Gálatas 6:14 - Qullan Arunaca

¹⁴ Ucampis nayajj janiw cunatsa jach'ar tucuñ muncti, jan ucasti jiwasan Tatit Jesucristosa crusan jiwatapatacwa jach'aru tucuñajjajj utjitu. Criston crusap tokequiwa nayataquejj acapach luräwinacajj jiwata, nayasti acapach luräwinacataquejj jiwataraquïtwa.

Aymar Bibliia 1986

¹⁴ Ucampis nayajj janiw cunatsa jach'ar tucuñ muncti, jan ucasti jiwasan Tatit Jesucristosa crusan jiwatapatacwa jach'aru tucuñajjajj utjitu. Criston crusap tokequiwa nayataquejj acapach luräwinacajj jiwata, nayasti acapach luräwinacataquejj jiwataraquïtwa.

Qullan Arunaka DC

¹⁴ Ukampis nayax janiw kunatsa jach'achasiñ munkti, jan ukasti, Tatit Jesucristosan cruzan jiwatap iyawsataxat jach'achasiñaxax utjitu. Criston cruzap tuqiw nayatakix akapach luräwinakax jiwatäxi, nayasti akapach luräwinakatakix jiwatäxaraktwa.

Gálatas 6:14 Jak'a apnaqawi uñst'ayäwi

Salmos 49:6

Jupanacajj yänacaparuw chuymap uchapjje, kamir cancañapat jach'a jach'ajj tucupjjaraqui,

Salmos 52:1

Munañan jake, ¿cunatarac ñankha luratanacamat jach'achastasti? ¡Diosan munasiñapajj jan tucusquiriwa!

Ezequiel 28:2

“Jumasti, chacha, jichhajj Tiro marcan reyiparu saraquim: ‘Aqham siw Tatitojja: Chuymamajj jach'a jach'a tucuñampi phokhantatawa, mä diosäcasmas uqhamwa amuyasiractajja, diosanacan konuñapana kont'asiractajja, jach'a kotampi muyuntata. Ucampisa janiw diosäctati, jakequïtawa, mä diosan yatiñapat yatiñanïcasmas uqhamwa amuyasiractajja.

Lucas 20:16

Jutaniwa ucatsti jiwarayaniwa uca yapuchirinacarojja, yapsti yakhanacaruraquiw churjjani sasa.” Ac ist'apcän ucapachasti, sapjjänwa: —¡Diosas ucjja jan munpati! —sasa.

Romanos 1:16

Janiw nayajj evangeliotjj p'enkascti, ucasti Diosan ch'amapawa take iyawsir jakenacar khespiyañataqui, nayrakata judionacaru uqhamarac jan judiöpquis ucanacarusa.

Romanos 6:2

Janiw cunäquipansa. Jiwasanacajj juchataquejj jiwatäjjtanwa; ¿cunjämaraqui wasitat juchampi jacascacsnasti?

Romanos 6:6

Yattanwa, nayra jacañasajj jupampi chica ch'accatatäjjewa uqhamat jiwasan cuna jan walitejj utjqui ucajj t'unjatäñapataqui, uqhamat jan juc'ampi juchar sirvjjañasataqui.

1 Corintios 1:23

Ucampis jiwasanacajj Cristojj ch'accatatäcän ucjjatwa parlapjjtanjja. Uca arunacasti judionacataquejj p'enkawa, jan judionacataquisti lokhe cancañaraquiwa.

1 Corintios 15:58

Uqhamasti munat jilatanaca, jumanacajj Tatitumpejj sum sayt'asipjjam, janirac sarakapjjamti. Irnakasipcaquim juc'ampi juc'ampi Tatitun luräwipanjja; jumanacajj yatipjjaractawa Tatitumpi mayaqui irnakapjjatamajj janiw inamayäquiti.

1 Corintios 2:2

Jumanacampïcasinjja janiw nayajj cunatsa yatiñ muncäyätti jan ucasti Jesucriston crusan jiwatapatac yatiñ munäyätjja.

1 Corintios 3:21

Ucatpï jan qhitis jach'a jach'a tucuñapäquitejja mä jaker arcatapatjja, take cunas jumanacancasquiwa.

2 Corintios 11:12

Ucampis cuntï lurcta ucjja lurascaquïwa, uqhamata qhitinacatejj cuna c'arinacsa thakapqui, nanacjam tucuñ munasa suman uñt'ayasiñataquiraqui, ucanacar jan uqham lurañapataqui.

Gálatas 1:4

Jupasti jacañap apt'asi juchanacas laycu, aca jan wali jacañat jiwasanacaru khespiyañataqui, Dios Awquisan munañaparjama.

Gálatas 2:17

Ucampis jichhajj nanacajj Cristo tokew Diosampi catokayasiñ munapjjta, nanacpachparaquiw juchanit uñt'asipjjta, ¿acasti Cristojj jucharar tucuyistu sañti muni? ¡Janiw cunäquipansa ucajj chekäquiti!

Gálatas 2:19

Ley tokenjja nayajj jiwatjamäjjtwa; uca pachpa leyiraquiw jiwayitu, Diosatac jacañajjataqui.

Gálatas 2:20

Nayajj jiwjjtwa Cristompi chic ch'accatata, ucampis janiw nayajj jacjjtti, jan ucasti Cristow nayan jacjje. Aca janchin jactsa ucajja, Diosan Yokaparu iyawsatajj laycuquiw jacasctjja, nayar munasinwa jacañapa naya laycu apt'asiwayi.

Gálatas 3:21

¿Acasti Moisesan leyipajj Diosan arsutap contrawa sañti muni? Janiw cunäquipansa uqhamäquiti. Leyitejj jacañ churasapäna ucajja, cuntejj leyejj sisqui ucarjama phokhatap laycuw Diosajj catokestasapänjja.

Gálatas 5:24

Qhitinacatejj Cristoncjjapjje ucanacajja, janchin munañanacapjja ch'accatjjapjjewa ñankha amtañanacampi, uqhamarac munañanacapamp chica.

Filipenses 3:18

Walja cutiw jumanacarojj sapjjsma, jichhasti jacht'asisaw wasitat sasipcacsma: “Waljaninacaw jacasipqui Criston crusapa wal uñisisajja.”

Filipenses 3:3

Cheka circuncidatanacajj jiwasanacätanwa, qhitinacatejj Diosarojj Ajayun yupaychapctan ucanaca. Cristo Jesusancjjasinjja cusisiractanwa, cuntejj janchin lurasqui ucanacarojj janiraquiw iyawscjjtanti.

Colosenses 2:20

Jumanacajj Cristomp chicaw jiwjjapjjtajja, take jakenacan amtatanacapatjja jithektasjjapjjaractawa take cunanac toketsa. ¿Cunataraqui jichhasti acapacha jakenacjam jacasipctasti jaken amtatanacapar ist'asasti,