Éxodo 30:4 - Qullan Arunaca

⁴ Ucjjarusti ucharaquïtawa argollanaca sapa thiyanaca mankheru, purap thiya esquinarusti pä argollanaca, uqhamarac maysa purap thiya esquinarojja pä argollaraqui ucanjama lawanaca pasayañataqui, ucatsti uca lawanacampi callañataqui.

Aymar Bibliia 1986

⁴ Ucjjarusti ucharaquïtawa argollanaca sapa thiyanaca mankheru, purap thiya esquinarusti pä argollanaca, uqhamarac maysa purap thiya esquinarojja pä argollaraqui ucanjama lawanaca pasayañataqui, ucatsti uca lawanacampi callañataqui.

Qullan Arunaka DC

⁴ Ukxarusti quri argollanak thiyanak manqhir uchäta, purap thiyarux pä argolla, maysa purap thiya esquinarusti pä argollaraki, ukanjam muruq'u lawanak ayantasin uka altar kallañataki.

Éxodo 30:4 Jak'a apnaqawi uñst'ayäwi

Éxodo 25:12

Ucjjarusti pusi argollanacwa korita luraraquïta, ucatsti uchätawa arcan puspach cayuparu, paysti maysa ladoru, paysti maysaruraqui uqhama.

Éxodo 25:14

Uca lawanacjja arca cayunacana uchatäqui uca argollanacaruw sut'untayäta, ucampi arca callañataqui.

Éxodo 25:27

Ucampis aca argollanacajj mesa thiya mankhancañapawa, uqhamata mä lawampi ayantasina uca mesa callañataqui.

Éxodo 26:29

Ucjjarusti tablanacarojj korimpiw patatjja lip'suyäta, uqhamarac argollanacsa koritaracwa luraraquïta uca cheka korimpi patat uchat morok'o lawanacarojj pasañapataqui.

Éxodo 27:4

Ucjjarusti mä rejilla bronceta luraraquïta, ucarusti pusi broncet lurat argollanacaracwa, rejillan pusi esquinaparu ucharaquïta.

Éxodo 27:7

Ucatsti uca morok'o lawanacsti argollanaca taypi pasayapjjäta, uqhamata ucampi altara callañataqui.

Éxodo 30:3

Uca altar amsta patarusa, puspach thiyanacarusa, wajjranacarusa korimpiwa lip'suyaraquïta, uqhamarac thiyanacatsa korimpiraquiw ucharaquïtajja.

Éxodo 30:5

Uca altar callañataquisti acacia sat lawanacataraqui waquicharaquim jach'anaca, ucatsti korimpiraquiw patat lip'suyäta.