Éxodo 38:21 - Qullan Arunaca

²¹ Moisesana aruparusti, uqhamarac sacerdote Aaronan Itamar sat yokapan lurayatasti, levitanacajj suma jacthapita apapjjäna cuna casta metalanactejj uca suma arust'äwiru mantatäqui uca carpa lurañataquejj apnakapcäna ucanacjja.

Aymar Bibliia 1986

²¹ Moisesana aruparusti, uqhamarac sacerdote Aaronan Itamar sat yokapan lurayatasti, levitanacajj suma jacthapita apapjjäna cuna casta metalanactejj uca suma arust'äwiru mantatäqui uca carpa lurañataquejj apnakapcäna ucanacjja.

Qullan Arunaka DC

²¹ Moisesan arsutaparjamasti, levitanakax sum jakthapipxäna, kuna metalanaktix Tatitump Jikisiñ Carpa lurañatak uchapkatayna ukanaka, uka lurañansti Aarón sacerdoten Itamar yuqapaw p'iqichäna.

Éxodo 38:21 Jak'a apnaqawi uñst'ayäwi

1 Crónicas 6:3

Amram chachan wawanacapasti acanacänwa: Aarón, Moisés, María ucanacaraqui. Aarón chachan wawanacapasti acanacänwa: Nadab, Abiú, Eleazar, Itamar ucanacaraqui.

2 Crónicas 24:6

Ucatjja reyejj Joiada sumo sacerdoteruwa jawsayanïna, ucatjja sänwa: “¿Cunatsa jan luraycta levitanacan apanipjjañapäqui Judá ucata, uqhamarac Jerusalenatsa cuntï Tatitun Moisés serviripasa, Israel jakenacasa arsupcäna apthapiña arust'äwi carpataquïqui ucjja?” sasa.

Job 11:4

Jumasti saractawa: ‘Nayan yatichäwinacajjajj chekapawa, nayasti asquiraquïtwa’ sasa.

Job 22:23

Jumatejj alt'at chuymani tucjjasma, ucatsti take ch'amani Diosaru cuttjjaraquisma, utamatsa take uca ñankhanacjja apanucjjaraquisma,

Job 26:1

Ucjjarusti Job chachaw arsuraqui: “¡Jumajj wali sumsa jan ch'amanirojj yanapt'irïtätajjä, pisi ch'amanirusa khespiyaraquirïtätasä!

Salmos 15:1

Tatay, ¿qhitirac kollan utaman jacaspasti? ¿Qhitirac kollan kolluman utjasispasti?

Éxodo 25:16

Uca arcarojj ucharaquïtawa cawquïr amtäwinactejj lurctan uca leyinaca.

Éxodo 26:33

Uqhamasti uca veljja ganchonacampiw warct'äta, ucatsti uca velo khepäjjarojja uchätawa suma arust'äwiru mantatäqui uca arca. Ucampis uca velowa jumanacataquejj jaljtäni kollanäquis ucata, kollanansa kollanapäquis ucampitjja.

Éxodo 38:20

Uqhamaraqui uca Tatitumpi Jiquisiñ Carpan ch'acurunacapasa, uqhamarac patio muytpach catur ch'acurunacas bronceta luratcamaquïnwa.

Éxodo 38:22

Ucampis Uri satan yokapa, Hur sata chachan Bezaleel allchhipasti Judá sat tributänwa jupasti luränwa cunanactejj Tatitojj Moisesar lurayañapatac siscäna ucanaca.

Éxodo 40:3

Uca mankherusti uchätawa arca, ucatsti velompiraquiw jist'akaraquïta.

Éxodo 6:23

Aaronasti, Aminadab sat chachan Elisabet phuchapampiw casarasïna. Aca Aaronan warmipan jilapasti Naasón sataraquïnwa. Aaronan wawanacapasti: Nadab, Abiú, Eleazar, Itamar satanacänwa.

