Éxodo 8:27 - Qullan Arunaca

²⁷ Nanacasti wasararuwa quimsür sararu sarapjjäjja, ucanwa nanacan Tatitu Diosajjarojj sacrificio loktanipjjäjja, cunjämtejj jupajj nanacar sapquitu uqhamarjama.

Aymar Bibliia 1986

²⁷ Nanacasti wasararuwa quimsür sararu sarapjjäjja, ucanwa nanacan Tatitu Diosajjarojj sacrificio loktanipjjäjja, cunjämtejj jupajj nanacar sapquitu uqhamarjama.

Qullan Arunaka DC

²⁷ 27 (23) Nanakax wasarar sarapxañaxawa, kimsür sararu, ukan nanakan Tatit Diosaxarux wilañcha luqtanipxä, kunjämtix jupax nanakar sapkitu ukhamarjama.

Éxodo 8:27 Jak'a apnaqawi uñst'ayäwi

Éxodo 10:26

Uqhamarac nanacan uywanacajjsa anaquisjjapjjäwa, janiwa mä uywsa jaytawayapcäti, ucanacat ajllisinwa nanacajj Tatiturojj loktapjjäjja. Ucampis qhayaru puriñcamajja cunanacjjay munapjjchï Tatituru yupaychañataquejja, uc janiw yatisipcti —sasa.

Éxodo 3:12

Ucampis Diosajj saraquïnwa: —Saram, nayawa jumampiscäjja, acäniwa mä unanchajja naya pachpa jumaru qhithatajjata; marcajjaru Egiptota apsunisasti jutapjjätawa aca kolluru, ucanwa jumanacajj nayaru yupaychapjjetäta —sasa.

Éxodo 3:18

Israelitanacan jilïrinacapasti arunacam ist'asinjja jaysapjjätamwa. Ucatsti jumajja jupanacampiw saräta Egiptonquir reyin ucaru, sätawa: ‘Hebreonacan Tatitu Diosapawa nanacar jicjjatapjjetu. Jichhasti antutjjapjjita wasararu sarjjañanacajjataqui quimsür sararu, ucana nanacan Tatitu Diosajjaru sacrificionac loktapjjañanacajjataqui.’

Éxodo 34:11

“Jumasti phokham cuntejj nayajj jichhüru siscsma uqhamarjama. Nayasti jumanacan nayrakatamatjja alisnucüwa amorreonacaru, cananeonacaru, heteonacaru, ferezeonacaru, heveonacaru, uqhamarac jebuseonacarusa.

Éxodo 5:1

Moisesampi, Aaronampejj Faraonan ucar mantasinjja sapjjänwa: —Israelan Tatitu Diosapajja aqham siwa: ‘Marcajjaru antutam wasararu sarjjapjjañapataqui, ucanwa nayaru cusisita yupaychapjjetani’ —sasa.

Éxodo 5:3

Jupanacasti parlasipcaquïnwa: —Hebreonacan Diosapawa nanacaru jicjjatapjjetu, uca laycusti nanacajj sarjjapjjäwa wasaranjama quimsür sararu, ucanwa nanacan Tatitu Diosajjarojja sacrificionac loktanipjjäjja. Jupasti capasaquiw nanacarojj mutuyapjjetaspa usumpi, jan ucajj espadampi jiwarayasina.

Levítico 10:1

Nadab, uqhamarac Abiú ucanacasti Aaronan yokanacapänwa, jupanacasti mä nina wayuña catusinjja, ucaruw ninampi uscupjjaraquïna, uqhamarac inciensompi, ucat jupanacajj Tatitu nayrakatanwa cuna nintejj Tatitojj jan loktapjjamti siscäna uca nina loktapjjäna.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”