Éxodo 30:15 - Qullan Arunaca

¹⁵ Cunapachatejj sapa mayni jakejj Tatituru jacañapat churapcani ucqhajja, janiw mä kamiri jakejja pheska gramo kollketjja jila churañapäquiti, ni mä pobre jakesa ucat menosjja churañapäcaraquiti.

Aymar Bibliia 1986

¹⁵ Cunapachatejj sapa mayni jakejj Tatituru jacañapat churapcani ucqhajja, janiw mä kamiri jakejja pheska gramo kollketjja jila churañapäquiti, ni mä pobre jakesa ucat menosjja churañapäcaraquiti.

Qullan Arunaka DC

¹⁵ Jakañapat Tatitur churasaxa, janiw qamir jaqix phisqa gramo qullqit juk'ampi churañapäkiti, jan utjirin jaqis janirakiw ukat juk'ak churañapäkiti.

Éxodo 30:15 Jak'a apnaqawi uñst'ayäwi

2 Samuel 21:3

Davidasti jupanacarojj jisct'araquïnwa: —¿Cunsa jumanac laycojj lurirista? ¿Cunjämatsa asquicharaquiristjja cuna jach'a ñankhatï jumanacaru luratäcän ucjja, uqhamat Tatitun marcaparu bendicipjjañamataquejja? —sasa.

Job 34:19

Jupajj janiw marca apnakerinacata arjjatasquiti, janiraquiw kamirinacarusa juc'ampi pobrenacat sipansa munasquiti, jupajjaya take jakerusa uscusiracchejja.

Éxodo 30:12

“Cunapachatejj israelitanacar jact'cäta ucqhajja, jupanacasti sapa mayni jakew Tatiturojj cunatejj jacañapat churañäqui uca churapjjañapa, jani cuna casta jiwayir ususa utjañapataqui cunapachatejj jact'cäta ucqhajja.

Éxodo 30:14

Qhitinacatejj pä tunca maranit amstaru jact'atäpcani ucanacajja takeniw Tatiturojj cunatejj jacañapat churañäqui uca churapjjañapajja.

Éxodo 30:16

Jumasti israelitanacatjja sapa mayni jakejj jacañapat kollkenaca apanipcani uca apthapisasti, Tatitumpi Jiquisiñ Carpan culto lurañataquiw churäta. Uqhamata Tatitojj israelitanacata amtasiñapataqui, jupanacajj sapa mayni churjjapjjatanacapa jacañanacapata.”

Éxodo 38:26

Pä tunca maranit amstaru take jaqhuta jakenacasti sojjta pataca quimsan waranca pheska pataca pheska tuncanïnwa, take jupanacasti sapa mayniw churapjjäna pheska chicatan gramo kollke, take uca carpa lurañatac tupojj churatäqui uqhamarjama.

Proverbios 22:2

Kamiri jakesa, pobre jakesa pachpa jakequiwa; panpachaniruw Tatitojj ucharaqui.

Ezequiel 45:16

“Takeniw aca marcanjja uca ofrendanac churapjjam satäpjje, ucasti Israel marcan apnakeriparu churatäñapawa,

Levítico 17:11

Take jaquirinacasti cuna wilatejj jupanjja utjqui ucampiwa jacaraqui. Nayaw jumanacarojj altarajjan wila churapjjsma, uqhamat jumanacajj uca wila toke cutsuyatäpjjañamataqui, uca wilapï phokjjejja jumanacan jacañanïpjjañamataquejja.

Números 31:50

Acajjay nanacajj apanipjjtwa cawquïri kori yänactejj sapa maynisa jicjjatanipcta ucanacjja: brazaletenaca, pulseranaca, sortijanaca, aretenaca, yakha c'achachasiñanac cuna Tatituru mä ofrendjama loktañataqui, uqhamat khespiyasiñataqui” sasa.

Efesios 6:9

Uqhamarac uywirinaca, jumanacajj uca pachparaqui sum uñjapjjam sirvirinacamarojj, jan ajjsarañanac churasa. Amtasipjjam, jumanacasa, jupanacasa alajjpachanquir Tatitunquirinacäpjjtawa, jupajj janiw jakenacjja yakha yakha uñjquiti.

Colosenses 3:25

Ucampis jan wali lurirejja jan wali luratapatjja pago catokaraquini. Diosasti takeniruw uñji, janiraquiw qhitirus yakhachcaspati.