Éxodo 39:32 - Qullan Arunaca

³² Tatitumpi Jiquisiñ Carpa lurañasti tucuyatäjjänwa. Israelitanacasti take cunanacsa suma phokhata lurapjjäna cunjämtejj Tatitojj Moisesar siscäna uqhamarjama.

Aymar Bibliia 1986

³² Tatitumpi Jiquisiñ Carpa lurañasti tucuyatäjjänwa. Israelitanacasti take cunanacsa suma phokhata lurapjjäna cunjämtejj Tatitojj Moisesar siscäna uqhamarjama.

Qullan Arunaka DC

³² Tatitumpi Jikisiñ Carpa lurañax tukuyatäxänwa. Kunjämtix Tatitux Moisesar siskatayna ukhamarjamaw israelitanakax suma phuqhat taqi kunanaksa lurapxäna.

Éxodo 39:32 Jak'a apnaqawi uñst'ayäwi

1 Reyes 6:38

ucatsti templojj take phokhatpachajja tucuyasïnwa, cunjämatï amtatäcäna uqhamaru, tunca mayani mara jupajj reyëjjäna ucqha, Bul sat phajjsina, ucasti marpachana quimsakallköri phajjsïnwa, cunjämatï take amtatäcäna uqhamaru. Ucsti Salomonajj pakallk maranwa luräna.

1 Reyes 7:40

Hiram chachasti ucjjarojj luraraquïnwa phuqhunaca, palanaca, tazonanaca, ucatsti uqhamawa take lurañanacapa Salomonataqui tucuyäna Tatitun templopana.

1 Crónicas 28:19

“Take acanacaw kellkatäna Tatitojj Davidaru uñstasina arut aru kellkaycäna ucajja, ucansti take lurañanacaw suma khanañchatäna, cunanacatejj planorjama lurasiñapäcäna ucanacajja.”

Éxodo 12:28

Ucatsti sarasinjja cuntejj Tatitojj Moisesampiru, Aaronampiru siscäna uqhamarjamaw lurapjjäna.

Éxodo 25:40

Jichhasti suma amuyumpi luram cunjämtejj kollunjja uñacht'aycsma uca quipcaqui.

Éxodo 31:7

Tatitumpi Jiquisiñ Carpa tantachasiñataqui, sumar mantäwi arca, uca arcan tapapa, Carpan take yänacapa,

Éxodo 39:31

Ucjjarusti mä morado cordonwa uchapjjäna uca placa catuyañataqui, turbante amsta tokeru. Cunjämtejj Tatitojj Moisesar siscäna uqhamarjama.

Éxodo 39:33

Jupanacasti tucuyasinjja Moisesaruw catuyjjapjjäna Tatitumpi Jiquisiñ Carpjja take yänacapampi, ganchonaca, tablanaca, ayjjata morok'o lawanaca, postenaca, tacnokañanacamppacha,

Éxodo 40:1

Tatitusti aqham sasaw Moisesarojj parläna:

Éxodo 40:3

Uca mankherusti uchätawa arca, ucatsti velompiraquiw jist'akaraquïta.

Éxodo 40:32

Jupanacasti uqhamjja jarisipjjänwa Tatitumpi Jiquisiñ Carparu mantañataqui, uqhamarac altararu jac'achasiñataqui; cunjämtejj Tatitojj sisqui uqhamarjama.

Números 3:31

Aca jach'a familianacaraquiw imapjjäna Tatitun Arust'äwi Arcapa, mesapa, candeleropa, altaranacapa, uqhamarac take cunanacatejj yupaychañatac sirvqui ucanacsa, velonacapsa, take yänacapsa.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Deuteronomio 12:32

“Take ewjjanaca churapcsma uqhamarjam sarnakapjjam, jan cunsa jiljjatayapjjamti ni menoswakayapjjamsa.

Hebreos 3:2

Jesucristojj phokhapuniw Diosataquejja, juparaquiw aca sirviñataquejj utt'ayata, cunjämatejj Moisesajj Diosan utapan sirviñanjj phokcaraquïnjja uqhama.

Hebreos 8:5

Aca sacerdotenacasti cunatejj alajjpach yänacan ch'iwipäqui ucanac tokequiw jupanacajj sirvipjje. Yattanwa ucanacajj mä copiaquiwa. Cunapachatejj Moisesajj santuario lurañapäcän ucqhajja, Diosajj sänwa: “Wal amuyam cuntejj kollunjj uñacht'aycsma ucar uñtatwa take cuns luräta” sasa.

1 Samuel 15:22

Ucat Samuelojj saraquïna: “Tatitutaquejj arsutanacapar phokhañaw juc'ampi sumajja, sacrificionaca, uqhamarac holocaustonaca loktañat sipansa; arsutap phokhañaw, uqhamarac jupar ist'añawa sumajja, ovej liq'inaca sacrificiot loktañat sipansa.