Éxodo 34:27 - Qullan Arunaca

²⁷ Tatitusti Moisesarojj sänwa: “Kellkam aca arunaca, aca arunacampiw sumaru manttanjja jumampi, uqhamarac israelitanacampisa.”

Aymar Bibliia 1986

²⁷ Tatitusti Moisesarojj sänwa: “Kellkam aca arunaca, aca arunacampiw sumaru manttanjja jumampi, uqhamarac israelitanacampisa.”

Qullan Arunaka DC

²⁷ Tatitusti Moisesar sänwa: “Aka arunak qillqam, uka arunakampiw nayax jumampi, israelitanakampi arust'äwi lurta” sasa.

Éxodo 34:27 Jak'a apnaqawi uñst'ayäwi

Éxodo 17:14

Ucat Tatitojj Moisesarojj saraquïnwa: —Acsti mä libroru kellkam amtatäñapataqui, ucatsti Josué chacharojj saraquim, nayasti amalecitanacarojj jan mayampitaquiw chhaktayjjäjja —sasa.

Éxodo 24:4

Ucampis Moisesajj kellkänwa cunanactejj Tatitojj siscäna ucanaca, ucat khepärmanthi alwata sartasinsti jupajj kollu cayurojj mä altarwa luräna, uqhamarac altar thiyarojj tunca payan kala uchäna; Israelanquir sapa tributjja mä kala uchasa.

Éxodo 24:7

Ucatsti suma amtäwiru mantatäqui uca libro aptasinsti, jakenacataquiw leet'arapïna, ucatsti jupanacajj sapjjänwa: —Cunanactejj Tatitojj sisqui ucanacar jaysasaw phokhañäni —sasa.

Éxodo 34:10

Tatitusti sänwa: “Jumanacasti ist'apjjam, nayasti mä suma amtäwi lurta take jakenacaman uñjcata. Uqhamarac luraraquïwa walja muspharcañanaca, uqhamasti janiwa cawqha orakensa, ni cawqha marcansa luratäquiti; jumanacasti cawqhanjjay jakenac taypina jicjjatasipjjchïta take uca jakenac taypinwa jumanacajj uñjapjjäta Tatitojj cunjjay lurchini uca. Uqhamasti cunanacjjay nayajj jumanacampi lurchï ucanacajja wali muspharcañäniwa.

Deuteronomio 31:9

Moisesasti aca leyinacjja kellkantänwa, ucatsti sacerdote levitanacaruw churäna, cawquïrinacatï utt'ayatäpcän Diosan Sumancayiri Arcap apañataqui, uqhamaraquiw churäna Israel marcan jilïri jakenacaparusa.

Deuteronomio 4:13

Tatitusti uñacht'ayapjjtamwa jupan suma arust'äwipjja, cawquïritï Tunca Camachinacana, pä kalanacar kellkata, jumanacan uca camachinacarjam sarnakapjjañamataqui.