Éxodo 33:22 - Qullan Arunaca

²² Ucatsti nayajj jach'a cancañajjampi pascä ucqhajja, uca kala karka mä p'iyaruw uchäma, ucat amparajjampiw imjjatäma nayan pasañajjcama.

Aymar Bibliia 1986

²² Ucatsti nayajj jach'a cancañajjampi pascä ucqhajja, uca kala karka mä p'iyaruw uchäma, ucat amparajjampiw imjjatäma nayan pasañajjcama.

Qullan Arunaka DC

²² Qhapaq kankañaxax sarakipkani ukapachasti, nayaw qarqan utjir p'iyar uchäma, nayan sarakipañaxkamax amparaxampiw nayranakam imxatäma.

Éxodo 33:22 Jak'a apnaqawi uñst'ayäwi

1 Reyes 19:9

Purisinsti mä puturuwa mantäna, ucanaracwa uca arumajj khantatïna. Ucatsti Tatitojj juparojj sänwa: “¿Elías, cuns acan lurascta?” sasa.

Salmos 18:2

Jumaw arjjatirejjätajja, imantasiñajjätasa, jumaw khespiyirejjätasa, Diosajjätasa, nayar imantir karkajjätasa, imir jarc'akasiñajjätasa, khespiyir ch'amajjätasa, wali amstanquir imantasiñajjätasa.

Salmos 91:1

Alajjpachanquir Take atipirin imat sarnaker jakejja,

Salmos 91:4

chhekhanacapampiw imjjatätam, chhekhanacap mankhäjjan imantasïta. Amparapajj jarc'acasiñar uñtataw imätam.

Cantar de los cantares 2:3

Chachanac taypinjja, nayan munatajjajj yakha kokanac taypinquir manzano aljamawa. ¡Cunja sumas nayataquejj ch'iwipar kont'asiñajja! ¡Achupasti lacajjataquejj sinti mojjsaraquiwa!

Isaías 2:21

Jakesti uca urojj karka p'iyanacaruw mantjjapjjani, jach'a karka p'iyanacaruraqui, Tatitun ajjsarcañ nayrakatapat imantasjjañataqui, jach'a cancañapan wal khanatapata, cunapachatejj jupajj sartani ucat aca orakerusti ajjsarañampi phokhantcani uca urojja.

Isaías 32:2

Sapakata jupanacasti thayat imantasiñjama samaräwïniwa, jach'a mathapi thayatsti jupajj imaniwa, waña oraken uma irpañ k'awanacjama, wasaran mä jach'a kalan ch'iwipäniwa.

Isaías 49:2

Lajjrajjsti mä ari espadäcaspas uqhamwa tucuyaraqui, amparapampiraquiw imantasitu, mä ari flechjamwa tucuyaraquitu, flecha imasiñaparuraquiw imasjjetu.

Isaías 51:16

nayaw alajjpach uscta, aca oraksa sum sayt'ayaractjja. Nayaraquiw lacamarus arunacajj uchtjja, amparajjampiraquiw arjjatsma. Nayaw Sión marcarojj ‘Jumajj marcajjätawa’ ” saractjja.

1 Corintios 10:4

takeniraquiw pachpa ajay uma umapjjäna. Jupanacasti karkat jalsuri umat umapjjänjja, uca karkaw jupanacampi chicäscäna. Uca karkasti Cristo Tatitünwa.

2 Corintios 5:19

Diosajj acapachampejj Cristo tokwa sumancthapiscäna, jakenacan juchanacapat jan amtasisa. Jiwasarusti uca sumancthapiñ arunacwa jaytawayaraquistu mayninacar churañasataqui.

Deuteronomio 33:12

Benjamín triburojj saraquïnwa: “Tatitu Diosan munatasti iyawsañampiw jacani; alajjpachanquir Diosaw wiñayatac imani. ¡Jupan imataw jacaraquini!” sasa.