Éxodo 33:7 - Qullan Arunaca

⁷ Moisesasti Diosampi jiquisiñ sat waquichat carpsti campamentotjja jaya chekaruw aptäna, ucsti sutichänwa Diosampi Jiquisiñ Carpa sasa. Ucampis qhititejj Tatituru cunsa jisct'asiña munqui ucajja saränwa campamentot ankäjjancqui uca Carparu.

Aymar Bibliia 1986

⁷ Moisesasti Diosampi jiquisiñ sat waquichat carpsti campamentotjja jaya chekaruw aptäna, ucsti sutichänwa Diosampi Jiquisiñ Carpa sasa. Ucampis qhititejj Tatituru cunsa jisct'asiña munqui ucajja saränwa campamentot ankäjjancqui uca Carparu.

Qullan Arunaka DC

⁷ Moisesasti campamentot jaya chiqaruw mä carpa uchäna, ukarusti Diosampi Jikisiñ Carpa sasaw sutichäna. Tatitur jiskt'asiñ munirinakaxa, Carparuw sarirïna, ukasti campamento anqäxankänwa.

Éxodo 33:7 Jak'a apnaqawi uñst'ayäwi

2 Samuel 21:1

Davidan urunacapansti mä jach'a mach'aw quimsa mara utjaraquïna. Ucatwa Davidajj Tatituru jisct'asïna, Tatitusti juparojj saraquïnwa: “Aca mach'ajj Saúl reyin juchanacap laycu, uqhamaraqui familiapan juchanacap laycuraquiw utji, jupanacan gabaonita jakenacar jiwarayapjjatap laycu” sasa.

Salmos 10:1

Tatay, ¿cunatarac nayat jayanctasti? ¿Cunatarac t'akhesiñajjan nayat imantastasti?

Salmos 27:8

Chuymajjajj situwa: “Tatitun ajanup thakam.” Nayasti, Tatay, ajanum thakta.

Salmos 35:22

Tatay, jumaw take cun uñjtajja, janiquiy amuquïmti, janiquiy nayat jayancamti.

Éxodo 18:12

Moisesan Jetro awcch'ipajj mä uywa Diosaru sacrificio loktasin nact'ayäna, uqhamarac yakha ofrendanacampi uqhama. Aaronampi, israelanquir take jilïrinacampisti sarapjjänwa Moisesan awcch'ipampi cheka Diosan nayrakatapana mank'aniñataqui.

Éxodo 18:7

Moisesasti awcch'ipar catoker mistsunisinjja p'ekepa alt'asinwa aruntäna, jamp'att'araquïnwa. Ucatsti aruntasa catokasinsti carpaparuw mantapjjäna.

Éxodo 33:6

Ucat israelitanacajj Horeb sat kollutpachwa jaytanucjjapjjäna, janiw uchascjjapjjänti suma yänacapsa.

Éxodo 33:8

Cunapachatejj Moisesajj Diosampi Jiquisiñ Utaru sarcäna ucqhajja, take jakenacawa sartasina utanacapat mistunisajj sayt'ata Moisesar uñch'uquipjjäna Diosampi Jiquisiñ Carparu mantañapcama.

Proverbios 15:29

Tatitojj ñankha lurir jakenacatjja jithektiwa, ucampis asqui jakenacan mayisitanacapjja ist'iwa.

Isaías 59:2

Ucampisa jumanacan ñankha luratanacamasti, mä perkjamaw sayt'i jumanacampi Diosampi jaljasajja; jumanacan juchanacamaw jupan ajanupjja imantasiyi, janiraquiw ist'añsa munapctamti.

Oseas 9:12

Wawanacapajj jilarcani ucasa, nayaw wawanacapjja jan mayani apakjjä. ¡Ay aca jakenacata, cunaquïcani nayatejj jupanacat jithektjjä ucapachajja!

Deuteronomio 4:29

Ucampis jumanacatï uca chekan Tatitu Diosaru thakhapjjäta take chuymampi, take jacañampi ucqhajj jicjjatapjjätawa.

Hebreos 8:2

Ucat jupajj sacerdoten luräwinacap luri chekpach kollan utana, ucasti Tatitun luratawa, janiw jakenacan luratäquiti.