Éxodo 29:7 - Qullan Arunaca

⁷ Loktañ aceite aptasinjja, ucampiw Aaronan p'ekepat warjjatäta, uqhamata Diosar loktat sacerdotëñapataqui.

Aymar Bibliia 1986

⁷ Loktañ aceite aptasinjja, ucampiw Aaronan p'ekepat warjjatäta, uqhamata Diosar loktat sacerdotëñapataqui.

Qullan Arunaka DC

⁷ Luqtañ aceite aptasin, ukampiw Aaronan p'iqipat warxatäta, ukhamat Diosar luqtat sacerdotëñapataki.

Éxodo 29:7 Jak'a apnaqawi uñst'ayäwi

Salmos 133:2

Ucajj k'apquir kollar uñtatawa, sacerdotenacan p'ekepat llumekasin sunqhap chek sarakqui, cunca isipawjcam purqui uqhamawa.

Salmos 89:20

¡David uywatajjaruw jicjjatta! kollan aceitemp jawintasaw reyit utt'ayta;

Éxodo 28:41

“Uca isinacampiw isintayäta Aarón jilamaru, uqhamarac wawanacaparusa. Ucatjja aceitempiw p'eket warjjatäta uqhamat jilïr cancaña churasa, uqhamarac loktaraquïta nayan sacerdotejjäpjjañapataqui.

Éxodo 40:13

Ucatsti Aaronarojj sacerdote isimpiw isintayäta, ucat aceitempiw warjjatäta uqhamata nayaru loktata sacerdotëjjañapataqui.

Isaías 61:1

“Tatitun ajayupajj nayjjanquiwa, Tatituraquiw nayarojj yakhachasitu; pobrenacaru suma yatiyäwinac yatiyiriw qhitanitu, llact'atanacaru chuymachañataqui, preso catuntatanacaru khespiyat sarnakasiñ yatiyiri, carcelanquirinacarusti khespiyat sarnakasiñ chuririraqui,

Levítico 10:7

Tatitumpi Jiquisiñ Carpatsa janiraqui jayaru sarapjjamti, jan jiwarapjjañamataqui, jumanacasti Tatitun aceitepampi juparu catuyatäpjjtawa uca laycu. Ucatsti cunjämtejj Moisesajj siscäna uqhamarjamaw phokhapjjäna.

Levítico 21:10

“Sacerdotenacan jilïripasti, cawquïritejj sacerdoteta isthapisiñataquejja churatäqui, cuna aceitetejj p'ekepjjaru warjjatatacänjja uca laycu, uca sacerdotesti janipuniw ñic'utapajj t'isatatata sarnakañapäquiti, janiraquiw isipsa mä llaquisiñ uñacht'ayañ laycusa ch'iyanokasiñapäquiti;

Levítico 21:12

Tatitun kollanawjapatsti janipuniw mistuñapäquiti, janiraquiw uca chekan kollanätapsa jisc'achayañapäquiti, jupjjaru cuna aceitetejj Tatituru loktatäqui ucajj warjjatatätap laycu. Nayätwa Tatitojja.

Levítico 7:35

Cuna ofrendanacatejj Tatitutaqui nact'ayatäqui ucanacajja Aaronampiru wawanacapampiruw wact'i, cunürutejj Tatitojj jupanacarojj sacerdotëpjjañanacapataqui utt'ayasqui uca uruta.

Zacarías 4:14

Jupasti saraquituwa: —Aca paninisti Tatitur serviñatac take acapachan loktatäquis ucanacawa —sasa.

Números 35:25

Marcan jakenacaw khespiyapjjani jake jiwayir jakerojja cawquïritejj jiwayañatac arcnakqui ucatjja, ucatsti jupanacajj jan juchañchatäñatac imantasiñ marcaruw catuyjjapjjani, cawqharutejj imantasiñatac thakcatayna ucaru. Cawquïritejj jiwayqui ucajj ucanwa kheparani, jilïri sacerdoten jiwañapcama.

Juan 3:34

Diosan qhitanitapajja Diosan arunacapwa parli, Diosajj Ajayupjja jilarquirwa churaraqui.

1 Juan 2:27

Ucampis jumanacanjja utjapjjtamwa Kollan Ajayu cawquïrtejj Tatit Jesucristojj churapjjtam uca. Uqhamatwa jan qhitin yatichäwips munapctati, uca pachpa Ajayuw jumanacarojj yatichapjjtam. Yatichäwipasti chekawa, janiraquiw c'arïquiti. Uqhamay Tatit Jesucristompejj mayac jacapjjam, cunjämtï Kollan Ajayojj yatichapctam uqhamarjama.