Números 1:50

Levitanacarojj uchapjjätaw Tatitun Arust'äwi kollan chekan sirviñapataqui, uqhamarac yänacapa, take cunanacatejj uca kollan chekan utjqui take ucanacjjaru. Jupanacaraquiw arust'äwi Kollana Carpa, uqhamarac take cunanacapsa apapjjani. Uqhamarac take cunanacatejj sirviñataqui utjqui ucanacsa. Uqhamaraquiw jupanacajj kollan chekan nayräjjaparus puripjjaraquini.

Números 1:53

Ucampisa levitanacajj Arust'äwi Carpan thiyaparuw puripjjani, ucatsti uca uñjapjjaraquini, jan Tatitojj israelitanaca contra colerasiñapataqui.”

Números 10:11

Pä mara, payïri phajjsina pä tunca urunaca sarakatarusti, kenayajj sartawayjjänwa Arust'äwi Carpa patjjatjja.

Números 18:2

Ucampis Leví tribun maynïri jilanacamajj yanapt'añapaw jumarojja, uqhamarac wawanacamarusa, Tatitumpi Jiquisiñ Carpan luräwinacapampejja.

Números 24:5

¡Jacob, cunja sumas carpanacamajja! ¡Israel, cunja sumas campamentomasa!

Números 9:15

Cunürutejj Arust'äwi Carpa lurapcän ucqhajj, kenayawa ucarojj muyuntäna. Jayp'untjjepansti, Arust'äwi Carpa patjjanjja, mä ninaraquiw uñstjjäna, ucatsti khepa uru khantatcamaw uca patancäna.

Mateo 17:4

Pedrosti Jesusarojj saraquïnwa: “Tata, wali sumaw jiwasan acancapjjatasajja. Munsta ucajja quimsa ch'ujllanac acawjaru lurapjjä: mayajj jumataqui, mayasti Moisesataqui, mayïristi Eliasataqui.”

Hechos 7:44

“Awquinacasanjja utjänwa wasaranjja arust'äwi carpa, ucasti luratänwa cunjämtejj Diosajj Moisés toke arscäna uqhamaru, saraquïnwa cunapachatejj lurapcäta ucqhasti cunjämtejj uñjcta uqhamäñapawa.

2 Corintios 5:1

Jiwasanacajj acapachan tucusir utjamätanwa, apnakañ carpjama ucajj janiw wiñayataquïquiti; ucampis yattanwa take acanacatejj tucusjjanejja, Diosajj waquicharapistuwa alajjpachana wiñay uta, ucasti janiw jakenacan amparapamp luratäquiti.

Hebreos 8:2

Ucat jupajj sacerdoten luräwinacap luri chekpach kollan utana, ucasti Tatitun luratawa, janiw jakenacan luratäquiti.

Hebreos 9:11

Ucampis Cristojj jutjjewa, jichhajj jupaw jilïri sacerdotejja take suma luräwinaca utjqui ucatjja. Cawqhantejj jupajj sacerdotet sirvqui uca santuariojja juc'amp sumawa, juc'amp phokhataraquiwa, janiraquiw jakenacan luratäquisa ni acapachanquirïcaraquisa.

2 Pedro 1:13

Nayataquisti amuyatajjatjja, waquisipuniwa jaccasinjja jumanacar amtt'ayañajja aca ewjja arunacampi.

Apocalipsis 11:19

Ucatsti alajjpachanjja Tatitun templopaw jist'artäna, Diosan arust'äwi luratanacapäquis uca arcas uñstaraquïnwa. Ucatsti llijullijunaca, khejjokhejjonacaraquiw utjäna, wali ojjoñanaca, orak qhathatis utjaraquïnwa, chhijchhis wal puriraquïna.

Apocalipsis 15:5

Ucatsti alajjpachanjj uñtaractwa templo jist'artiri, cawqhantï Diosan leyinacapajj mä tablanacanjama imatäqui uca santuariompi.

Apocalipsis 21:3

Ucatsti mä jach'a aru ist'aracta alajjpachat art'asiniri: “¡Acajjay, Diosajj jichhajj jakenac taypinwa jaqui! Jupanacampiw jacani, jupanacasti marcapäniwa. Dios quipcaraquiw jupanacampïni, jupanacan Diosaparaquïniwa.