Éxodo 40:18 - Qullan Arunaca

¹⁸ Moisesajj uca carpa sayt'ayañwa kalltäna nayrakatajj uchänwa poste tacnokañanaca, ucjjarusti tablanacaraqui ucharaquïna, uqhamarac ayjjata lawanacampi, ucjjarojj poste lawanacaraqui sayarayaraquïna.

Aymar Bibliia 1986

¹⁸ Moisesajj uca carpa sayt'ayañwa kalltäna nayrakatajj uchänwa poste tacnokañanaca, ucjjarusti tablanacaraqui ucharaquïna, uqhamarac ayjjata lawanacampi, ucjjarojj poste lawanacaraqui sayarayaraquïna.

Qullan Arunaka DC

¹⁸ Moisesax qullan chiqawja sayt'ayäna, nayraqatax sayir lawanakan takxäsirinakap uchäna, ukxarusti tablanaka, patxar ayxatañ lawanak uchäna, lawanak sayarayäna,

Éxodo 40:18 Jak'a apnaqawi uñst'ayäwi

2 Samuel 7:6

Israelitanacaru Egipto marcat irpsuncta uca urut jichhacamajj, janipuniw nayajj templonacan utjascti, jan ucasti mä carpanacanacpunwa utjastjja.

Éxodo 40:17

Uqhamasti Egiptota mistunjjatatsti, payïr mara kalltasirojj nayrïr uru, kallta phajjsinjja Tatitumpi Jiquisiñ Carpajj tucuyatäjjänwa.

Éxodo 40:19

Ucatjja carparojj yapjjataraquïnwa Tatitumpi jiquisiñataquïqui, uca patjjarusti janjjatañanacampiw utachjjataraquïna cunjämtejj Tatitojj siscäna uqhamarjama.

Éxodo 40:2

“Nayrïri phajjsi kallta urunjja sayt'ayätawa nayampi Jiquisiñ Carpa, Diosampi Jiquisiña Chekansa.

Isaías 33:24

Janiw qhitis siscaspati: “Usutätwa” sasajja. Diosasti Sionan jaquir jakenacan juchanacapjja perdonaraquiniwa.

Levítico 26:11

“Nayaw jumanac taypin jacaraquëjja, janiraquiw jumanacarojj apanucupcämati,

Mateo 16:18

Nayasti saracsmawa, jumajj Pedrötawa, nayasti aca kaljjaruw iglesiajj sayt'ayasï, ucarusti janiraquiw jiwañan munañapas atipcaniti.

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Gálatas 4:4

Ucampis cunapachatejj tiempojj phokhasiwayjjejja, Diosajj Yokapwa qhitani mä warmi toke yurisa, mä judío jakjamaw leyir phokhasa jacaraquïna.

1 Timoteo 3:15

inampis jan janc'a jutquirista, jumajj yatiñamawa Diosan familiapjama cunjäma sarnakañamasa Diosan cheka arunacap catjjäsqui arjjatcaraqui uca iglesiana.

1 Pedro 1:5

Jumanacarusti Diosajj jupar iyawsapjjatam laycojja, jach'a ch'amapampiw take cunatsa imasipcaractam, cuna khespiyasiñatejj jumanacataqui waquichatäqui uca catokapjjañamcama. Uca khespiyasiñsti khepa urunacaw jumanacajj catokasjjapjjäta.

Apocalipsis 21:3

Ucatsti mä jach'a aru ist'aracta alajjpachat art'asiniri: “¡Acajjay, Diosajj jichhajj jakenac taypinwa jaqui! Jupanacampiw jacani, jupanacasti marcapäniwa. Dios quipcaraquiw jupanacampïni, jupanacan Diosaparaquïniwa.