Éxodo 35:21 - Qullan Arunaca

²¹ Ucampis take qhitinacatejj chuymanacapan amthapisisajj take chuymanacapampi Tatitutac ofrendanaca apt'ata cutt'anipjjäna, Tatitumpi Jiquisiñ Carpajj lurasiñapataqui, take yänacampi, uqhamarac sacerdoten kollan isinacapsa.

Aymar Bibliia 1986

²¹ Ucampis take qhitinacatejj chuymanacapan amthapisisajj take chuymanacapampi Tatitutac ofrendanaca apt'ata cutt'anipjjäna, Tatitumpi Jiquisiñ Carpajj lurasiñapataqui, take yänacampi, uqhamarac sacerdoten kollan isinacapsa.

Qullan Arunaka DC

²¹ Uka qhipatsti, khitinakatix chuymanakapan amthapisis Tatitutak churañ munapkän ukanakaxa, taqi chuymaw churäwinak apt'at kutt'anipxäna, Tatitump Jikisiñ Carpa lurañatak wakiski ukanakataki, sacerdoten qullan isinakapatak wakiski ukanakataki.

Éxodo 35:21 Jak'a apnaqawi uñst'ayäwi

2 Samuel 7:27

Jumätaw take ch'amani Tatitojj, nayar yatiyista wawanacajjan apnakañap toketjja; ucatwa nayajj, juman sirvirimäctsa ucasa, aca mayïwi mayt'assma.

1 Crónicas 28:2

Ucatsti Davidajj sayt'asisinjja sänwa: “Ist'apjjeta, jilatanacajja, uqhamarac marcajja: Nayajj amtayätwa mä uta lurayaña, cawqhantejj Tatitun arust'äwi arcapajj wiñayataqui ucan uchatäcaspa, uqhamarac jiwasan Diosasajj tronopa ucarusa uchasiraquispa ucaraqui. Ucatsti nayajj wact'ayasiyätwa lurayañataquejja.

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

1 Crónicas 29:14

Nayasa, marcajjasa, ¿qhitïpjjaractsti walja yänaca jumar churañataquisti? Chekpachansa takew jumatjja juti, nanacasti churapjjsmawa cuntï jumat catokapcsma ucaqui.

1 Crónicas 29:3

Templotaqui take cuna waquichta ucanacat sipansa, Diosajjan templopataqui munasiñajjajj utjatap laycojja, Diosan templopataquejja nayan korejja, kollkejja churaracta:

1 Crónicas 29:8

Uqhamaraquiw qhitinacatejj suma muncaña kalanacanïpjjäna ucanacasa churapjjaraquïnwa templona imañ utaparu, take ucanacasti catuyatänwa Gersón chachat saraker Jehiel chacharu.

1 Crónicas 29:9

Jakenacasti uqham walja churapjjatapatjja walwa cusisipjjäna, jupanacajj take chuymawa Tatitur churapjjäna uca laycu. David reyisa wali cusisitaraquïnwa.

Esdras 2:68

Familianacata yakhep jilïrinacasti Jerusalenan Tatitun templopar purisinjja, ofrendanacwa churapjjäna Diosan templopajj wasitat lurayatäñapataqui.

Esdras 7:27

Ucatsti Esdras chachajj oracionwa luräna: “Bendicitäpan awquinacasan Tatit Diosapajja, reyiru ch'amañchatapata Jerusalenana Tatitun temploparu jach'añchatapata,

Salmos 110:3

Marcamajj atipt'añam urunjja, jumaruw catuyasjjätam. Kollan kollunac patjjanjja, willjta sullar uñtataw wayna cancañamajj sapür machakaptani.”

Éxodo 25:2

“Israelitanacarojja nayataqui ofrenda apthapipjjañapataqui yatiyam. Jumanacasti, apthapipjjätawa qhitinacatejj take chuymampi churañ munqui ucanacata.

Éxodo 35:20

Take israelitanacajj Moisesan ucatjja sarawayjjapjjänwa.

Éxodo 35:22

Ucatsti take chachanaca, warminacaw chuymapatjama apanipjjäna t'irt'asiñ ganchonaca, sortijanaca, argollanaca, uqhamarac korit lurat brazaletenaca, yakha korit lurat yänacampi. Sapa mayniw korit lurat yänaca apanipjjäna cuntejj Tatitur catuyapcäna ucanaca.

Éxodo 35:26

Uqhamarac cawquïr warminacatejj cunsa lurañ yatipcäna, uqhamarac chuymanacapan cunsa lurañ munapcäna ucanacajja cabritona t'awranacapataracwa kapupjjaraquïna.

Éxodo 35:29

Take israelit chachanaca, uqhamarac warminacaw chuymanacapan amthapisipjjäna cuntejj Tatitojj luram siscäna uca lurañan yanapt'añjja, ucatsti take chuymaw ofrenda Tatitutac apanipjjäna.

Éxodo 35:5

Jumanacajj Tatitutaquejj mä ofrenda apthapipjjam. Take qhitinacatejj Tatituru chuymapat ofrenda churañ munapqui ucanacajja take chuymaw churapjjañapa kori, kollke, bronce ucanac apanisa.

Éxodo 36:2

Moisesasti jawsänwa Bezaleel, Aholiab, uqhamarac take suma amuyumpi cunanacsa lurir chachanacaru; Tatitusti jupanacaruw churäna yatiña, jupanacajj chuymapatjamwa jutapjjäna uca lurañanacaru yanapirejja.

Proverbios 4:23

Take cuna imatäqui ucat sipansa chuymam imam, jacañamasti uca chuymamatwa juti.

Jeremías 30:21

Jupanac taypitaracwa mayni jilïrejj mistuni, jupanacar apnakeriraquiw maynejj jupanac taypit mistuni. Nayaruw jac'achasiyaniraquëjja; ucampisa, ¿qhitis nayaru jac'achasiniñ munaspajja? Jupanacajj marcajjäniwa, nayasti Diosaparaquïyäwa. Naya Tatituw ucjja arsta.”

Mateo 12:34

¡Catari casta jan wali jakenaca! ¿Cunjämsa jumanacajj sum parlapjjasmajj niyaquitejj jumanacajj jan walïpcsta ucajja? Jumanacajj arsupjjtawa cunatï chuymanacaman phokhantatäsqui ucanaca.

2 Corintios 8:12

Cunapachatejj maynejj churañ muni ucqhajja Diosajj catokewa utjiriparjama. Jupajj janiw mayquiti maynin jan utjcchi ucqhajja.

2 Corintios 9:7

Sapa mayniw, cunjämtï chuymapanjja amtqui uqhamarjam churañapa; janiw pä chuyma churañapäquiti, janiraquiw maynin jariyataquis churañapäcaraquiti, Diosasti cusisit chuymampi chuririruw munaraqui.

Jueces 5:12

“¡Sartasim, Débora, sartasimaya; sartasim mä k'ochu k'ochuñataqui! ¡Jumasti, Barac, Abinoam chachan yokapa, sartasim preso catuntatanacama apasjjañataqui!

Jueces 5:3

¡Juma reyinacajja, ist'apjjeta! ¡Juma jilïr apnakerinacasa, ist'apjjaraquita! ¡Nayajj, Diosaruw k'ochöjja! ¡Nayajj, Israelan Diosaparuw k'ochöjja!

Jueces 5:9

“¡Nayajj take chuymajjwa churta, Israelan jach'a jilïrinacapatjja, uqhamarac marcajjancqui uca jakenacatsa, jupanacasti nuwasiñatac jawsatajj mäquiw ist'asipjje! ¡Diosaru takeni yupaychapjjam!