Éxodo 31:16 - Qullan Arunaca

¹⁶ Uqhamasti israelitanacajja samarañ uru imañjja janiw armasipjjañapäquiti, jan ucasti mä suma amtäwjamwa wiñayan wiñayapa imapjjañapajja.

Aymar Bibliia 1986

¹⁶ Uqhamasti israelitanacajja samarañ uru imañjja janiw armasipjjañapäquiti, jan ucasti mä suma amtäwjamwa wiñayan wiñayapa imapjjañapajja.

Qullan Arunaka DC

¹⁶ Ukhamasti israelitanakax sábado uru imañ janiw armasipxañapäkiti, jan ukasti mä suma arust'äwjama wiñayan wiñayapa imapxañapa.

Éxodo 31:16 Jak'a apnaqawi uñst'ayäwi

Génesis 17:11

Jumanacasti chhojjorasiñanacaman lip'ichi janchinacapwa qharirasipjjäta, ucawa mä chimpüni cuna arust'äwirutejj jumanacampi nayampi mantapctan ucatjja.

Génesis 9:13

Nayajj kenaya taypin cürmi uscta, ucasti mä unanchäwina cuna amtäwtejj aca orakempi lurcta ucatjja.

Nehemías 13:15

Qhaya urunacanjja Judá orakenjja uñjtwa yakhepanacajj samarañ urunjja uvanac taquiri vino lurañataqui, uqhamarac trigo pichunaca apnakeri asnonacatsa qhumunakeriraqui uvanaca, higonaca, uqhamarac take casta carganaca, uqhamarac samarañ urunaraqui Jerusalenar apapjjäna. Ucatsti nayajj tokenoktwa uca urun aljañanac aljasipjjatapata.

Éxodo 31:15

Jumanacasti sojjta uruwa irnakapjjañamajja, ucampis pakallko urojja samaraña uruwa Tatitur loktat uru. Uca laycusti qhititejj uca uruna cunsa lurani ucajja jiwayatäñapawa.’

Éxodo 31:17

Ucasti mä unanchawa nayampi israelitanacampitjja.” Tatitusti sojjta urunwa alajjpachsa, uqhamarac aca oraksa luräna, ucampis pakallko urunsti lurañanaca jaytasawa samaräna.

Isaías 58:13

“Samarañ urjja jan apanucumti, nayan kollana urojjansti jani aljasiñanacaman sarnakamti, uca urusti jumataquejj cusisiñ uruwa, Tatitun kollana urupawa, jach'achatäñaparaquiwa; uca urjja jach'acham, janiraqui jumataquiqui aljasiñanacan sarnakamti.

Jeremías 50:5

Sión thaqui toketwa jisct'asipjjaraquini, ucatsti ucsaruw aqham sasa sarapjjaraquini: ‘Tatitun ucaru sarjjañäni, jupampisti mä wiñayataqui arust'äwi luraraquiñäni, jan mayampitaqui armasquiri’ sasa.