Éxodo 30:13 - Qullan Arunaca

¹³ Take qhitinacatejj jact'atäcani ucanacawa Tatiturojj churapjjañapajja pheska gramo kollke, ucasti kollan chekancqui uca tupun chicatapawa.

Aymar Bibliia 1986

¹³ Take qhitinacatejj jact'atäcani ucanacawa Tatiturojj churapjjañapajja pheska gramo kollke, ucasti kollan chekancqui uca tupun chicatapawa.

Qullan Arunaka DC

¹³ Taqi khitinakatix jakt'atäkani, jupanakax phisqa gramo qullqi Tatitur churapxani, ukasti qullan chiqawjan tupuparjamax chikatapawa.

Éxodo 30:13 Jak'a apnaqawi uñst'ayäwi

Génesis 23:15

—Ist'ita, tata. Uca oraken alapajj pusi pataca sencillo kollkenacawa. Janiw jichhajj uca kollket ch'ajjwcañäniti, imt'asiscaquim warmimarojja —sasa.

2 Reyes 12:4

Mä urusti Joasajj sacerdotenacarojj sänwa: “Jumanacajj apthapipjjam Tatitun temploparu apanipqui uca take ofrenda kollkenaca, sapa maynita cutsuyata kollkenaca cunjämatï mayitäcäna ucar phokhasa, uqhamarac sapa maynisa chuymaparjama Tatitun utaparu take kollke apanqui ucanacaraqui. Ucatsti imata kollkenaca apnakerinacar mayipjjam, templona take cunanacatejj waquisqui asquichaña ucanac lurayapjjañapataqui.

Éxodo 30:14

Qhitinacatejj pä tunca maranit amstaru jact'atäpcani ucanacajja takeniw Tatiturojj cunatejj jacañapat churañäqui uca churapjjañapajja.

Éxodo 38:24

Uca carpataqui cunanacatejj munasqui ucanac lurañataquisti korejja Tatiturojj churatänwa llätunca pataca sojjta tunca pheskan kilo quimsa tunca gramoni, cunjämtejj Tatitumpi Jiquisiñ Carpa lurayañapataquejj tupojj churatäcäna uqhamarjama.

Éxodo 38:26

Pä tunca maranit amstaru take jaqhuta jakenacasti sojjta pataca quimsan waranca pheska pataca pheska tuncanïnwa, take jupanacasti sapa mayniw churapjjäna pheska chicatan gramo kollke, take uca carpa lurañatac tupojj churatäqui uqhamarjama.

Ezequiel 45:12

“Pesonac toketa tupusti uqhamaraquïñapawa: Geras sat tupunacatjja pä tunca gerasti mä sicloruw tucjjaraquini, pakallko tunca siclosti mä mina sata tupuruw tucjjaraquini.

Levítico 27:25

“Take tantiyt'atanacamasti mä siclo sat kollke pä tunca geras sat jisc'a santuarion kollkepajj kawkhäquitejj ucarjama tantiyt'ataraquïniwa.

Levítico 27:3

Mä chachatejj pä tuncata sojjta tunca marancamäni ucanacasti pheska tunca kollkenac churani, kawkhäquitejj santuarion kollkepajj uqhamarjama,

Levítico 5:15

“Mayni jaketejj jan muncasina jucha luranejja, ucatsti, Tatitur loktat yänacata engañatapajj uñstani ucapachasti, tamanacapatjja mä orko oveja wayokaniraquini ucasti c'umara jan cuna camacht'atäñaparaquiwa, ucat jucha luratapat sacrificio loktaraquini, Tatitun ucar apasa. Uca orko ovejan alapasti kawkhäquitejj santuarion kollkepajj ucarjamaw chaniñchasiñaparaqui, cunjämatejj jucha luräwit ofrenda loktañajj waquisqui uqhamarjama.

Números 18:16

Uca cutsuyasiñasti pagasiñapawa, wawachatat mä phajjsiru, ucasti pheska kollkëñapawa, cunjämatejj kollan kollkejja tunca mayan gramonïqui uqhamarjama.

Números 3:47

sapakat maynita pheska sencillo kollke mayïta, cunjämäquiti kollan kollken alapajja uqhamarjama, cawquïri sencillo kollketï tunca mayan gramo alapanïqui uca,

Números 7:67

ucatsti quipca ofrendanaca nayrïrinacjama churaraquïna.

Números 7:86

Uqhamaraquiw utjäna tunca payan kori cucharanaca, incienson phokt'ata, sapa maynisa pataca tuncani gramonacaw pesaraquïna, cunjämäcäntï santuarion kollkepan valorapajj uqhamarjama. Take kori cucharanacajj waranka quimsa pataca pä tuncani gramonacaw pesäna.

Mateo 17:24

Cunapachatejj Jesusajj discipulonacapampi Capernaum sat marcaru purinjjän ucqhajja, impuesto cobririnacajj Pedron ucaruw jutapjjäna jisct'apjjaraquïnwa: —¿Janit jumanacan yatichirimajj templotaqui impuesto pagqui? —sasa.

Mateo 21:12

Jesusasti Diosan templopar mantasinjja take ucan aljasirinacaru uqhamarac alasirinacaruw ankaru alissüna. Kollke troquirinacan mesanacapsa liwinucünwa, uca quicparaquiw luräna paloma aljirinacan sillanacapsa.

Mateo 27:24

Cunapachatejj Pilatojj take cunas jan asquiru saratap amuyäna; jan ucasti ch'ajjwanacaw juc'ampi sartäna ucqhasti, uma aptayasinïna, ucatsti amparapjja uca umampiw jarekasïna jakenacan nayrakatapana aqham sasa: —Janiw nayajj cuna juchanïctsa aca jan juchani jaker jiwayañataquejja, jumanacac cunarus tucuyasjjapjjam —sasa.