Gálatas 5:10 - Qullan Arunaca

¹⁰ Nayanjja Tatitur iyawsañajjaw utjitu jumanacjjata, janiw jumanacajj mayja amtapcätati; ucampis cawquïritejj saräwinacaman jan walt'ayapctam ucarojj Diosajj mutuyaniwa, qhitïscpansa.

Aymar Bibliia 1986

¹⁰ Nayanjja Tatitur iyawsañajjaw utjitu jumanacjjata, janiw jumanacajj mayja amtapcätati; ucampis cawquïritejj saräwinacaman jan walt'ayapctam ucarojj Diosajj mutuyaniwa, qhitïscpansa.

Qullan Arunaka DC

¹⁰ Tatitur iyawsañaxaw nayan utjitu, janiw jumanakax mayja amtapkätati; ukampis Diosax jumanakar pixtuntas sarnaqir jaqirux, khitïskpansa, mutuyaniwa.

Gálatas 5:10 Jak'a apnaqawi uñst'ayäwi

Hechos 15:24

Nanacajj yatipjjtwa yakhep jakenacan acat sarapjjatapa, jan nanacan camsata. Ucanacasti jumanacarojj mayjt'ayapjjtamwa aqham arunacapampi pächasiyasa: [‘Waquisiw jumanacan circuncidasipjjañamajja, uqhamarac Moisesan leyipa phokhapjjañamasa’ sasa.]

1 Corintios 5:5

Uca jakesti Supayaru catuyatäñapawa janchipajj t'unjatäñapataqui, uqhamat almapajj khespiyatäñapataqui Tatitojj jutcani uca urojja.

2 Corintios 1:15

Ucar iyawsasa nayajj jumanacar uñjiriw nayrakat jutañ munäyäta, jumanacan cusisipjjañamataqui pä cuti tumpt'atajjata.

2 Corintios 10:2

Uqhamajj jilatanaca, achict'apjjsmawa jumanacaru, cunapachatï jutcä ucqhajj jan colerayapjjestati jumanac taypin yakhepanac tokjja. Ucanacasti nanacatjja jan walinacwa parlapjje, munañanacajjaruquis sarnakapquirista uqhama. Ucanacampi catjasiñataquisti janc'aquiraquïtwa.

2 Corintios 10:6

Ucatsti nanacajj take qhitinacatejj jan wal sarnakqui ucanacar mutuyañataquejj janc'aquïsipctwa, jumanacatejj sum sarnakapjjät ucqhajja.

2 Corintios 13:10

Aca cartjja kellkanipjjsmawa janïra jumanacar uñjir jutcasa, cunapachatï nayajj jutcä ucqhajj jan munañanïñajj cancañampi khoru tucuñajjataqui. Uca munañanïñsti Tatituw churitu jumanacar ajayu tokena jiltayañataqui, janiw t'unjañataquiti.

2 Corintios 2:3

Ucatwa uqham kellkanipjjsma cunjämtï lurcta uqhama. Janiraquiw nayajj jumanacan llaquisiyatäñataqui sarañ muncäyätti. Ucat sipan jumanacajj nayarojj cusisiyapjjañamawa. Yatiraquiyätwa nayan cusisiñajjat jumanacajj cusisipjjañanacamjja.

2 Corintios 2:6

Cuna mutuyäwtï uca jakeru jumanacajj tantachasïwiman churapcta ucajj phokhataquiwa.

2 Corintios 5:16

Ucataracwa nanacajj jan qhititsa cunjämäquitejj aca orakenjja uqhamar lup'cjjapjjti. Nayrajj aca oraken Cristor janchin uñt'apcchïyät ucasa, janiw jichhajj lup'cjjapjjti cunjämäcäntejj jupajj uqhama.

2 Corintios 7:16

Nayasti jumanacar wali confiatajjatjja walpun cusista.

2 Corintios 8:22

Jupanacamp chicsti yakha jilatamp cuna qhitanisipcaractjja. Uca jilatasti walja cutiw nanacarojj k'apha chuymapjja uñacht'ayapjjetu, jichhasti jupajj wali c'uchiquiw juti jumanacat sumanac yatisina.

Gálatas 1:7

Ucampis janiw chekpachanjja yakha casta khespiyasiñ arojj utjquiti, jan ucasti utjiwa yakhanaca jumanacar pantjayiri. Jupanacajj Criston khespiyasiñ arunacapwa maysar k'ewiñ munapjje.

Gálatas 2:4

Ucampisa mayni c'ari jilatanacaw nanac taypiru mantanitayna, Jesucristo toke khespiyatäpctsa uc uñakeri, uqhamat wasitampi leyin luräwinacaparu jaysapjjañanacajjataqui.

Gálatas 2:6

Ucampis janiw cuna jan uñt'at machak yatichäwsa churapquituti mä jilïrinacjamajja, ucampis cunäsipcpansa, cunsay lurasipcpan, Diosajj janiw ankäjj uñjasinacti taripquejja.

Gálatas 3:1

¡Cunja pisi chuymanïpjjtasa, jumanacajj Galacianquirinaca! ¿Qhitis jumanacarojj c'arintapjjtam chekpach Tatitun arunacaparu jan jaysapjjañamataquejja? Nanacajj yatichapcsma ucqhajja uñacht'ayapjjsmawa pachpa Jesucristo ch'accatataru.

Gálatas 4:11

Llaquistwa inas jumanac taypin luratajjajj inamayaquïchi.

Gálatas 4:17

Uca jakenacajja jumanacat wali amtapjjejja, ucampis jan wali amtäwinïpjjewa. Jupanacajj nanacat t'akactañanacamwa munapjje, uqhamat jupanacar arcapjjañamataqui.

Gálatas 4:20

¡Añchaquiti jichpacha jumanacamp chica jicjjatasirista ucqhajja, mayjäspawa parlt'äwisajja, janiw cuns jumanacjjat amuyt'irjamäcti!

Gálatas 5:12

Ucampis cawquïrinacatejj jumanacar mayjt'ayasa sarnakasipqui: “Circuncisión lurayasipjjañamaw” sasa ucanacajja, ¡añchaquit mä pit qharekasipjjaspa jupanacpacha!

Gálatas 5:7

Jumanacajj walic sarasipcäyätajja: ¿Qhitis asqui luräwiru jaysañjja jaytanucuyapjjtamjja?

Gálatas 6:17

Acat kheparojj janiw qhitis nayar jan walt'ayañapjja muncti, walja chhojjrinacaraquiw janchejjan utji, ucanacaw Tatit Jesusar sirvirïtajj uñacht'ayi.

Filipenses 3:15

Take qhitinacatejj iyawsañan wali jilatäctan ucanacajj uqhamwa amuyañasa. Mä cuntejj jumanacajj amuyapctas mayjata, Diosajj jumanacarojj ucjja uñjayapjjaraquïtamwa.

2 Tesalonicenses 3:4

Tatituruw iyawsapjjta, jumanacarojj cuntejj ewjjt'apjjsma ucwa lurasipcta, jichhas lurasipcaquïtawa.

1 Timoteo 1:20

Himeneompi Alejandrompejj uqhamaraquiw lurapjje, ucanacarusti nayajj Supayaruw catuyta arunacapampi Diosar jan juc'amp jisc'achapjjañapataqui.

Filemón 1:21

Kellkansmawa, juman jaysasir, chuymanïtam yatisa, uqhamarac cuntejj maycsma ucatjja juc'ampi lurañamjja yatiractwa.