Éxodo 29:45 - Qullan Arunaca

⁴⁵ Uqhamaraqui nayajja israelitanac taypinwa jacäjja, nayawa jupanacan Diosapäyäjja.

Aymar Bibliia 1986

⁴⁵ Uqhamaraqui nayajja israelitanac taypinwa jacäjja, nayawa jupanacan Diosapäyäjja.

Qullan Arunaka DC

⁴⁵ Nayax israelitanak taypin jakä, jupanakan Diosapäyäwa.

Éxodo 29:45 Jak'a apnaqawi uñst'ayäwi

Génesis 17:8

Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.

1 Reyes 6:13

ucatsti nayajj israelita jakenac taypinaracwa jacaraquëjja, ucatjja janiw apanuccäti Israel marcajjarojja” sasa.

2 Crónicas 6:18

“Ucampisa, ¿chekäspati Diosajj aca orakena jakenacamp chica jacañapajja? Alajjpachasa ucch'atakësina jan jumar catjjäscstamti ucajja, ¡ucatsa juc'ampiwa aca templo jumataqui luraycta ucajj jan jumar catjjäsquiristamti!

Salmos 114:2

Judá marcajj Tatitun kollan utjäwiparuw tucüna; Israel marcajj jupan apnakat marcaruw tucüna.

Salmos 68:18

Diosay, alajjpacharuw maqhattajja, catuntat jakenac anaquisa; churäwir uñtat jakenac catokastajja. Tatay, jumar kallcatir jakenacamppachaw jumar maqhatjjapjjtamjja.

Éxodo 15:17

Tatitu, kollan kolluman jacañataqui irpapjjeta, cawqha oraktejj jumajj ajllcta jacañataqui ucaru. Uqhamarac cawqha kollan uttejj amparamampi waquichcaracta ucqharu.

Éxodo 25:8

Nayataquisti mä kollana utjäwi lurarapipjjetäta, ucan nayajj jacañajjataqui.

Éxodo 29:44

Ucampis nayajja k'omachäwa Jiquisiñ Carparojja, uqhamarac altararusa; uqhamarac k'omacharaquïwa Aaronampiru, wawanacapampirusa, uqhamata nayan sacerdotenacajjäpjjañapataqui.

Éxodo 6:7

Jumanacarusti nayan marcajjwa tucuyapjjäma, ucatsti nayawa jumanacan Diosamäyäjja. Uqhamatwa jumanacajj yatipjjäta nayajj jumanacan Tatitu Diosamätajja, uqhamat nayajj egipcionacan wali ch'ama lurañanacampi t'akhesiyapctam ucanacata khespiyätajja.

Jeremías 14:9

¿Cunatsa mä lokherat jakjam tucta, guerran nuwasir jaker uñtata jan yanapt'asa? Ucampisa Tata, jumajj nanaca taypincasctawa, takeniw yatipjjaraqui nanacajj juman marcamätajj-jja; ¡Janiquiy nanacar apanuct'asipjjestati!

Ezequiel 34:24

Naya Tatituw jupanacan Diosapäyäjja, David sirvirejjasti jupanacan jilïriparaquïniwa. Naya Tatituw ucjja arsta.

Ezequiel 43:7

aqham sasa: “Aca chekajj nayan tronojjawa, cawqharutejj cayunacajjajj tact'qui uca chekawa; aca chekanwa nayajj israelitanac taypin wiñayataqui jacaraquëjja. Janipuniw jupanacasa, reyinacapasa nayan kollan sutejja juc'ampi jisc'achaycjjapjjaniti, uqham jan take chuyma nayaru arcatanacapampejja, cunjämatejj reyinacapar amtañataqui lantinacapa lurasipjjänjja uqhama, cunapachatejj uca reyinacapajj jiwarjjapjjän ucapacha.

Ezequiel 43:9

Uqham jan take chuymampi sarnakañanacsti nayatjja jayar apakapjjam, reyinacaman lantinacapa lurasitanacamsa, nayasti jupanac taypin wiñayataquiw jacaraquï.

