Filipenses 1:1 - Qullan Arunaca

¹ Naya Pablompi, Timoteompi Jesucriston sirvirinacapaw aca carta Filipos marcanquir jilatanacar kellkanipjjsma, uqhamarac obisponacarusa, diacononacarusa. Jumanacasti Diosatac ajllitäpjjtawa, Jesucristompisti mayaquïpjjaractawa.

Aymar Bibliia 1986

¹ Naya Pablompi, Timoteompi Jesucriston sirvirinacapaw aca carta Filipos marcanquir jilatanacar kellkanipjjsma, uqhamarac obisponacarusa, diacononacarusa. Jumanacasti Diosatac ajllitäpjjtawa, Jesucristompisti mayaquïpjjaractawa.

Qullan Arunaka DC

¹ Filipos markankir munat jilatanaka, kullakanaka: Naya Pablompi, Timoteompi, Jesucriston luqtirinakapaw jumanakar aruntanipxsma, jumanakaw Jesucristompi mayakïpxatamat Diosan qullan markapäpxtaxa. Qullan marka irpirinakarusa, diacononakarus aruntanipxaraktwa.

Filipenses 1:1 Jak'a apnaqawi uñst'ayäwi

Marcos 13:34

Ucajj aqhamar uñtatawa: Cunapachatejj mä jakejj jayar sarañ amtejja, janïr sarcasaw uywatanacaparojj ewjjt'i, uqhamarac sapa maynirus lurañanacapa jaytawayaraqui. Ut uñjirirusti sum uñjañapataquiw jaytaraqui.

Juan 12:26

Maynitejj sirviñ munchitu ucajja arquitpan, cawquinccätejj nayajj ucancaraquiniw sirvirejjajja. Qhititejj sirvquitani ucarojj Awquejjajj jach'añchaniwa —sasa.

Hechos 1:20

Salmo libronjja aqham kellkataraquiwa: ‘Utjäwipajja ch'usar tucpan. Janirac qhitis uca utan jacpati.’ Saraquiwa: ‘Ucatsti yakharac lurañapjja lurpan’ sasa.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

Hechos 9:13

Uqham ist'asinsti, Ananiasajj sänwa: —Tatay, nayajj uca jaketjja walja jakenac toket ist'ta, kawkha jan walinactejj juman arquirinacamarojj Jerusalenan lurqui ucanacjjata.

Romanos 1:1

Naya Pablojj Jesucriston sirviripätwa. Apostolöñajjataquejj Diosaw jawsitu, yakhacharaquitu jupan khespiyasiñ arunacap jakenacar yatiyañajjataqui.

Romanos 1:7

Jichhajja take jumanacaruw kellkanipjjsma Roma marcan jaquirinacaru, qhitinacarutejj Diosajj wal munapctamjja, uqhamarac jupatac yakhachatäñataqui jawsatäpjjtawa. Uqhamajj jumanacajj catokapjjamay Dios Awquisana Jesucristo Tatitusampina bendicionapa, uqhamarac sumancañapa.

1 Corintios 16:10

Timoteo purinin ucqhajj janiw cunatsa llaquisiyapjjätati; c'uchiqui sarnakasiyapjjäta, jupasti nayjamaraquiw Tatitun luräwipanjja irnake.

2 Corintios 1:1

Naya Pablojj Diosan munañapatwa Jesucriston apostolopätjja. Aca cartjja Timoteo jilatampi chicaw kellkanta Corinto marcancapctas uca Diosan iglesiapanquir jilatanacaru, uqhamaraqui Acaya tokenquir take Diosan wawanacaparusa.

Gálatas 1:10

Cunapachatejj ac siscta ucqhajja, ¿nayajj jakempit waliquiw sayasiñ muntjja, jan ucajj Diosampich waliquiw sayasiñ muntjja? Jan ucajj ¿jakeruch cusisiyañ muntjja? Nayatejj jaker cusisiyañ munasquirista ucajja, janiw Criston sirviripäquiristti.

Gálatas 3:26

Jumanacajj iyawsañ token takeniw Diosan wawanacapäjjapjjta, Cristo Jesusamp mayachatäpjjatanacam laycu.

Gálatas 3:28

Jupancjjasinjja janiw utjcjjeti judiosa, griegosa, esclavosa, libresa, chachasa ni warmisa. Cristo Jesusar mayachatäjjasinsti take jumanacajj mayaquëjjapjjtawa.

