Gálatas 3:27 - Qullan Arunaca

²⁷ Take jumanacajj Cristompi mayachasiñataqui bautisasipjjta ucanacajja, jupampejj mä isimpi isthapitäpcasmas uqhamäpjjtawa.

Aymar Bibliia 1986

²⁷ Take jumanacajj Cristompi mayachasiñataqui bautisasipjjta ucanacajja, jupampejj mä isimpi isthapitäpcasmas uqhamäpjjtawa.

Qullan Arunaka DC

²⁷ Bautismo katuqasinxa, Cristompi mayachatarakiw uñjasipxtaxa, Cristompix mä isimpi isthapitäpkasmas ukhamäpxtawa.

Gálatas 3:27 Jak'a apnaqawi uñst'ayäwi

Job 29:14

Cheka cancañampi jan lunthatasiñampisti nayan pachpa jacañajjänwa; ucanacasti nayataquejj mä isjamänwa.

Isaías 61:10

“¡Tatituncjjasinjja cunjsa cusistjja! Diosajjancatajjatsti cusisiñan phokt'atätwa nayar khespiyatap laycu, atipjañsa churatap laycuraqui. Cunjämatejj mä casarasir waynajj coronap uchasejj uqhamätwa, jan ucajj cunjämatejj mä casarasir tawakojj c'achacht'asejj uqhamätwa.

Lucas 15:22

Awquipasti uywatanacaparojj sänwa: ‘Janc'aqui suma isi apsunipjjam, ucat isthapiyapjjam; amparaparusti sortija uchapjjam, cayunacaparusti zapatomp uchantapjjam.

Hechos 16:15

Jupasti bautisasïnwa, familiapamp cuna. Ucjjarusti nanacarojj achict'apjjaraquituwa: —Jumanacatejj nayan Tatitur chekpach iyawsatajj amuyapjjstajja, jutapjjam ucatsti utajjan korpachasipjjam —sasa. Nanacarusti munquir jan munquir kheparayapjjetu.

Hechos 2:38

Ucjjarusti Pedrojj jupanacarojj sänwa: —Sapa mayni jumanacajja cutiquipstapjjam, uqhamarac bautisasipjjam Jesucriston sutiparu, juchanacamata perdonatäpjjañamataqui. Ucatwa Diosajj Kollan Ajayu churapjjätam.

Hechos 8:16

Kollan Ajayusti janïraw jupanacjjar jutcataynati. Ucatsipana jupanacajj Tatit Jesusan sutipar bautisataquïpjjänwa.

Hechos 9:18

Ucspacharaquiw Saulon nayranacapatjja chawlla q'ilinacjama willirtjjäna. Ucatwa jupajj wasitat uñj-jjäna. Sartasinsti, bautisatäjjaraquïnwa.

Romanos 13:14

Jan ucasti Jesucristomp isthapt'asipjjam, janiraqui lup'ipjjamti janchin munañapa lurañjja.

Romanos 3:22

Diosajj cunjämattejj jiwasanacarojj asqui jaket catokquistaspan ucajja Jesucristor iyawsatas laycuquiwa, janiraquiw yakha yakhäñajj utjquiti;

1 Corintios 10:2

Mä toket amuyañ sipanjja, uqhamatpï jupanacajj Moisesampi bautisatäpjjänjja kenaya toke uca kota tokeraqui.

1 Corintios 12:13

Take jiwasanacasti, judiosa, griegosa, esclavosa, libresa, Kollan Ajayun bautisasjjasinjja mä sapa cuerpoquiw tucjjtan; takenisa uca pachpa Ajayutaracwa catoktanjja.

Efesios 4:24

ucatsti Diosan munañaparjama luratäqui uca machak jacäwimpi isthapisipjjam, suma k'oma cheka cancañan jacapjjaraquim.

Colosenses 3:10

Jichhasti machakat isthapitäpjjtawa, uca machakar tucuñasti sapürunjamaraquiw juc'amp machakar tucus sarasqui Diosan munañaparjama, uca Diosaraquiw uca machakar tucuñjja luri, jupar sum uñt'añascama.

1 Pedro 3:21

Uca umasti bautismo umaruw uñtasejja, uca tokeraquiw jichhajj khespitätanjja. Uca bautismosti janiw janchi k'omachañataqui asquïquiti, jan ucasti Diosat mä k'oma chuyma mayiñanquiwa; Jesucriston jactäwip tokeraquiw khespitätanjja,