Daniel (hebreo) 2:11

Sinti ch'amapuniwa juma reyin mayitamajja, janiw qhitis uca mayitamarojj khanañchcaspati, inasa diosanacajj khanañcharacchispan, ucampisa uca diosanacajj janiw jakenac taypin jacapquiti —sasa.

Levítico 26:11

“Nayaw jumanac taypin jacaraquëjja, janiraquiw jumanacarojj apanucupcämati,

Levítico 26:12

jumanac taypinpunwa sarnakasiraquëjja, nayajj jumanacan Diosamäyäwa, jumanacasti nayan marcajjäpjjaraquïtawa.

Hageo 2:5

Cunjämtejj Egiptot mistunipcäyäta ucapachajja sapjjayäsmawa: Ajayojjaw jumanacampïsqui, jan ajjsarapjjamti;

Zacarías 2:10

“¡Cusisiñat k'ochupjjam, Jerusalenanquirinaca, nayan jumanac taypin jaquiri jutatajjata!” Tatitun arsüwipawa.

Zacarías 8:3

Cutt'anïwa Jerusalenarojja, ucan jacañataqui. Ucqhaw Jerusalenajj Cheka Marca sutichatänejja; take ch'amani Tatitun kollupasa Kollana Kollu sataraquïnejja.

Números 16:3

Take jupanacaw tantachasisinjja Moisesana Aaronampina nayräjjaparu uñstapjjäna, aqham sasa: —¡Jumanacaquiw take cunsa lurasipctajja! Takpach marcaw Tatitu Diosar catuyata, Tatitusti take nanacampïscaraquiwa. ¿Cunatsa jumanacajj mä jilïrinacjama Tatitun marcapjjaru sartapjjta? —sasa.

Números 35:34

“Janiraqui k'añuchapjjamti cawquïri orakentejj jacapcta ucarojja, cawqhantejj nayas jaccä ucarojja, naya Tatitojj israelitanac taypin jacascatajj laycu.”

Números 5:3

Uca casta jakenacarojj campamentotjja ankaru jakonucupjjpan, chachäpasa, warmïpasa. Uqhamatsti janiw campamentoru k'añu tucuyapcaniti, nayan uca campamenton jacascatajj laycu.”

Juan 14:17

Ucajj cheka Ajayuwa, acapachanquirinacasti janiw jupar catokcaspati, jan uñjatapa ni uñt'atapa laycu, ucampis jumanacajj uñt'jjapjjtawa, jupasti jumanacampïsquiwa, ucatsti jumanacanwa jacani wiñayataqui.

Juan 14:20

Ucüruwa jumanacajj Awquincatajja yatipjjäta, jumanacasti nayancatajjaraqui, nayasti jumanacampïtajjaraqui.

Juan 14:23

Jesusasti saraquïnwa: —Qhititejj munasquitu ucajja, cuntejj nayajj siscta ucwa luri; Awquejjasti munasiniwa, Awquejjampi nayampejj jupamp jakeriw jutapjjä.

2 Corintios 6:16

Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

Efesios 2:22

Uca pachparaquiw jumanacajj Cristoru mayachatäpjjta, takenimpis mayachasisa mä utaru tucuñataqui, uca utanwa Diosajj Ajayup toke jaqui.

Deuteronomio 12:11

ucqhasti jumanacajj cawqha chekarutejj Tatitu Diosamajj ajllisini jumanacan yupaychapjjañamataqui, ucaruwa loktapjjäta take cunanactejj sapcsma ucanaca. Take uywanaca sacrificion loktasa juparu yupaychañataqui, diezmonaca, churäwinaca, uqhamaraqui take cuntejj Tatitu Diosamaru churañatac arsupcta ucanac sum ajllisinwa churapjjäta.

Deuteronomio 7:21

uqhamasti jumanacajj jan jupanaca nayräjjana qhathatipjjamti, jumanacan jach'a ajjsarcañ Tatitu Diosamaw jumanacampïsqui uca laycu.

Apocalipsis 21:3

Ucatsti mä jach'a aru ist'aracta alajjpachat art'asiniri: “¡Acajjay, Diosajj jichhajj jakenac taypinwa jaqui! Jupanacampiw jacani, jupanacasti marcapäniwa. Dios quipcaraquiw jupanacampïni, jupanacan Diosaparaquïniwa.