Gálatas 1:19 - Qullan Arunaca

¹⁹ Tatitun Jacobo jilaparuquiw uñjaractjja, ucat juc'amp apostolonacarojj janiw uñjcti.

Aymar Bibliia 1986

¹⁹ Tatitun Jacobo jilaparuquiw uñjaractjja, ucat juc'amp apostolonacarojj janiw uñjcti.

Qullan Arunaka DC

¹⁹ Jesucristo Tatitusan Santiago jilaparukiw uñjarakta, ukat uksarusti janiw yaqha apostolur uñjkti.

Gálatas 1:19 Jak'a apnaqawi uñst'ayäwi

Mateo 10:3

Felipe, Bartolomé, Tomás, Mateo impuesto cobriri; Jacobo Alfeon yokapa; Tadeo, yakha sutipasti Lebeo sataraqui;

Mateo 12:46

Jakenacar parlasquipanwa, taycapampi jilanacapampejj purinïna. Jupanacasti ankawjatwa suyt'apjjäna, jupampi parlt'añwa munapjjaraquïna.

Mateo 13:55

Jupajj carpinteron yokapächejjaya, Mariaraquiw taycapasa, uqhamarac Jacob, José, Simón, Judas ucanacan jilaparaquiwa.

Marcos 3:18

Ucjjarusti Andrés, Felipe, Bartolomé, Mateo, Tomás, Jacobo Alfeon yokapa, Tadeo, Cananista partidonquir Simón.

Marcos 6:3

Acajj Marian carpintero yokapaquïchejjaya. Jilanacapasti Jacobo, José, Judas, Simón. Cullacanacapasti jiwasanacamp chicaraquiw jacasipcaraqui —sasa. Ucatwa jupanacajj Jesusar jan yäkapcänti.

Lucas 6:15

Mateo, Tomás, Alfeon yokapa Jacobo, Simón, jupasti cananista partidonquirïnwa.

Lucas 8:20

Ucatsti mayniw Jesusar yatiyäna: —Taycamampi, jilanacamampiw qhä ankäjjancasipqui, jupanacasti jumampi jiquisiñ munapjje —sasa.

Hechos 1:13

Marcar purisinjja, maqhatapjjänwa cawqui altos utantejj korpachatäpcän ucaru. Ucanacasti acanacawa: Pedro, Jacobo, Juan, Andrés, Felipe, Tomás, Bartolomé, Mateo, Alfeon Jacobo yokapa, Simón (Cananista sat partidonquiri), uqhamarac Jacobon Judas jilapa, yakhanacampi cuna.

Hechos 12:17

Ucampis jupajj amparap aytasaw amuct'ayäna. Ucatsti jupanacarojj yatiyänwa cunjämtejj Tatitojj jupar carcelat irpsuncatayna uca. Saraquïnwa: —Acanacjja Jacobor yatiyanipjjam maynïr jilatanacampiru —sasa. Uc sawayasinjja jupajj mistuwayjjänwa, yakha tokeruw sarawayjjaraquïna.

1 Corintios 9:5

uqhamaraqui mä Tatitur iyawsiri warmi nayamp chica irpañataquis mayni apostolonacjama, cunjämtï Tatitun pachpa jilanacapasa, Pedros lurqui uqhama.

Santiago 1:1

Naya Santiago, Diosan uqhamarac Jesucriston sirviripätwa, aruntaractwa Israelan tunca payani tribunacaparu, qhitinacatejj aca orakpachana ch'eketatatäpqui ucanacaru.

Judas 1:1

Naya Judas, Jesucriston sirviripa, Jacobon jilaparaquiw aca carta kellkta qhitinacarutï Dios Awquejj jawsqui, uqhamarac yakhachqui jupancapjjañapataqui ucanacaru. Ucanacasti imatäpjjewa Jesucristompi mayachatätap laycu.