Éxodo 34:29 - Qullan Arunaca

²⁹ Ucatsti Moisesajj Sinaí kollutjja sarakanjjänwa Diosan tunca camachi arunacap kellkcäna uca pä tablanacas amparanacaparu apt'asita. Ucampis kolluta sarakancasinjja jupajj janiw amuyascänti ajanupajja wali c'ajatapa Tatitumpi parlaniwayasinjja uca.

Aymar Bibliia 1986

²⁹ Ucatsti Moisesajj Sinaí kollutjja sarakanjjänwa Diosan tunca camachi arunacap kellkcäna uca pä tablanacas amparanacaparu apt'asita. Ucampis kolluta sarakancasinjja jupajj janiw amuyascänti ajanupajja wali c'ajatapa Tatitumpi parlaniwayasinjja uca.

Qullan Arunaka DC

²⁹ Uka qhipatsti Moisesax Sinaí qullut saraqanxäna kamachi arunaka qillqat pä tablanak apt'asita; ukampis saraqankasax janiw jupax amuyaskänti ajanupan wali k'ajaskatapa, Tatitump parlanitap layku.

Éxodo 34:29 Jak'a apnaqawi uñst'ayäwi

Éxodo 16:15

Ucampis israelitanacajj jan cunätapsa yatisinjja maynit maynicamaw jisct'asipjjäna “¿Acajj cunasa?” sasa, ucatsti Moisesajj sänwa: —Acasti t'ant'awa, Tatituw uc churapjjtam mank'apjjañamataqui.

Éxodo 31:18

Tatitojj Sinaí sat kolluna Moisesampi parlañ tuct'ayasinsti pä kalat lurata tablanacwa churäna, uca tablansti Diosan ampar luc'anapampi kellkat tunca camachi arunacapaw kellkatänjja.

Éxodo 32:15

Ucatsti Moisesajj kollutjja sarakanjjänwa, Diosan camachinacapajj kellkatäqui uca pä tablanacas amparanacapar apt'asita. Uca tablanacasti puraparu kellkatänwa.

Éxodo 34:35

Ucampis israelitanacajj wastat Moisesan ajanupa wali c'ajir uñjapjjatapatsti Moisesajj wastatampiw ajanupjja velompi imt'asjjäna wastat Tatitumpi parliri mantañapcama.

Eclesiastés 8:1

¿Qhitis yatiñanimpi chicachasispajja? ¿Qhitis take jacañjjata khanañchaspajja? Yatiñ cancañajj jaken ajanupjja khantayiwa, khoru ajanupsa koñaptayaraquiwa.

Mateo 17:2

Ucanwa Jesusajj khanquir tucuwayäna jupanacan nayrakatapana. Ajanupajj intjam c'ajquirïnwa, isipasti wali jank'oraquiw tucuwayäna.

Marcos 14:40

Cuttanjjasinsti wasitat jupanacarojj iquirasquir jicjjatäna, jupanacan nayranacapajj iquimp atipjatätap laycu. Ucat jupanacajj janiw cuns arsurjamäpcänti.

Marcos 9:6

Jupanacasti wali sustjatäpjjänwa ucat Pedrojj janiw cuna arsutaps amuyascänti.

Lucas 2:49

Ucat Jesusajj jupanacar säna: —¿Cunatarac nayarusti thakapjjestasti? ¿Janit yatipcta nayajj Awquejjan utapancañajj-jja? —sasa.

Lucas 9:29

Ucatsti oración lurquipanwa Jesusan ajanupajj mayja tucuwayäna, wali jank'o lliphipquiri tucusa.

Juan 5:13

Jupasti janiw qhitin jupar kollataps yatcänti, ucan walja jakenac utjatap laycu, Jesusasti sarjjaraquitaynawa.

Hechos 12:9

Ucapachaw Pedrojj angelan khepap arcsuwayi, ucampis jupajj janiw chekätap amuyascänti, jan ucasti samcäcaspas uqhamac amuyäna.

Hechos 23:5

Pablosti saraquïnwa: —Jilatanaca, janiw nayajj yatcäyätti jupan jilïr sacerdotëtapjja. Kellkatansti saraquiwa: ‘Janiw marcaman jilïripatjja jan wali parlätati’ sasa.

Hechos 6:15

Ucapachajj autoridadanacampi take qhitinacatï ucan kont'atäsipcän ucanacampejja, Estebanan ajanuparojj uñjapjjewa mä angelan ajanupjama.

2 Corintios 3:13

Janiraquiw Moisesjam ajanunacajjsa imantasipcti, cunjämtï jupajj imantascäna mä velompi, israelit jakenacajj jan uca khanan chhaktatapjja uñjapjjañapataqui, ucajj jan wiñayataquïtap laycu.

Deuteronomio 10:5

ucatsti nayajj kolluta apanisajj; uca maderat lurat arcaruwa imaraquïyäta, cunjämatï Tatitu Diosajj sisquitäna uqhama, ucanwa jichhacama imatäscaraqui.”

Josué 2:4

Ucampis Rahab warmejj uca pani jakenacarojj utapanjj mä jan uñjcañawjaruw imantatayna, ucatsti saraquïnwa: —Chekpachaw pani chachanacajj utajjaru purinipjje, ucatjja janiraquiw nayajj yatcäyätti cawquit jutapjjatapsa;

Josué 8:14

Cunapachatejj Hai marcan reyipajj uqham pasascatapa uñjasajj, janc'aquiw jupajj takpach ejercitopampi Israel marcar jicjjatañatac saräna Jordán jawir tokeru, jan mayni israelitanacan marca khepäjjar imantasipjjatap yatisina.

Apocalipsis 1:16

Cupi amparapansti pakallko warawaranacaw utjäna, lacapatsti purapar arini mä espadaraquiw mistusincäna; ajanupasti intejj wal khant'quis uqhamänwa.

Apocalipsis 10:1

Ucatsti mä wali munañani angelaruw alajjpachat sarakasinquir uñjta mä kenayampi muyuntata, p'ekeparusti mä cürmini cuna. Ajanupajj intir uñtataw khanäna, cayunacapasti ninar uñtataraquïnwa.

Jueces 16:20

art'äna: —¡Sansón, filisteonacaw jumaru catuntiri jutapjjatayna! —sasa. Ucatsti Sansón chachajj iquïwit sartasinjja amuyasïnwa maya cutinacjama atipt'aña, ucampis janiw amuycänti Diosajja juparu apanucjjatapjja.