, ucatsti uca warmin wali suma uñnakt'anïtap yatiyiriw sarapjjäna. Ucatsti faraonan palacioparuw irpapjjaraquïna.

Qullan Arunaka DC

¹⁵ Egiptonkir faraón reyin yanapirinakapas Sarai warmirux uñjapxarakïnwa, ukatsti uka warmin wali suma uñnaqt'anïtap yatiyiriw sarapxäna. Ukat faraonan utapar irpapxäna.

Génesis 12:15 Jak'a apnaqawi uñst'ayäwi

Génesis 12:14

Cunapachatejj Abramajj Egiptor purjjän ucapachajja Egiptonquir jakenacajj Sarai warmirojj wali suma uñnakt'ani warmïtapwa uñjapjjäna.

Génesis 20:2

Uca marcan jaccasinsti, Sara warmipatjja: “Cullacajjaw” saraquïnwa. Ucatwa Gerar marcan Abimelec reyipajj Sara warmiru irptayani warmipäñapataqui;

Génesis 26:7

ucsa tokenacan jaquir jakenacasti warmipatwa jisct'apjjaraquïna, jupasti: “Cullacajjaw” sasaw saraquïna. Ajjsararaquïnwa Rebecan warmipätapa arsuñjja, suma uñnakt'anïtap laycu, Isaacasti amuyaraquïnwa ucsa tokenquir jakenacajj inampisa Rebeca laycu jiwayjjapjjaspa uca.

Génesis 40:2

faraón reyejj uca paninitaqui colerasisinjja, coperonacan jilïripa contra, uqhamarac panaderonacan jilïripa contra colerasisajj guardiapan capitanapan utaparuw preso apayäna, ucancaraquïnwa carcelajja. Ucanwa Joseajj preso jicjjatasiscaraquïna.

Génesis 41:1

Pä maraw pasjjäna. Mä uruw faraonajj mä samca samcasïna, jupasti samcapanjja Nilo jawira thiyan sayt'atäscänwa,

1 Reyes 3:1

Salomonajj Egiptonquir reyimpiw familiaru tucüna, jupasti phuchapampiwa casarasïna, ucatsti Davidan marcaparuwa irpäna, cunapachatï palaciopasa, Tatitun templopasa, uqhamarac muytpacha Jerusalén perkasa luraña tucuyasiscäna ucapacha.

2 Reyes 18:21

Nayajj uñjtwa Egiptor alcatasitama. Uqhamajj waliquiwa, ucampis Egiptojja mä ch'ajj-jjata sokosar uñtataquiwa, ucatsti qhititejj ucar alcatasini ucan amparaparojj ch'aphintasinjja junuranttaniwa. Egipton faraón reyipajja uqhamacwa luri, qhitinacatejj jupar alcatasipqui ucanacarojja.

Salmos 105:4

Tatitur iyawsapjjam, ch'amapar alcatapjjam, jan karjasis ajanup thakapjjam.

Éxodo 2:15

Faraonasti, Moisesan mayni egipcior jiwayatap yatisinjja, jiwayañataqui thakayiriw qhithäna. Ucampis Moisesajj jan jiwayatäñ laycojja Egipto marcat sarawayjjänwa, ucat Madián sat chekaruw purïna ucan jacjjañataqui.

Éxodo 2:5

Uqhamäquipansti faraonan phuchapawa jawirar jarisiri jutäna, juparu sirviri tawakonacampi cuna, ucampis uca tawakonacajja jawir thiyan sarnakcasinjja totoranac taypincasquiri mä canasta uñjapjjäna, ucatsti faraonan phuchapajj maynïr sirviripwa qhitäna uca canasta apsuniñapataqui.

Proverbios 29:12

Mä jilïritejj c'ari arunacar ist'añ yatinejja, sirvirinacapajja jan walicamaquëjjaniwa.

Proverbios 6:29

Uqhamaraquïniwa qhititejj jake masipan warmipampi jucha lurañan sarnakqui ucajja. Juchapjja uñt'asipuniniwa.

Jeremías 25:19

Uqhamaraquiw Egipto marcan reyipa faraonarus churaracta umañapataqui, jilïrinacaparusa, take qhitinacatejj jupampïqui ucanacarusa take jakenacaparusa,

Jeremías 46:17

“Egipton reyipa faraonarusti aca sutimpi apjjatapjjam: ‘Wali khothutiri, ucampisa jan horasaparu khothutiri’ sasa.

Ezequiel 32:2

“Egipto marcanquiri Faraón reyitaqui aca alma imäwi k'ochu k'ochurapim: ‘Marcanacan leonanacapjamätawa; kotanquiri jach'a ajjsarcañ lak'or uñtatätawa, jawiraman umapan sunt'isiractajja, cayunacamampisti uca umjja konchuptaytawa, jalir umsti tirctayaractawa, sasa.

Hebreos 13:4

Casarasiñarusti takenirac respetapjjam, janirac casadöcasin yakhanacamp wachoka juchan sarnakapjjamti, Diosasti juchañchaniwa wachoka juch luririnacarojja.