Gálatas 5:24 - Qullan Arunaca

²⁴ Qhitinacatejj Cristoncjjapjje ucanacajja, janchin munañanacapjja ch'accatjjapjjewa ñankha amtañanacampi, uqhamarac munañanacapamp chica.

Aymar Bibliia 1986

²⁴ Qhitinacatejj Cristoncjjapjje ucanacajja, janchin munañanacapjja ch'accatjjapjjewa ñankha amtañanacampi, uqhamarac munañanacapamp chica.

Qullan Arunaka DC

²⁴ Tatit Jesucristonkirinakax, janchin munañanakapar wayusir chuymap ch'akkatxapxiwa, ñanqha amtañanakampiru, munañanakapampiru.

Gálatas 5:24 Jak'a apnaqawi uñst'ayäwi

Romanos 13:14

Jan ucasti Jesucristomp isthapt'asipjjam, janiraqui lup'ipjjamti janchin munañapa lurañjja.

Romanos 6:6

Yattanwa, nayra jacañasajj jupampi chica ch'accatatäjjewa uqhamat jiwasan cuna jan walitejj utjqui ucajj t'unjatäñapataqui, uqhamat jan juc'ampi juchar sirvjjañasataqui.

Romanos 8:13

Jumanacatejj janchin munañanacaparjamaqui sarnakasipcät ucajja jiwapjjätawa, ucampis Ajayun toke jiwayapjjäta uca janchin munañanacapa ucajja, chekpachansa jacapjjätawa.

Romanos 8:9

Ucampis jumanacajj janiw janchin munañanacapar sirviñataqui jacapctati, jan ucasti Ajayun sirviñataquiw jacapjjta, Diosan Ajayupatejj jumanacjjan jacchi ucqhajja. Qhitinacatejj jan Criston Ajayupanïqui ucanacajj janiw Cristoncquiti.

1 Corintios 15:23

Ucampis sapa mayniw horasapar sartani. Cristow nayrakata jactejja nayrakata achur uñtata, ucjjarusti cunapachatejj Cristojj jutcani ucqhajj jupar iyawsirinacaraquiw jactapjjaraquini.

1 Corintios 3:23

Jumanacasti Cristoncapjjaractawa, Cristosti Diosancaraquiwa.

1 Corintios 6:13

Chekapunïsquiwa cuntï sapqui: “Mank'ajj puracataquiwa, puracasti mank'ataquiraqui” sasajja; ucampis Diosajj paypachwa tucjani. Janiw janchejj wachoka juchataquïquiti, jan ucasti Tatitutaquiwa, Tatitusti janchitaquiraqui.

2 Corintios 10:7

Jumanacajj uñnakatacwa amuyasipjjtajja. Maynitejj chuymapan Cristoncatap amuyaschi ucqhajja, amuyañaparaquiwa nanacajj jupjamaraqui Cristoncapjjatanacajja.

Gálatas 2:20

Nayajj jiwjjtwa Cristompi chic ch'accatata, ucampis janiw nayajj jacjjtti, jan ucasti Cristow nayan jacjje. Aca janchin jactsa ucajja, Diosan Yokaparu iyawsatajj laycuquiw jacasctjja, nayar munasinwa jacañapa naya laycu apt'asiwayi.

Gálatas 3:26

Jumanacajj iyawsañ token takeniw Diosan wawanacapäjjapjjta, Cristo Jesusamp mayachatäpjjatanacam laycu.

Gálatas 3:28

Jupancjjasinjja janiw utjcjjeti judiosa, griegosa, esclavosa, libresa, chachasa ni warmisa. Cristo Jesusar mayachatäjjasinsti take jumanacajj mayaquëjjapjjtawa.

Gálatas 3:29

Jumanacatejj Cristoncapjjsta ucajja, Abrahaman wawanacapäpjjaractawa, cuntejj Diosajj arsuwaycäna ucsa catokapjjaraquïtawa.

Gálatas 5:20

yakha diosanacaru yupaychañanaca, laykasiñanaca, uñisisiñanaca, quejanacan sarnakañanaca, celasiñanaca, colerasiñanaca, jupa pachpatac munañanaca, t'akaktasin yakha tamanaca tucuñanaca,

Gálatas 6:14

Ucampis nayajj janiw cunatsa jach'ar tucuñ muncti, jan ucasti jiwasan Tatit Jesucristosa crusan jiwatapatacwa jach'aru tucuñajjajj utjitu. Criston crusap tokequiwa nayataquejj acapach luräwinacajj jiwata, nayasti acapach luräwinacataquejj jiwataraquïtwa.

Efesios 3:1

Ucatpï naya Pablojj Cristo Jesús laycu preso catutätjja jumanacataqui jan judiöpctas ucanacatac asqui.

Efesios 3:11

Diosajj acjja luriwa wiñay amtäwiparjama, ucasti phokhasiwayiwa Tatit Jesucristosana.

Efesios 3:6

Uca jan amuyt'caña imantatajja acawa: Tatitun khespiyasiñ arunacap tokew jan judiöpquis ucanacajj judionacamp chica pachpa herencia catokapjjani, uqhamarac mä cuerporu tucutaquïpjjewa, Cristo Jesusar Diosajj arsuwaycäna ucsa catokapjjaraquiniwa.

Colosenses 2:11

Jumanacasti Cristompi mayaquïpjjatamatjja circuncidatäpjjtawa, ucampis janiw cuna casta circuncisionatï janchin lurasqui ucampiti, jan ucasti cuna jucha lurañanacatejj janchin utjcän ucanacat khespiyatäjjapjjtawa. Aca circuncisionasti Cristotwa juti.

1 Pedro 2:11

Munat jilatanaca, sarir jakenacarjamaw achict'apjjsma, jan janchin munañanacaparjamajj jacapjjamti, uca janchin munañanacapasti almas contraw nuwasiñ muni.