Éxodo 40:38 - Qullan Arunaca

³⁸ Israelitanacana take saräwinacapansti, uqhamarac jupanacansa uñjcatawa Tatitun kenayapajja urojja Tatitumpi Jiquisiñ Carpa patjjancäna, arumasti mä ninaraquiw uca carpa patjjancaraquïnjja.

Aymar Bibliia 1986

³⁸ Israelitanacana take saräwinacapansti, uqhamarac jupanacansa uñjcatawa Tatitun kenayapajja urojja Tatitumpi Jiquisiñ Carpa patjjancäna, arumasti mä ninaraquiw uca carpa patjjancaraquïnjja.

Qullan Arunaka DC

³⁸ Israelitanakan taqi saräwipansti, jupanakan uñjkataw Tatitun qinayapax uru tuqirux Tatitumpi Jikisiñ Carpa patxankäna, arum tuqirusti mä ninaw uka patxankarakïna.

Éxodo 40:38 Jak'a apnaqawi uñst'ayäwi

2 Samuel 7:6

Israelitanacaru Egipto marcat irpsuncta uca urut jichhacamajj, janipuniw nayajj templonacan utjascti, jan ucasti mä carpanacanacpunwa utjastjja.

Salmos 105:39

Diosajj mä kenayampiw jupanacarojj imjjatäna, arum ch'amacarusti ninampiw khantayarapïna.

Salmos 78:14

mä kenayaw urojj irpäna, nina khanaw arumajj irparaquïna,

Éxodo 13:21

Tatitusti jupanacan nayrakatapwa saräna, urojja mä kenayanjamaw saräna thaqui uñacht'ayañataqui, arumasti mä ninaraquiw khant'äna. Uqhamatwa jupanacajj sarapjjäna uruy aruma.

Éxodo 13:22

Uca kenayasti janiw chhaktcänti jan ucasti jupanacan nayrakatapwa saräna urojja, uqhamarac ninajja arumaraquiw jupanacampi sararaquïna.

Números 10:34

Urusti, Tatitun kenayapajj jupanac patanjamwa saräna, cunapachatejj jupanacajj thaquinjam sarjjarupcän ucqhajja.

Números 9:12

Janiw khepärmanthitaquejj cunsa uywatjja jilt'ayapjjätati, ni uywan cawquïri ch'aqhapsa p'acjapjjätati. Pascua fiestjja amtapjjätaw cawquïri yatichäwinactejj churapcsma uqhamarjama.

Números 9:15

Cunürutejj Arust'äwi Carpa lurapcän ucqhajj, kenayawa ucarojj muyuntäna. Jayp'untjjepansti, Arust'äwi Carpa patjjanjja, mä ninaraquiw uñstjjäna, ucatsti khepa uru khantatcamaw uca patancäna.

Números 9:16

Uqhamapuniw lurasirïna. Kenayaw urunacajj carparojj muyuntäna, arumasti ninaraqui.