Efesios 1:1

Naya Pablo, Diosan munañapatwa Jesucriston apostolopätjja. Aca cartjja kellkanipjjsmawa Efeso marcan Diosanquirinacaru, Cristo Jesusar iyawsapcta ucanacaru.

Efesios 1:15

Tatit Jesusaru iyawsañamajj utjatap ist'asina, uqhamarac Diosanquirinacataqui munasiñanacamajj utjatapa ist'asinjja,

Efesios 6:24

Diosajj bendispan qhitinacatejj Tatit Jesucristosaru jan pächasisa munapqui ucanacarusa.

Filipenses 2:19

Tatitun munañapächi ucqhajja, suyasctwa jumanacar uñjiri janc'aqui Timoteor qhitaniña, ucat jumanacat yatisina cusisiñajjataqui.

Filipenses 2:5

Cunjäm amuyunïcäntejj Cristojj uca pachpa amuyunïpjjaraquim.

Filipenses 3:12

Janiw: “Take acanacjja jicjjatjjtwa” siscti, ni ucampejj: “Wali k'omätwa” sañs muncaractti, jan ucasti nayrakataruw sarantascta Cristo Jesusar jicjjatañcama. Jupajj niyaw nayarojj jicjjatjjetu.

Filipenses 3:3

Cheka circuncidatanacajj jiwasanacätanwa, qhitinacatejj Diosarojj Ajayun yupaychapctan ucanaca. Cristo Jesusancjjasinjja cusisiractanwa, cuntejj janchin lurasqui ucanacarojj janiraquiw iyawscjjtanti.

Filipenses 3:8

Ucat juc'ampis, take cunatejj nayan utjquitu ucanacsti chhakatäcaspas uqhamwa amuyta, Cristo Tatitojjar uñt'añajj mä jach'a asquïtap laycu. Cristo laycuw take cunsa apanucta. Take cunsa mä jan cunatac sirvir t'unäcaspas uqhamwa uñjta Cristor jicjjatañ laycu.

1 Tesalonicenses 1:1

Naya Pablo, Silvanompi uqhamarac Timoteompiw Tesalónica marcan iglesianquir jilatanacaru aca carta apayanipjjsma, cawquïr jilatanacatejj Dios Awquiru, uqhamarac Tatit Jesucristor mayachatäpqui ucanacaru. Dios Awquisajja jumanacarojj bendispan, uqhamarac sumancañapas jumanacampïpan.

1 Tesalonicenses 2:2

Nayrajj Filipos marcanjj jisc'achatäpjjchïyätsa, uqhamarac chhojjriñchjatäpjjchïyätsa, jumanacajj ucjj yatjjapjjtawa, Diosaw nanacaru yanapapjjetu jupan khespiyasiñ arunacap take iyawsañampi jumanacar yatiyañataqui, jach'a t'akhesïw taypina.

2 Tesalonicenses 1:1

Naya Pablow, Silvanompi, Timoteompi Tesalónica marcan iglesianquir jilatanacaru aca carta apayanipjjsma cawquïri jilatanacatejj Dios Awquiru, Tatit Jesucristoru mayachatäpqui ucanacaru.

2 Tesalonicenses 1:10

cunapachatejj Tatitojj qhä urunjja jutcani jupanquirinacampi jach'añchayasirejja, uqhamarac take iyawsirinacapampi jach'añchayasirejja; take aca arunac churapcsma ucarojj iyawsapjjtawa.

1 Timoteo 1:2

Aca cartjja jumaruw apayansma Timoteo, jumajj iyawsäwinjja chekpach wawajjätawa. Dios Awquisajj uqhamarac Tatit Jesucristosajj jumarojj bendispan, qhuyapayasiñapjja uqhamarac samarañapsa jumarojj churaracpan.

1 Timoteo 3:8

Uca pachparaquiw diacononacajj suman uñjat chachanacäpjjañapa; arsutaparojj phokhañaparaquiwa, janiraquiw machjasiñapäquiti, janiraquiw lunthatatampi jicjjatat kollksa munañapäcaraquiti.

