Éxodo 31:15 - Qullan Arunaca

¹⁵ Jumanacasti sojjta uruwa irnakapjjañamajja, ucampis pakallko urojja samaraña uruwa Tatitur loktat uru. Uca laycusti qhititejj uca uruna cunsa lurani ucajja jiwayatäñapawa.’

Aymar Bibliia 1986

¹⁵ Jumanacasti sojjta uruwa irnakapjjañamajja, ucampis pakallko urojja samaraña uruwa Tatitur loktat uru. Uca laycusti qhititejj uca uruna cunsa lurani ucajja jiwayatäñapawa.’

Qullan Arunaka DC

¹⁵ Suxta uruw irnaqasini, ukampis paqallqüri urux Tatitur luqtat samarañ uruwa. Khititix uka urun kunsa lurkani ukaxa, jiwayatäniwa.’

Éxodo 31:15 Jak'a apnaqawi uñst'ayäwi

Génesis 2:2

Pakallkör urusti Diosajj take luräwinacapwa tucuyäna, ucatsti samaränwa.

Éxodo 16:23

Ucat Moisesajj saraquïnwa: —Uqham lurapjjañapataquejja Tatituw arsu. Kharürusti samarañ uruwa, Tatitur loktat uru. Uca laycusti cuntejj kharürojj phayasipjjañamäqui ucjja jichhüru phayasipjjam, uqhamarac wallakeyapjjam cunatejj wallakeyapjjañamäqui ucsa; ucampis cunatejj jilt'cani ucjja kharürutaqui imasipjjam —sasa.

Éxodo 16:26

Jumanacasti sojjta uruwa mank'añjja apthapisipjjäta, ucampis pakallko urunsti janiw cunas utjcjjaniti, samarañ uruwa uca laycu.

Éxodo 23:12

“Sojjta urunwa take cuna lurañanacamsa luräta, ucampis pakallko urunjja samarätawa, uqhamata vacamasa, asnomasa samarañapataquiraqui, uqhamarac sirvirimasa, jaya marcanquirisa samarasa ch'ama catjjatañapataqui.

Éxodo 31:14

Samarañ urusti jumanacataquejj wali kollanawa, uca laycuwa jumanacajj imapjjañamajja. Ucampis qhititejj uca uru jan imcani ucajja jiwañapawa, uqhamarac qhiti jaketejj uca uru cunsa lurani ucajja jumanac taypinjja jiwayatäñapawa.

Éxodo 31:16

Uqhamasti israelitanacajja samarañ uru imañjja janiw armasipjjañapäquiti, jan ucasti mä suma amtäwjamwa wiñayan wiñayapa imapjjañapajja.

Éxodo 31:17

Ucasti mä unanchawa nayampi israelitanacampitjja.” Tatitusti sojjta urunwa alajjpachsa, uqhamarac aca oraksa luräna, ucampis pakallko urunsti lurañanaca jaytasawa samaräna.

Éxodo 34:21

“Sojjta uruw irnakapjjäta, ucampis pakallko urunjja samarapjjätawa, yapuchañ horasasa, jan ucajj cosechanac apthapiña horasanacasa.

Éxodo 35:2

Sojjta uru irnakasaw cunanacsa lurañasa, ucampis pakallko urusti jumanacataquejj kollanäniwa, samarasa Tatitur jach'añchañ ururaqui. Ucampis qhititejj uca urojj cunsa lurcani ucajja jiwayatäñapawa.

Éxodo 35:3

Uqhamarac cawqhantejj jumanacajj jacapcta ucanjja samarañ urojj janipuniw cuna ninsa nactayapjjaraquïtati” sasa.

Ezequiel 46:1

Aqham siw Tatitojja: “Mankhanquiri uta ankäjja, inti jalsu tokenquiri puncusti sojjta irnakaña urunacanjja jist'atapunïniwa, uca puncusti samaraña urumpi, wawa phajjsejj uñstancani uca urunacaquiw jist'arasini.

Levítico 16:29

“Aca leyinacasti jumanacataquejj wiñayataquïniwa: tunca uru sarakataru pakallköri phajjsina jumanacajj ayunapjjäta, take luräwinacamwa suyt'apjjäta, take israelita jakenaca uqhamarac jaya marcat jutasina jumanaca taypina jaquiri jakenacasa.

Levítico 23:3

“Sojjta uruw irnakañamjja lurasïta, ucampisa pakallko uru puripansti uca urojj janipuniw cuna luräwsa lurätati; uca urojj samaraña urüniwa, uca urusti suma kollana tantachasïwi lurasaw tantacht'asipjjaraquïta. Cawqhansa jacascam, uca urojj Tatitun urupapunïniwa, Tatituta amtasiraquïta.

Levítico 23:32

Jumanacataquisti uca urojj samaraña urüniwa, uqhamarac ayunaña ururaquïniwa, uca ursti kalltapjjaraquïtawa uca phajjsina llätunca uru sarakataru. Jayp'u chekatwa kalltapjjäta, ucatsti khepüruwa tucuyjjapjjaraquïta, pachpa jayp'u chekaruraqui.”

Lucas 13:14

Ucampis sinagogan jilïripajj colerasïnwa Jesusan samarañ urun c'umaraptayatapata, ucat jakenacar saraqui: —Sojjtüruw lurañataquejj utji; uca urunacanwa kollayasirejj jutapjjañamajja, janiw samarañ urunjja —sasa.

Lucas 23:56

Utar cuttanjjasinsti suma k'apquir kollanac waquiyapjjäna. Samarañ urusti samarapjjänwa camachi arunacarjama.

Deuteronomio 5:12

‘Amtasïtawa samarañ urutjja, Tatitu Diosaru uca urun yupaychañamataqui, cunjämatï Diosamajj ewjjawayctam uqhama.

Hebreos 4:9

Uqhamajj, mä asqui samarañaw Diosan marcapataquejj utjasqui.