Tito 1:1

Naya Pablojj Diosan sirviripätwa, Jesucriston apostoloparaqui, jupan qhitataraqui qhitinactejj Diosajj ajllisqui ucanacar iyawsañar apaniñajjataqui, uqhamarac Diosan cheka yatichäwinacapsa uñt'apjjañapataqui,

Tito 1:7

Qhititejj obispot uchatäqui ucajj Diosan yänacap uñjirit uchatawa, ucatwa waquisi chekap jacañapajja. Janiw jalta chuymäñapäquiti, jan wali chuymanïñapäquisa, machirïñapäquisa, ch'ajjwañ munirïñapäquisa, janiraquiw lunthatasiñampi jicjjatat kollksa munañapäquiti.

Filemón 1:1

Naya Pablow Cristo Jesús laycu preso catuntatäsina, Timoteo jilatamp cuna aca carta kellkanipjjsma, nanacamp chic irnakeri munat Filemón,

Hebreos 13:23

Yatipjjaraquim Timoteo jilasajj niya carcelat mistjjewa. Janc'aquitejj purinini ucajj nayamp chicwa irpanï jumanacar uñjiri.

Santiago 1:1

Naya Santiago, Diosan uqhamarac Jesucriston sirviripätwa, aruntaractwa Israelan tunca payani tribunacaparu, qhitinacatejj aca orakpachana ch'eketatatäpqui ucanacaru.

1 Pedro 2:25

Jumanacajj jan awatirin ovejanacar uñtatäsipcäyätawa, ucampis jichhajj Tatituruw cuttanjjapjjtajja. Jupasti mä awatirir uñtataraquiw jumanacarojj imapjjtamjja, almanacamatsa llaquiraquiwa.

2 Pedro 1:1

Naya Simón Pedrojja, Jesucriston sirviripätwa apostoloparaquïtwa. Aca cartsti, qhitinacatejj nanacjamaraqui mä suma iyawsañ jicjjatapctas ucanacaruw kellkanipjjsma, Khespiyiri Jesucristo Tatitusajj chekätap laycu.

Judas 1:1

Naya Judas, Jesucriston sirviripa, Jacobon jilaparaquiw aca carta kellkta qhitinacarutï Dios Awquejj jawsqui, uqhamarac yakhachqui jupancapjjañapataqui ucanacaru. Ucanacasti imatäpjjewa Jesucristompi mayachatätap laycu.

Apocalipsis 1:1

Acajja cuntejj Diosajj Jesucristor uñacht'aycäna ucawa, uqhamat jupajj sirvirinacaparu yatiyañapataqui, cunatejj janc'aqui lurascani ucjjata. Jesucristojj aca uñacht'äwjja mä angelap tokwa Juan sirviriparu yatiyi.

Apocalipsis 1:20

Cupi amparajjan pakallko warawaranac uñjctas, uqhamarac pakallko kori candelabronac uñjctas ucanacajj aqham sañwa muni: pakallko warawaranacajj uca pakallko iglesianacan angelanacapawa; pakallko candelabronacasti pakallko iglesianacaraquiwa” sasa.

Apocalipsis 19:10

Nayasti angelan cayunacaparuw quillt'asta yupaychañataqui, ucampis jupajj saraquituwa: “Jan ucjj luramti. Nayajj jumjama, uqhamarac qhitinacatejj Jesucriston khanañchataparu take chuymampi arcapqui, ucanacjam sirviriquiraquïtwa. Ucampis Diosar yupaycham” sasa. Uca Jesucriston khanañchatapasti Diosat parlirinacaruw amuyt'ayi.

Apocalipsis 2:12

“Pérgamo iglesianquir angelaparojj kellkasinjja apayaraquim: ‘Aqham siw qhititejj purapar arini espada ayt'atäqui ucajja:

Apocalipsis 2:8

“Esmirnanquir iglesian angelaparojj kellkasin apayaraquiquim: ‘Aqham siw qhititejj kalltäqui, tucuyäcaraqui ucajja, qhititejj jiwcäna jichhasti jacascaraqui ucajja:

Apocalipsis 22:9

Ucampis jupajj situwa: “Jan ucjj luramti. Nayajj jumjam Diosar sirviriquiraquïtwa, cunjämatï jumas mayni jilatanacamas, Diosan arunacap parlirinacas, uqhamarac aca libron kellkatäquis uc phokherinacjam sirviriquiraquïtwa. Ucampis Diosar yupaycham” sasa.